ಸೋಪು-ಶಾಂಪೂ ಪಕ್ಕಕ್ಕಿಡಿ-ಮೆಹೆಂದಿ 'ಹೇರ್ ಪ್ಯಾಕ್' ಮಾತ್ರ ಬಳಸಿ!

ಮದರಂಗಿ ಮತ್ತು ಗ್ರೀನ್ ಟೀ ಹೇರ್ ಮಾಸ್ಕ್

ತಲೆಬುರುಡೆಯಲ್ಲಿ ತುರಿಕೆ ಉಂಟಾಗಿದ್ದರೆ ಮತ್ತು ತೇವಾಂಶವನ್ನು ಕಾಪಾಡಿಕೊಳ್ಳಬೇಕಾದರೆ ಮದರಂಗಿ ಮತ್ತು ಗ್ರೀನ್ ಟೀ ಮಾಸ್ಕ್ ನಿಮಗೆ ನೆರವಾಗಲಿದೆ. ಈ ಮಾಸ್ಕ್ ಕೂದಲಿನ ಕಂಡೀಷನರ್ ಆಗಿ ಕೆಲಸ ಮಾಡಿ ನಯ ಹಾಗೂ ರೇಷ್ಮೆಯಂತಹ ಕೂದಲು ನೀಡುವುದು. ಎರಡು ಚಮಚ ಗ್ರೀನ್ ಟೀ ತೆಗೆದುಕೊಂಡು ಒಂದು ಕಪ್ ನೀರಿನಲ್ಲಿ ಕುದಿಸಿ. ಕೆಲವು ನಿಮಿಷ ಕುದಿಸಿದ ಬಳಿಕ ನೀರನ್ನು ಸೋಸಿ ತೆಗೆಯಿರಿ. ನೀರು ತಂಪಾಗಲು ಬಿಡಿ. 2-3 ಚಮಚ ಮದರಂಗಿ ಹುಡಿಯನ್ನು ಗ್ರೀನ್ ಟೀಯ ನೀರಿಗೆ ಹಾಕಿ. ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡ ಬಳಿಕ ಕೂದಲಿಗೆ ಹಚ್ಚಿಕೊಳ್ಳಿ. ಸ್ವಲ್ಪ ಸಮಯ ಬಿಟ್ಟು ತಂಪಾದ ನೀರಿನಿಂದ ಕೂದಲು ತೊಳೆಯಿರಿ.

ಮದರಂಗಿ ಮತ್ತು ಸಾಸಿವೆ ಎಣ್ಣೆ

ಸಾಸಿವೆ ಎಣ್ಣೆ ಮತ್ತು ಮದರಂಗಿಯ ಮಾಸ್ಕ್ ಕೂದಲಿನ ಬೆಳವಣಿಗೆ ಹಾಗೂ ಕೂದಲಿನ ಬುಡದಲ್ಲಿರುವ ಕಿರುಚೀಲಗಳನ್ನು ಬಲಗೊಳಿಸುತ್ತದೆ. ಒಂದು ಕಪ್ ಮದರಂಗಿ ಹುಡಿಗೆ ಸ್ವಲ್ಪ ಸಾಸಿವೆ ಎಣ್ಣೆ ಹಾಕಿಕೊಂಡು ಅದನ್ನು ಪೇಸ್ಟ್ ಮಾಡಿಕೊಳ್ಳಿ. ಇದನ್ನು ಒಂದು ಚಮಚ ನಿಂಬೆ ರಸ ಮತ್ತು ಎರಡು ಚಮಚ ಮೊಸರು ಹಾಕಿಕೊಳ್ಳಿ. ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಕೂದಲಿಗೆ ಹಚ್ಚಿಕೊಂಡು ಸ್ವಲ್ಪ ಸಮಯ ಬಿಟ್ಟು ತಂಪಾದ ನೀರಿನಿಂದ ತೊಳೆಯಿರಿ.

ಮದರಂಗಿ ಮತ್ತು ಮೆಂತೆ ಕಾಳು

ಮದರಂಗಿ ಮತ್ತು ಮೆಂತೆ ಕಾಳಿನ ಮಾಸ್ಕ್ ತಲೆಯಲ್ಲಿ ತಲೆಹೊಟ್ಟನ್ನು ತಡೆಯುತ್ತದೆ. ಮೆಂತ್ಯೆ ಕಾಳಿನಲ್ಲಿ ಹೆಚ್ಚಿನ ಮಟ್ಟದ ಆ್ಯಂಟಿ ಆಕ್ಸಿಡೆಂಟ್ ಮತ್ತು ಉರಿಯೂತ ಶಮನಕಾರಿ ಗುಣಗಳು ಅಡಗಿವೆ. ಇದು ತಲೆಬುರುಡೆಯಲ್ಲಿರುವ ತಲೆಹೊಟ್ಟನ್ನು ನಿವಾರಣೆ ಮಾಡುವುದು. ಒಂದು ಕಪ್ ಮೆಂತೆ ಕಾಳನ್ನು ನೀರಿನಲ್ಲಿ ನೆನೆಸಿಡಿ. ರಾತ್ರಿ ನೆನೆಸಿಟ್ಟ ಮೆಂತೆ ಕಾಳುಗಳನ್ನು ಬೆಳಿಗ್ಗೆ ರುಬ್ಬಿಕೊಂಡು ಪೇಸ್ಟ್ ಮಾಡಿ.

ಮದರಂಗಿ ಮತ್ತು ಮೆಂತೆ ಕಾಳು

ಇದಕ್ಕೆ ಒಂದು ಕಪ್ ಮದರಂಗಿ ಹುಡಿ ಹಾಕಿಕೊಳ್ಳಿ. ಸ್ವಲ್ಪ ಮೊಸರು ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಂಡು ಸ್ವಲ್ಪ ಸಮಯ ಹಾಗೆ ಬಿಡಿ. ಈ ಮಾಸ್ಕ್ ನ್ನು ಕೂದಲಿಗೆ ಹಚ್ಚಿಕೊಂಡು 15 ನಿಮಿಷ ಬಿಟ್ಟು ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.ಕಳೆಗುಂದಿದ ಮೆಹೆಂದಿ ಬಣ್ಣವನ್ನು ನಿವಾರಿಸಲು ಸರಳ ಟಿಪ್ಸ್

ಕೂದಲು ಉದುರುತ್ತಿದ್ದರೆ....

ಸ್ವಲ್ಪ ಸಾಸಿವೆ ಎಣ್ಣೆಯನ್ನು ಒಂದು ಬಾಣಲೆ ಅಥವಾ ಕಾವಲಿಯಲ್ಲಿ ಬಿಸಿಮಾಡಿ ಇದಕ್ಕೆ ಕೊಂಚ ಹಸಿ ಮೆಹೆಂದಿ ಎಲೆಗಳನ್ನು ಸೇರಿಸಿ. ಎಲೆಗಳು ಬಿಸಿಎಣ್ಣೆಯಲ್ಲಿ ಸೋಕಿದರೆ ಮಾತ್ರ ಸಾಕು, ಕುದಿಸುವ ಅಗತ್ಯವಿಲ್ಲ. ಎಲೆಗಳು ಕೊಂಚವೇ ಮುದುಡಿದ ಬಳಿಕ ಎಲೆಗಳಿಂದ ಹೆಚ್ಚುವರಿ ಎಣ್ಣೆಯನ್ನು ಹಿಂಡಿ ನಿವಾರಿಸಿ ತಣಿಯಲು ಬಿಡಿ. ತಣಿದ ಬಳಿಕ ನುಣ್ಣನೆ ಅರೆದು ತಲೆಗೂದಲಿಗೆ ನಿಯಮಿತವಾಗಿ ಹಚ್ಚಿಕೊಳ್ಳುತ್ತಾ ಬಂದರೆ ಕೂದಲು ಉದುರುವುದು ನಿಂತು ಬಕ್ಕತನ ಆವರಿಸುವುದರಿಂದ ರಕ್ಷಣೆ ಪಡೆಯಬಹುದು.