ತಲೆಹೊಟ್ಟಿಗೆ ಗುಡ್ ಬೈ ಹೇಳುವ ಎಣ್ಣೆಗಳು

ಟೀ ಟ್ರೀ ಎಣ್ಣೆ

ತಲೆಹೊಟ್ಟನ್ನು ನಿವಾರಿಸುವಲ್ಲಿ ಈ ಎಣ್ಣೆ ಪರಿಣಾಮಕಾರಿಯಾಗಿದೆ. ಇದರಲ್ಲಿರುವ ಆಂಟಿ ಸೆಪ್ಟಿಕ್ ಗುಣ ತಲೆ ತುರಿಕೆ, ಗುಳ್ಳೆಗಳು ಏಳುವುದನ್ನು ತಡೆಗಟ್ಟುತ್ತದೆ.

ರೋಸ್ ಮೆರಿ ಎಣ್ಣೆ

ಇದು ತಲೆಹೊಟ್ಟನ್ನು ನಿವಾರಣೆ ಮಾಡುವುದು ಮಾತ್ರವಲ್ಲ, ಕೂದಲು ಸೊಂಪಾಗಿ ಬೆಳೆಯುವಲ್ಲಿಯೂ ಸಹಕಾರಿ. ಇದನ್ನು ತಲೆಗೆ ಹಚ್ಚುವ ಇತರ ಎಣ್ಣೆಯ ಜೊತೆ ಮಿಕ್ಸ್ ಮಾಡಿ ಹಚ್ಚಿ.

ಲ್ಯಾವೆಂಡರ್ ಎಣ್ಣೆ

ತುಂಬಾ ತಲೆ ತುರಿಕೆ ಇದ್ದರೆ 15-29 ಹನಿ ಲ್ಯಾವೆಂಡರ್ ಎಣ್ಣೆಯನ್ನು ಬಾದಾಮಿ ಎಣ್ಣೆ ಜೊತೆ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಅರ್ಧ ಗಂಟೆಯ ಬಳಿಕ ತಲೆ ತೊಳೆಯಿರಿ. ಈ ರೀತಿ ಮಾಡುತ್ತಾ ಬಂದರೆ ಕೆಲವೇ ದಿನಗಳಲ್ಲಿ ತಲೆಹೊಟ್ಟು ಕಡಿಮೆಯಾಗುವುದು.

ಪುದೀನಾ ಎಣ್ಣೆ

ಪುದೀನಾ ಎಣ್ಣೆಯನ್ನು ತಲೆಗೆ ಹಚ್ಚಿದಾಗ ತುಂಬಾ ತಣ್ಣನೆಯ ಅನುಭವ ಉಂಟಾಗುತ್ತದೆ. ಇದು ತಲೆ ತುರಿಕೆಯನ್ನು ಕಮ್ಮಿ ಮಾಡುತ್ತದೆ, ತಲೆಗೆ ತಂಪಾದ ಹಿತಾನುಭವವನ್ನು ನೀಡುತ್ತದೆ ಹಾಗೂ ತಲೆ ಹೊಟ್ಟಿನ ಸಮಸ್ಯೆಯಿಂದ ಮುಕ್ತಿಯನ್ನು ನೀಡುವುದು.

ಕ್ಯಮೊಮೈಲ್ ಎಣ್ಣೆ

ಬೇಬಿ ಆಯಿಲ್ ಜೊತೆ ಕ್ಯಮೊಮೈಲ್ ಆಯಿಲ್ ಮಿಕ್ಸ್ ಮಾಡಿ ತಲೆಗೆ ಮಸಾಜ್ ಮಾಡಿ, ಅರ್ಧ ಗಂಟೆಯ ಬಳಿಕ ಮೈಲ್ಡ್ ಶ್ಯಾಂಪೂ ಬಳಸಿ ತಲೆ ತೊಳೆಯಿರಿ. ಈ ರೀತಿ ಮಾಡುವುದರಿಂದಲೂ ತಲೆಹೊಟ್ಟನ್ನು ಹೋಗಲಾಡಿಸಬಹುದು.

ನೀಲಗಿರಿ ಎಣ್ಣೆ

7-8 ಹನಿ ನೀಲಗಿರಿ ಎಣ್ಣೆಯನ್ನು ನೀವು ತಲೆಗೆ ಬಳಸುವ ಎಣ್ಣೆ ಜೊತೆ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಮಸಾಜ್ ಮಾಡಿ, ಇದು ತಲೆ ಕೆರೆದಾಗ ಆದ ಗಾಯವನ್ನು ಒಣಗಿಸುತ್ತದೆ ಹಾಗೂ ತಲೆ ತುರಿಕೆಯನ್ನು ಕಮ್ಮಿ ಮಾಡುತ್ತದೆ.

ಮಕ್ಕಳಲ್ಲಿ ತಲೆ ಹೊಟ್ಟಿನ ಸಮಸ್ಯೆ ನಿವಾರಣೆಗೆ ಇಲ್ಲಿ ನೋಡಿ.