ಮಕ್ಕಳ ತಲೆಹೊಟ್ಟು ಸಮಸ್ಯೆಯ ನಿವಾರಣೆ

Kids

oi-Reena

By Hema S

Published: Friday, October 28, 2011, 13:36 [IST]

ಮಕ್ಕಳಿಗೆ ತಲೆಯಲ್ಲಿ ಹೇನು ಮಾತ್ರವಲ್ಲ ತಲೆಹೊಟ್ಟಿನಂತಹ ಸಮಸ್ಯೆಗಳು ಕೂಡ ಸಾಮನ್ಯವಾಗಿದೆ. ದೂಳಿನಲ್ಲಿ ಅಟ,ಸರಿಯಾಗಿ ತಲೆಯ ಶುಚಿತ್ವವನ್ನು ಕಾಪಾಡಿಕೊಳ್ಳದಿರುವುದು, ಸರಿಯಾಗಿ ತಲೆಗೆ ಎಣ್ಣೆ ಹಾಕದೆ ಇರುವುದು, ತಲೆಹೊಟ್ಟು ಇರುವರ ತಲೆದಿಂಬನ್ನು ಬಳಸಿದಾಗ ಇಂತಹ ಸಮಸ್ಯೆಗಳು ಉಂಟಾಗುತ್ತವೆ.

ಮಕ್ಕಳಿಗೆ ತಲೆಹೊಟ್ಟು ಬಂದರೆ ದೊಡ್ಡವರಿಗೆ ಬಳಸುವ ಶ್ಯಾಂಪೂನಿಂದ ತಲೆ ತೊಳೆಯಬಾರದು, ಇದರಿಂದ ಮಕ್ಕಳ ತಲೆಕೂದಲು ಉದುರಲು ಆರಂಭಿಸುತ್ತವೆ.

ಮಕ್ಕಳ ತಲೆಹೊಟ್ಟು ನಿವಾರಣೆಗೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿ:

1. ಸ್ನಾನ ಮಾಡಿಸುವ ಮೊದಲು ತಲೆಗೆ ಚೆನ್ನಾಗಿ ಎಣ್ಣೆ ಹಾಕಿ ಮಸಾಜ್ ಮಾಡಬೇಕು.

2.ಎಣ್ಣೆ ಹೋಗಿಸಲು ತಲೆಯನ್ನು ಶ್ಯಾಂಪೂ ಹಾಕಿ ಚೆನ್ನಾಗಿ ತಿಕ್ಕುವುದರಿಂದ ಪುನಃ ಕೂದಲಿನ ಬುಡ ಒಣಗಿ ಹೊಟ್ಟು ಉಂಟಾಗುತ್ತದೆ, ಅದರ ಬದಲು ಹರ್ಬಲ್ ಶ್ಯಾಂಪೂವನ್ನು ಬಳಸಿ.

3.ತಲೆಗೆ ವಾರಕ್ಕೊಮ್ಮೆ ಮೊಸರು, ಮೆಂತೆ ಹಾಕಿ ಒಂದು ಗಂಟೆ ಬಿಟ್ಟು ತಲೆತೊಳೆಯುವುದರಿಂದ ಇಂತಹ ಸಮಸ್ಯೆಗಳ ನಿವಾರಣೆಗೆ ಒಳ್ಳೆಯದಲ್ಲದೆ, ಕೂದಲು ಸೊಂಪಾಗಿ ಬೆಳೆಯುತ್ತದೆ.

4.ಮಕ್ಕಳಿಗಾಗಿಯೆ ತಲೆಹೊಟ್ಟು ನಿವಾರಣೆಯ ಶ್ಯಾಂಪೂ ದೊರೆಯುತ್ತದೆ, ಅದನ್ನು ಸಹ ಬಳಸಬಹುದು.

5. ತಲೆಯಲ್ಲಿ ತುರಿಕೆಯಿಂದ ಗಾಯ ಉಂಟಾದರೆ ಬೀವಿನ ಎಣ್ಣೆ ಹಾಕಬಹುದು, ಅಥವಾ ವೈದ್ಯರಿಗೆ ತೋರಿಸುವುದು ಒಳ್ಳೆಯದು.

6.ಎಣ್ಣೆ ಹಾಕಿದ ನಂತರ ತಲೆ ಬಾಚುವುದರಿಂದ ರಕ್ತ ಸಂಚಲ ಹೆಚ್ಚಾಗಿ ಕೂದಲಿಗೆ ಆರೈಕೆ ದೊರೆಯುತ್ತದೆ.

7. ಮಕ್ಕಳಿಗೆ ಬಿಗಿಯಾಗಿ ಜಡೆ ಅಥವಾ ಜುಟ್ಟು ಹಾಕಬಾರದು.

ಈ ಸಲಹೆಗಳು ಮಕ್ಕಳ ಕೂದಲ ಪೋಷಣೆಗೆ ಸಹಕಾರಿಯಾಗುತ್ತವೆ.