ಯಾವುದೇ ರಾಸಾಯನಿಕ ಇಲ್ಲದೇ ಮನೆಯಲ್ಲೇ ತಯಾರಿಸಿ ಸಕ್ಕರೆ ವ್ಯಾಕ್ಸಿಂಗ್

ಮನೆಯಲ್ಲೇ ನೈಸರ್ಗಿಕ ಸಕ್ಕರೆ ವ್ಯಾಕ್ಸಿಂಗ್ ತಯಾರಿಸಲು ಬೇಕಾಗುವ ಪದಾರ್ಥಗಳು

1/4 ಕಪ್ ನೀರು

1/4 ಕಪ್ ನಿಂಬೆ ರಸ

2 ಕಪ್ ಸಕ್ಕರೆ (ಬಿಳಿ ಸಕ್ಕರೆ ಬಳಸುವುದು ಉತ್ತಮ)

ಅಗಲವಾದ ಪಾತ್ರೆ

ಮುಚ್ಚಳವನ್ನು ಹೊಂದಿರುವ ದೊಡ್ಡ ಗಾಜಿನ ಜಾರ್. ಪ್ಲಾಸ್ಟಿಕ್ ಜಾರ್ ಅನ್ನು ಬಳಸಬೇಡಿ.

ಹಳೆಯ ಟಿ-ಶರ್ಟ್‌ ಅಥವಾ ಜೀನ್ಸ್ ನಿಂದ ಕತ್ತರಿಸಿದ ವ್ಯಾಕ್ಸಿಂಗ್ ಸ್ಟ್ರಿಪ್ಸ್ (ಅಂಗಡಿಯಲ್ಲೂ ಪ್ರತ್ಯೇಕ ಸ್ಟ್ರಿಪ್ಸ್ ದೊರೆಯುತ್ತದೆ)

ಪಾಪ್ಸಿಕಲ್ ಸ್ಟಿಕ್ಗಳು ​, ಚಮಚ ಅಥವಾ ಪ್ಲಾಸ್ಟಿಕ್ ಸ್ಪಾಟುಲಾ

ತಯಾರಿಸುವ ವಿಧಾನ

* ನೀರು, ಸಕ್ಕರೆ ಮತ್ತು ನಿಂಬೆ ರಸವನ್ನು ದೊಡ್ಡ ಪಾತ್ರೆಯಲ್ಲಿ ಸೇರಿಸಿ ಒಲೆಯ ಮೇಲೆ ಇರಿಸಿ. (ಮಧ್ಯಮ ಗಾತ್ರದಲ್ಲಿ ಗ್ಯಾಸ್ ಇಡಿ)

* ನಿರಂತರವಾಗಿ ಕಲಸಿ, ಗಂಟು ಕಟ್ಟದಂತೆ ಎಚ್ಚರವಹಿಸಿ. ಸಕ್ಕರೆ ಬಹಳ ಸುಲಭವಾಗಿ ಕರಗುತ್ತದೆ ಮತ್ತು ಕಲಸದಿದ್ದರೆ ಇಡೀ ಮಿಶ್ರಣವು ಹಾಳಾಗುತ್ತದೆ. ಮರದ ಅಥವಾ ದೊಡ್ಡ ಲೋಹದ ಚಮಚವನ್ನೇ ಬಳಸಿ.

* ಮಿಶ್ರಣವು ಗುಳ್ಳೆ ಬರುವಂತೆ ಮತ್ತು ಕುದಿಯಲು ಪ್ರಾರಂಭವಾಗುವವರೆಗೆ ಬೆರೆಸಿ. ಈ ಸಮಯದಲ್ಲಿ ಗ್ಯಾಸ್ ಉರಿಯನ್ನು ಕಡಿಮೆ ಮಾಡಿ ಮತ್ತು ಕಲಸುವುದನ್ನು ಮಾತ್ರ ನಿಲ್ಲಿಸಬೇಡಿ!

ಮಿಶ್ರಣ ಮಾಡುವಾಗ ಎಚ್ಚರ!

* ಮಿಶ್ರಣವು ಕಂದು ಬಣ್ಣಕ್ಕೆ ತಲುಪುವವರೆಗೆ ಬೆರೆಸಿ. ನೀವು ಕಂದು ಸಕ್ಕರೆಯನ್ನು ಬಳಸಿದ್ದರೆ ಮತ್ತು ಮೇಣವು ಸಿದ್ಧವಾಗಿದೆಯೆ ಎಂದು ಹೇಳಲು ಕಷ್ಟಸಾಧ್ಯವಾಗುತ್ತದೆ. ಮಿಶ್ರಣವು ಗಾಢ ಕಂದು ಬಣ್ಣಕ್ಕೆ ಬರಬೇಕು ಮತ್ತು ಸಿರಪ್ ರೀತಿ ಇರಬೇಕು.

* ಗ್ಯಾಸ್ ಆಫ್ ಮಾಡಿದ ತಕ್ಷಣವೇ ಮಿಶ್ರಣವನ್ನು ನಿಧಾನವಾಗಿ ಗಾಜಿನ ಜಾರ್‌ನಲ್ಲಿ ಸುರಿಯಿರಿ. ನಿಮಗೆ ಸುಡದಂತೆ ಎಚ್ಚರಿಕೆ ವಹಿಸಿ.

* ಜಾರ್ ಅನ್ನು ಪಕ್ಕಕ್ಕೆ ಇರಿಸಿ ಮತ್ತು ತಣ್ಣಗಾಗಲು ಬಿಡಿ. ತಣ್ಣಗಾಗುವ ಮೊದಲೇ ಮೇಣವನ್ನು ಬಳಸಿದರೆ ಸುಟ್ಟ ಗಾಯಗಳಾಗಬಹುದು, ಆದ್ದರಿಂದ ಅದನ್ನು ಸುಮಾರು ಒಂದು ಗಂಟೆ ಬಿಟ್ಟು ನಂತರ ಬಳಸಿ.

ವ್ಯಾಕ್ಸ್ ಹಚ್ಚುವ ವಿಧಾನ ಹೇಗೆ

* ಮೇಣವು ಬೆಚ್ಚಗಿನ ತಾಪಮಾನಕ್ಕೆ ತಣ್ಣಗಾದ ನಂತರ, ಪ್ಲಾಸ್ಟಿಕ್ ಸ್ಪಾಟುಲಾ ಅಥವಾ ಪಾಪ್ಸಿಕಲ್ ಸ್ಟಿಕ್ ಬಳಸಿ ನಿಮ್ಮ ಚರ್ಮಕ್ಕೆ ಹಚ್ಚಿ. ನಿಮ್ಮ ಕೂದಲಿನ ಬೆಳವಣಿಗೆಯ ದಿಕ್ಕಿನಲ್ಲೇ ಮೇಣವನ್ನು ಅನ್ವಯಿಸಲು ಮರೆಯದಿರಿ.

* ಟಿ-ಶರ್ಟ್ ಅಥವಾ ವ್ಯಾಕ್ಸ್ ತೆಗೆಯುವ ಸ್ಟ್ರಿಪ್ಸ್ ಗಳನ್ನು ಬಳಸಿ ನಿಮ್ಮ ಚರ್ಮದ ಮೇಲೆ ಗಟ್ಟಿಯಾಗಿ ಒತ್ತಿಡ ಇಡಿ. ಸುಮಾರು 30 ಸೆಕೆಂಡುಗಳ ಕಾಲ ಹಾಗೇ ಇರಿ.

* ನಿಮ್ಮ ಚರ್ಮವನ್ನು ನಿಮ್ಮ ಇನ್ನೊಂದು ಕೈಯಿಂದ ನಿಧಾನವಾಗಿ ಎಳೆಯಿರಿ, ನಿಮ್ಮ ಕೂದಲಿನ ಬೆಳವಣಿಗೆಯ ವಿರುದ್ಧ ದಿಕ್ಕಿನಲ್ಲಿ ಸ್ಟ್ರಿಪ್ ಅನ್ನು ತ್ವರಿತವಾಗಿ ಎಳೆಯಿರಿ. ಇದನ್ನು ಸರಿಯಾಗಿ ಮಾಡಿದರೆ, ನೀವು ಮೇಣದ ಪಟ್ಟಿಯ ಮೇಲೆ ಸಣ್ಣ ಕೂದಲನ್ನು ನೋಡಬೇಕು.

ವ್ಯಾಕ್ಸಿಂಗ್ ನಂತರ ಹೀಗೆ ಮಾಡದಿರಿ

* ಇದೇ ರೀತಿ ಕೂದಲು ಪೂರ್ಣವಾಗಿ ಹೋಗುವವರೆಗೂ ವ್ಯಾಕ್ಸಿಂಗ್ ಮುಂದುವರಿಸಿ.

* ಅಂತಿಮವಾಗಿ ತಣ್ಣನೆಯ ನೀರು ಅಥವಾ ಐಸ್ ಕ್ಯೂಬ್‌ನಿಂದ ತ್ವಚೆಯನ್ನು ನಿಧಾನವಾಗಿ ಮಸಾಜ್‌ ಮಾಡಿ, ನಿಮಗೆ ಹೊಂದುವಂಥ ಬಾಡಿ ಲೋಷನ್ ಹಚ್ಚಿ.

* ವ್ಯಾಕ್ಸಿಂಗ್‌ ನಂತರ ಯಾವುದೇ ಕಾರಣಕ್ಕೂ ಬಿಸಿ ನೀರಿನ ಸ್ನಾನ ಅಥವಾ ಬಿಸಿಲಿಗೆ ಮೈ ಒಡ್ಡುವುದು ಅಪಾಯಕಾರಿ.