ಬ್ಯಾಚುಲರ್‌ನಲ್ಲಿ ಮಾಡುತ್ತಿದ್ದ ಚೇಷ್ಟೆ, ಮದುವೆ ಬಳಿಕ ನಡೆಯಲ್ಲ!

ಪತ್ನಿಯನ್ನು ತಾಯಿಗೆ ಹೋಲಿಕೆ ಮಾಡುವುದು

ತಾಯಿಯ ಗುಣಗಳು ನಿಮಗೆ ಇಷ್ಟವಿದ್ದರೆ ಅದರಲ್ಲಿ ತಪ್ಪೇನಿಲ್ಲ. ತಾಯಿಯ ಅಡುಗೆ ಇಷ್ಟವಾದರೆ ಅದನ್ನು ಆನಂದಿಸಿ. ಆದರೆ ಪತ್ನಿಯನ್ನು ನಿಮ್ಮ ತಾಯಿಗೆ ಹೋಲಿಸಿದರೆ ಆಕೆ ಖಂಡಿತವಾಗಿಯೂ ಸಿಟ್ಟಾಗಿ ರೇಗುವುದರಲ್ಲಿ ಸಂಶಯವೇ ಇಲ್ಲ.

ಆದೇಶ ನೀಡುವುದು

ರಾಜನಂತೆ ನೀವು ಆದೇಶ ನೀಡಿದರೆ ಪತ್ನಿ ಅದನ್ನು ಖಂಡಿತವಾಗಿಯೂ ಪಾಲಿಸುತ್ತಾಳೆ ಎಂದು ಭಾವಿಸಿದ್ದರೆ ಅದು ಖಂಡಿತವಾಗಿಯೂ ಮೂರ್ಖತನ. ಇಂತಹ ಪ್ರಯತ್ನ ಮಾಡಿದರೆ ಖಂಡಿತವಾಗಿಯೂ ನೀವು ಪಶ್ಚಾತ್ತಾಪ ಪಡುತ್ತೀರಿ.

ಹಠಾತ್ ಆಗಿ ಮನೆಗೆ ಸ್ನೇಹಿತರನ್ನು ಕರೆದುಕೊಂಡು ಬರುವುದು

ಪತ್ನಿಗೆ ಯಾವುದೇ ಸೂಚನೆ ನೀಡದೆ ಮಧ್ಯಾಹ್ನದ ವೇಳೆ ನಿಮ್ಮ ಸ್ನೇಹಿತರನ್ನು ಮನೆಗೆ ಕರೆದುಕೊಂಡು ಬಂದರೆ ಏನಾಗುತ್ತದೆ ಎಂದು ನೋಡಿ. ಇಂತಹ ಮೂರ್ಖತನದ ಕೆಲಸಗಳು ಪತ್ನಿಯನ್ನು ಸಿಟ್ಟಿಗೆಬ್ಬಿಸಬಹುದು.

ಪತ್ನಿಯ ಪೋಷಕರನ್ನು ನಿಂದಿಸುವುದು

ಪತ್ನಿಯ ಪೋಷಕರನ್ನು ನಿಂದಿಸುವಂತಹ ಕೆಲಸವನ್ನು ಕನಸಿನಲ್ಲೂ ಮಾಡಲು ಹೋಗಬೇಡಿ. ಜೀವಮಾನವಿಡಿ ಆಕೆ ಇದಕ್ಕೆ ಕ್ಷಮೆ ನೀಡಲ್ಲ.

ಹಳೆ ಪ್ರೇಯಸಿ ಬಗ್ಗೆ ಮಾತನಾಡುವುದು

ಪುರುಷರಿಗೆ ತಮ್ಮ ಹಳೆಯ ಪ್ರೇಮದ ಬಗ್ಗೆ ಮಾತನಾಡುವುದರಿಂದ ಖುಷಿ ಸಿಗುತ್ತದೆ. ಆದರೆ ಮದುವೆ ಬಳಿಕ ಇದು ಮೂರ್ಖತನ. ಮದುವೆ ಬಳಿಕ ಹಳೆ ಪ್ರೇಮಿ ಬಗ್ಗೆ ಮಾತನಾಡಿದರೆ ಪತ್ನಿಗೆ ಅದರಿಂದ ನಿರಾಶೆ ಉಂಟಾಗಿ ಸಿಟ್ಟು ಬರಬಹುದು.

ಏಕಪಕ್ಷೀಯ ನಿರ್ಧಾರ ತೆಗೆದುಕೊಳ್ಳುವುದು

ಪತ್ನಿಗೆ ತಿಳಿಸದೆ ಮತ್ತು ಆಕೆಯೊಂದಿಗೆ ಚರ್ಚಿಸದೆ ಯಾವುದೇ ನಿರ್ಧಾರ ತೆಗೆದುಕೊಳ್ಳುತ್ತಾ ಇದ್ದರೆ ಒಂದು ನಿಮಿಷ ನಿಲ್ಲಿ. ನಿಮ್ಮ ನಿರ್ಧಾರ ತಪ್ಪಾದರೆ ಅದರ ಬಗ್ಗೆ ಆಕೆ ಜೀವಮಾನವಿಡಿ ಮಾತನಾಡುತ್ತಾ ಇರುತ್ತಾಳೆ.

ಪತ್ನಿ ಮತ್ತು ತಾಯಿ ಮಧ್ಯೆ ಜಗಳ ಹಚ್ಚುವುದು

ನಿಮ್ಮ ತಾಯಿ ಹಾಗೂ ಪತ್ನಿ ಜಗಳ ಮಾಡುತ್ತಾ ಇದ್ದಾಗ ಅದನ್ನು ನಿಲ್ಲಿಸಲು ನಿಮಗೆ ಕಷ್ಟವಾದರೆ ಅದರಿಂದ ಯಾವುದೇ ಸಮಸ್ಯೆಯಿಲ್ಲ. ಆದರೆ ಅವರಿಬ್ಬರ ಮಧ್ಯೆ ಜಗಳ ಶುರುವಾಗುವಂತೆ ಮಾಡಬೇಡಿ. ಇದು ವಿಶ್ವಯುದ್ಧವನ್ನು ಆರಂಭ ಮಾಡಿದಷ್ಟೇ ಕೆಟ್ಟ ಪರಿಣಾಮ ನಿಮ್ಮ ಮೇಲೆ ಬೀರುತ್ತದೆ.