ನಿಮ್ಮ ಸಾಧನೆ ಕಂಡು ಒಳಗೊಳಗೆ ಹೊಟ್ಟೆಕಿಚ್ಚು ಪಡುತ್ತಿರುವವರ ಸೂಚನೆಗಳಿವು

ಅವರ ಅಭಿನಂದನೆ ವ್ಯಂಗ್ಯವಾಗಿರುವುದು:

ನಿಮ್ಮ ಸ್ನೇಹಿತನು ನಿಮ್ಮ ಬಗ್ಗೆ ಅಸೂಯೆ ಪಡುತ್ತಿದ್ದರೆ, ಅವರ ಅಭಿನಂದನೆಯನ್ನೊಮ್ಮೆ ಗಮನಿಸಿ. ನಿಮ್ಮನ್ನು ಅಭಿನಂದಿಸುವಾಗ ವ್ಯಂಗ್ಯವಾಗಿ ಮಾತನಾಡುತ್ತಾರೆ. ನಿಮಗೆ ಏನು ಪ್ರೋತ್ಸಾಹ ಬೇಕೋ ಅದೆಲ್ಲಾವನ್ನು ಕೊಡುವ ನಾಟಕದ ಮಾತುಗಳನ್ನಾಡುವರು. ಅವರ ಮಾತಿನ ಆಳದಲ್ಲಿ ಬೇರೆಯೇ ಅರ್ಥವಿರುವುದು. ನೀವು ಸರಿಯಾಗಿ ಗಮನ ಕೊಟ್ಟು ಕೇಳಿದರೆ ಹೊಟ್ಟೆಕಿಚ್ಚು ನಿಮ್ಮ ಗಮನಕ್ಕೆ ಬರುವುದು.

ಯಶಸ್ಸನ್ನು ಕಡಿಮೆ ಮಾಡಲು ಪ್ರಯತ್ನ:

ಹೊಟ್ಟೆಕಿಚ್ಚು ಹೊಂದಿರುವ ಜನರು ನಿಮ್ಮ ಯಶಸ್ಸನ್ನು ಕಡಿಮೆ ಮಾಡಲು ಪ್ರಯತ್ನಿಸಬಹುದು. ನೀವು ಸಾಧಿಸಿದಷ್ಟು ಸಾಧಿಸಲು ಅವರಿಗೆ ಸಾಧ್ಯವಾಗುವುದಿಲ್ಲ ಎಂಬ ಕಾರಣದಿಂದ ಅಸುರಕ್ಷತೆ ಹೊಂದಿರುತ್ತಾರೆ. ಅದಕ್ಕಾಗಿ ನೀವು ಒಳ್ಳೆಯವರಲ್ಲ ಎಂದು ಯಾವಾಗಲೂ ಇತರರಿಗೆ ಹೇಳಿಕೊಂಡು ಬರುತ್ತಾ ಜನರನ್ನು ಒಪ್ಪಿಸಲು ಪ್ರಯತ್ನಿಸುತ್ತಾರೆ.

ನಿಮ್ಮೊಂದಿಗೆ ಸ್ಪರ್ಧಿಗಿಳಿಯುವರು:

ಯಾರಿಗಾದರೂ ಹೊಟ್ಟೆ ಕಿಚ್ಚು ಆಗುತ್ತಿದೆ ಎಂದರೆ ನಿಮ್ಮ ಸಾಧನೆ ಉತ್ತಮವಾಗಿದೆ ಎಂದರ್ಥ. ಆ ಸಮಯದಲ್ಲಿ ಅವರ ಶಕ್ತಿ-ಸಾಮರ್ಥ್ಯವನ್ನು ಸಾಬೀತುಪಡಿಸುವ ಅವಶ್ಯಕತೆ ಎದುರಾಗುವುದು. ಇದೇ ಕಾರಣಕ್ಕಾಗಿ ಅವರು ನಿಮ್ಮೊಂದಿಗೆ ಅಥವಾ ಇತರ ಜನರೊಂದಿಗೆ ಹೆಚ್ಚು ಸ್ಪರ್ಧೆಗಿಳಿಯುತ್ತಾರೆ.

ನಿಮ್ಮ ತಪ್ಪುಗಳನ್ನೇ ಹುಡುಕುವರು:

ನೀವು ಬಹಳ ಹಿಂದೆ ಮಾಡಿದ ಒಂದು ಸಣ್ಣ ತಪ್ಪಾಗಿದ್ದರೂ, ಅದಕ್ಕೆ ನೀವು ನಷ್ಟವನ್ನು ಎದುರಿಸಿದ್ದರೂ ಸಹ, ಅದನ್ನ ಪದೇ ಪದೇ ನೆನಪಿಸುತ್ತಾರೆ. ಆ ತಪ್ಪನ್ನೇ ಆಗಾಗ ಎತ್ತಿ ಹಿಡಿಯುತ್ತಾರೆ. "ನಾನು ಅವತ್ತೇ ಹೇಳಿದೆ, ನೀನೇ ಕೇಳಲಿಲ್ಲ" ಎಂದು ಹೇಳಿ ನಿಮ್ಮನ್ನೇ ತಪ್ಪಿತಸ್ಥರನ್ನಾಗಿ ಮಾಡುವರು. ನೀವು ಸೋತಾಗ ಅವರು ಸಂತೋಷ ಮತ್ತು ತೃಪ್ತಿಯನ್ನು ಅನುಭವಿಸುತ್ತಾರೆ.

ಫರ್ಫೆಕ್ಟ್ ಕಾಪಿ ಕ್ಯಾಟ್:

ನಿಮ್ಮ ಬಗ್ಗೆ ಅಸೂಯೆ ಹೊಂದಿರುವವರು ನಿಮ್ಮಂತೆ ಆಗಲು, ನೀವು ಮಾಡುವ ಎಲ್ಲವನ್ನೂ ಅನುಕರಿಸಲು ಪ್ರಯತ್ನಿಸಬಹುದು. ವಾಕಿಂಗ್, ಡ್ರೆಸ್ಸಿಂಗ್ ಮತ್ತು ಮಾತನಾಡುವ ರೀತಿ ಎಲ್ಲವನ್ನು. ಮೊದಮೊದಲು ಅದನ್ನು ಅಭಿನಂದನೆಯಾಗಿ ತೆಗೆದುಕೊಂಡರೂ, ನಂತರ ಅದು ನಿಮ್ಮ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸುತ್ತದೆ.

ನಿಮ್ಮ ಸೋಲನ್ನು ಆಚರಿಸುವರು:

ನಿಮ್ಮ ಗುರಿಗಳನ್ನು ಮುಟ್ಟುವಲ್ಲಿ ನೀವು ವಿಫಲರಾಗಿದ್ದೀರಿ ಎಂದು ಅಸೂಯೆ ಪಡುವ ಜನರಿಗೆ ತಿಳಿದರೆ, ಅವರು ಅದನ್ನು ಸಂಭ್ರಮಿಸುತ್ತಾರೆ. ಆದರೆ ನಿಮ್ಮ ಹಿನ್ನಡೆಯ ಸುದ್ದಿ ಅವರಿಗೆ ತಂದ ಸಂತೋಷದ ಬಗ್ಗೆ ಎಂದಿಗೂ ಹೇಳುವುದಿಲ್ಲ. ಬದಲಾಗಿ, ರಹಸ್ಯವಾಗಿ ಒಳಗೊಳಗೆ ಸಂತೋಷಪಡುತ್ತಾರೆ. ಆ ಸೋಲಿನಿಂದ ಹೊರಬರುವ ದಾರಿಯನ್ನು ಅವರು ಹೇಳುವುದಿಲ್ಲ.