ಸಂಬಂಧದಲ್ಲಿನ ನ್ಯೂನತೆ ಚರ್ಚಿಸುವುದು

1.ಕೇವಲ ದೈಹಿಕ

ಕೆಲವೊಂದು ಸಲ ನೀವು ದೈಹಿಕ ಆಕರ್ಷಣೆಯನ್ನೇ ಪ್ರೀತಿಯೆಂದು ಭಾವಿಸಿ ಅದನ್ನೇ ಸಂಬಂಧವನ್ನಾಗಿಸಿರಬಹುದು. ನಿಮ್ಮ ಸಂಬಂಧ ಮತ್ತು ಜೊತೆಗಾರರ ಹಿತಾಸಕ್ತಿಯಿಂದ ಸಂಬಂಧದ ನ್ಯೂನತೆ ಹೇಳಿ ಅದನ್ನು ನಿಮ್ಮ ಜತೆಗಾರರೊಂದಿಗೆ ಸೇರಿ ಹೇಗೆ ಪರಿಹರಿಸಬಹುದೆಂಬುವುದನ್ನು ನೋಡಿಕೊಳ್ಳಿ.

2.ಲಿಂಗ ಆಧಾರಿತ

ಸಂಬಂಧದಲ್ಲಿನ ಕೆಲವೊಂದು ನ್ಯೂನತೆಗಳು ಸಂಬಂಧಕ್ಕೆ ಹೊರತಾಗಿ ಸಂಪೂರ್ಣವಾಗಿ ಲಿಂಗ ಸಂಬಂಧಿತವಾಗಿದೆ. ನಿಮ್ಮ ಹುಡುಗಿ ತುಂಬಾ ದೀರ್ಘ ಸಮಯದ ತನಕ ಯಾರೊಂದಿಗಾದರೂ ಮಾತನಾಡುವುದು ಅಥವಾ ಪಾರ್ಟಿಗಳಿಗೆ ಹೋಗುವ ಅಭ್ಯಾಸವಿರಿಸಿಕೊಂಡಿರುವಾಕೆ ಆಗಿರಬಹುದು. ಮಹಿಳೆಯರ ಸ್ವಭಾವ ಈ ರೀತಿಯಾಗಿರುವ ಕಾರಣ ಇಂತಹ ನ್ಯೂನತೆ ಪ್ರತಿಯೊಂದು ಸಂಬಂಧದಲ್ಲೂ ಇರುತ್ತದೆ.

3. ದಾಂಪತ್ಯ ದ್ರೋಹ

ಇದು ಯಾವುದೇ ಸಂಬಂಧದಲ್ಲೂ ಬಹುದೊಡ್ಡ ನ್ಯೂನತೆಯಾಗಿರುತ್ತದೆ. ರೋಮಾಂಚನ ಮತ್ತು ಇತರ ಪಾಪದ ಮನರಂಜಗಾಗಿ ವಂಚನೆ ಮಾಡುತ್ತಿದ್ದರೆ ಇದರ ಬಗ್ಗೆ ತಕ್ಷಣ ಗಮನಹರಿಸುವುದು ತುಂಬಾ ಮುಖ್ಯ. ಕೆಲವೊಮ್ಮೆ ದಾಂಪತ್ಯ ದ್ರೋಹವು ಚಿಕಿತ್ಸೆ ಮಾಡಬಹುದಾದ ಮಾನಸಿಕ ಸಮಸ್ಯೆಯಾಗಿರಬಹುದು. ವಿಶ್ವಾಸದ್ರೋಹಕ್ಕಿಂತ ದೊಡ್ಡ ಸಮ್ಯಸ್ಯೆ ಬೇರೊಂದಿಲ್ಲ. ನ್ಯೂನತೆ ಒಪ್ಪಿಕೊಂಡು ಅದನ್ನು ಬಗೆಹರಿಸಲು ಪ್ರಯತ್ನಿಸಿದರೆ ಆಗ ಅರ್ಧ ಸಮಸ್ಯೆ ಬಗೆಹರಿದಂತೆ.

4. ಹೊಂದಾಣಿಕೆ

ನ್ಯೂನತೆಗಳು ಸಂಬಂಧದಲ್ಲಿ ಮಾತ್ರವಲ್ಲದೆ ಅದರಲ್ಲಿರುವ ಜನರಲ್ಲೂ ಇರುತ್ತದೆ. ನಿಮ್ಮಲ್ಲಿರುವ ಯಾವುದಾದರೂ ನ್ಯೂನತೆ ಸಂಬಂಧದ ಮೇಲೆ ಭಾರೀ ಪರಿಣಾಮ ಬೀರಿರಬಹುದು ಮತ್ತು ನಿಮ್ಮ ಜೊತೆಗಾರ್ತಿ ಸಂಬಂಧ ಉತ್ತಮವಾಗಿ ಸಾಗಲು ಹೊಂದಾಣಿಕೆ ಮಾಡಿಕೊಂಡಿರಬಹುದು. ನಿಮ್ಮ ಜತೆಗಾರ್ತಿಯ ನಡವಳಿಕೆ ಸ್ವಲ್ಪ ಕಿರಿಕಿರಿಯಾದರೂ ನೀವು ಹೊಂದಾಣಿಕೆ ಮಾಡಿಕೊಂಡು ಸಂಬಂಧ ಮುಂದುವರಿಸಬೇಕಾಗುತ್ತದೆ.

5. ತ್ಯಾಗ

ಇದು ಒಳ್ಳೆಯ ಸಂಬಂಧದ ಮೂಲಭೂತ ವಿಷಯಗಳಲ್ಲಿ ಒಂದು. ಬದ್ಧತೆಯ ಜೊತೆಗಾರರಾಗಿರುವ ಕಾರಣ ಕೆಲವೊಂದು ಸಲ ನಿಮ್ಮ ಜತೆಗಾರರಿಗಾಗಿ ಮತ್ತು ಸಂಬಂಧಕ್ಕಾಗಿ ತ್ಯಾಗ ಮಾಡಬೇಕಾಗುತ್ತದೆ. ನಿಮ್ಮ ಜತೆಗಾರ್ತಿಯ ಮುಖದಲ್ಲಿ ನಗು ಮತ್ತು ಸಂತೋಷ ಕಾಣಲು ಕೆಲವೊಂದು ಸಲ ನಿಮ್ಮ ಫೇವರಿಟ್ ತಂಡಗಳ ನಡುವಿನ ಕ್ರಿಕೆಟ್ ಪಂದ್ಯ ನೋಡುವುದನ್ನು ಬಿಡಬೇಕಾಗುತ್ತದೆ.

6. ಸಂವಹನ

ಯಶಸ್ವಿ ಸಂಬಂಧಕ್ಕಾಗಿ ಉತ್ತಮ ಸಂವಹನ ಅಗತ್ಯ. ಆರೋಗ್ಯಕರ ಸಂವಹನವು ಯಾವುದೇ ನ್ಯೂನತೆ ಹೋಗಲಾಡಿಸಿ ಅದಕ್ಕೆ ಪರಿಹಾರ ಸೂಚಿಸಬಹುದು. ಪರಸ್ಪರ ಯಾವ ರೀತಿ ಸಂವಹನ ನಡೆಸುತ್ತಾರೆ ಎನ್ನುವುದು ಒಳ್ಳೆಯ ಸಂಬಂಧದ ಒಂದು ಲಕ್ಷಣವಾಗಿದೆ. ಸರಿಯಾದ ಸಂವಹನವಿಲ್ಲದಿದ್ದರೆ ಸಂಬಂಧದಲ್ಲಿ ನ್ಯೂನತೆ ಉಂಟಾಗಬಹುದು ಮತ್ತು ಇದು ಬಗೆಹರಿಸಲಾರದಷ್ಟು ಮಟ್ಟಕ್ಕೆ ತಲುಪಬಹುದು.