ಬ್ಯಾಚುಲರ್ಸ್ ಮಾಡಬಹುದಾದ ಸುಲಭ ಗಸಗಸೆ ಪಾಯಸ

Sweets

oi-Reena

By Hema S

Published: Saturday, February 18, 2012, 16:40 [IST]

ಶಿವರಾತ್ರಿಗೆ ಶಿವನಾಮ ಜಪ ಮಾಡುತ್ತಾ ಉಪವಾಸವಿದ್ದು ನಂತರ ಮಾರನೇ ದಿನ ಬೆಳಗ್ಗೆ ದೇವರಿಗೆ ಅರ್ಚನೆ ಮಾಡಿ ಪ್ರಸಾದ ತಿಂದು ನಂತರ ಅಮ್ಮ ಮಾಡಿಕೊಡುವ ಸಿಹಿ ತಿನ್ನುವುದು ವಾಡಿಕೆ. ಆದರೆ ದೂರದೂರಲ್ಲಿ ಕೆಲಸ ಮಾಡುವ ಬ್ಯಾಚುಲರ್ಸಿಗೂ ಸಿಹಿ ಏನಾದರೂ ತಿನ್ನಬೇಕೆನಿಸುವುದು ಸಹಜ. ಅಂಗಡಿ, ಹೋಟೆಲ್ ನಲ್ಲಿ ತಿನ್ನುವುದಕ್ಕಿಂತ ಕೈಯಾರೆ ಮಾಡಿ ತಿಂದರೆ ಒಳ್ಳೆಯದು. ಈ ಬಾರಿ ಶಿವರಾತ್ರಿಗೆ ಮನೆಗೆ ಹೋಗಲು ಸಾಧ್ಯವಾಗದ ಬ್ಯಾಚುರಲ್ ಗಳಿಗಾಗಿ ಈ ರೆಸಿಪಿ ನೀಡಲಾಗಿದೆ. ನೀವು ತಯಾರಿಸಿದ ರುಚಿಕರವಾದ ಪಾಯಸದ ಬಗ್ಗೆ ಮನೆಯಲ್ಲಿ ತಿಳಿಸಿ.

ಬೇಕಾಗುವ ಸಾಮಾಗ್ರಿಗಳು:
* 4 ಕಪ್ ಹಾಲು
* 1 ಚಮಚ ಗಸೆಗಸೆ
* 3/4 ಕಪ್ ಸಕ್ಕರೆ
* 1/4 ಕಪ್ ಏಲಕ್ಕಿ ಪುಡಿ
* 1ಕಪ್ ನೀರು

ತಯಾರಿಸುವ ವಿಧಾನ:

1. ಗಸೆಗಸೆಯನ್ನು ನೀರಿನಲ್ಲಿ ತೊಳೆದು 10 ನಿಮಿಷ ತೆಗೆದಿಡಿ.

2. ತೇವವನ್ನು ಹೀರಿಕೊಂಡು ಗಸೆಗಸೆ ಸ್ವಲ್ಪ ಮೃದುವಾಗುತ್ತದೆ.

3. ನೀರು ಬಿಸಿ ಮಾಡಿ ಗಸೆಗಸೆ ಸೇರಿಸಬೇಕು. ಗಸೆಗಸೆ ಹಾಕಿದ ಕುದಿಯುತ್ತಿರುವ ನೀರನ್ನು ತಿರುಗಿಸುತ್ತಾ ಇರಬೇಕು.

4. ಈಗ ಹಾಲನ್ನು ಸೇರಿಸಿ ಆ ಮಿಶ್ರಣವನ್ನು ಮತ್ತಷ್ಟು ಕುದಿಸಿ.

5. ನಂತರ ಸಕ್ಕರೆ ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಬೇಕು.

6. ಆಗಾಗ ಮಿಶ್ರಣವನ್ನು ತಿರುಗಿಸುತ್ತಾ ಇರಿ.

7. ಪಾಯಸ ಬೆಂದಿದೆಯೆ ಎಂದು ನೋಡಲು ಸೌಟ್ ನಲ್ಲಿ ಬೇಯುತ್ತಿರುವ ಗಸೆಗಸೆ ತೆಗೆದು ಬೆರಳಿನಿಂದ ಅದುಮಿದಾಗ ಅದು ಮೆತ್ತಗೆಯಾದರೆ ಪಾಯಸ ಬೆಂದಿದೆ ಎಂದು ಅರ್ಥ.

8. ನಂತರ ಬಾಣಲೆಯನ್ನು ಬಿಸಿ ಮಾಡಲು ಇಟ್ಟು ಅದರಲ್ಲಿ ಒಂದು ಚಮಚ ತುಪ್ಪ ಹಾಕಿ ಅದರಲ್ಲಿ ಗೋಡಂಬಿ, ದ್ರಾಕ್ಷಿ ಮತ್ತು ಬಾದಾಮಿಯನ್ನು ಸ್ವಲ್ಪ ಬಿಸಿ ಮಾಡಿ ಪಾಯಸಕ್ಕೆ ಸೇರಿಸಿದರೆ ರುಚಿಕರವಾದ ಪಾಯಸ ರೆಡಿ.