ಚೀಸ್ ಮಶ್ರೂಮ್ ಸ್ಯಾಂಡ್ ವಿಚ್

ಸ್ಯಾಂಡ್ ವಿಚ್ ಅನ್ನು ಅನೇಕ ರುಚಿಯಲ್ಲಿ ತಯಾರಿಸಬಹುದು. ಫ್ರೂಟ್ ಸ್ಯಾಂಡ್ ವಿಚ್, ವೆಜೆಟೇಬಲ್ ಸ್ಯಾಂಡ್ ವಿಚ್, ಚೀಸ್ ಸ್ಯಾಂಡ್ ವಿಚ್, ಚೀಸ್ ಚಿಲ್ಲಿ ಹೀಗೆ ನೂರಕ್ಕೂ ಅಧಿಕ ವಿಧಗಳಲ್ಲಿ ಸ್ಯಾಂಡ್ ವಿಚ್ ತಯಾರಿಸಬಹುದು.

ಇಲ್ಲಿ ನಾವು ಅಣಬೆ ಹಾಕಿ ಮಾಡುವ ಮಶ್ರೂಮ್ ಸ್ಯಾಂಡ್ ವಿಚ್ ರೆಸಿಪಿ ನೀಡಲಾಗಿದೆ ನೋಡಿ.

ಬೇಕಾಗುವ ಸಾಮಾಗ್ರಿಗಳು
1 /4 ಕಪ್ ಚೀಸ್
1 ಕಪ್ ಕತ್ತರಿಸಿದ ಅಣಬೆ
ಬೆಳ್ಳುಳ್ಳಿ ಎಸಳು 3-4 (ಚಿಕ್ದಾಗಿ ಕತ್ತರಿಸಿದ್ದು)
ಸ್ವಲ್ಪ ಎಲೆಕೋಸು
4 ಬನ್ (ಎರಡು ಸಮಭಾಗಗಳಾಗಿ ಕತ್ತರಿಸಿರಬೇಕು)
ಅಥವಾ
ಬ್ರೆಡ್ ತುಂಡುಗಳು
1/2 ಕಪ್
2-3 ಚಮಚ ಸೋಯಾ ಸಾಸ್
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಮಯೋನೈಸ್
ಅರ್ಧ ಚಮಚ ಕರಿ ಮೆಣಸಿನ ಪುಡಿ
ಎಣ್ಣೆ 1 ಚಮಚ

ತಯಾರಿಸುವ ವಿಧಾನ:

* ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ 1 ಚಮಚ ಎಣ್ಣೆ ಹಾಕಿ ಅದಕ್ಕೆ ಕತ್ತರಿಸಿದ ಬೆಳ್ಳುಳ್ಳಿ ಹಾಕಿ, ನಂತರ ಶುಚಿ ಮಾಡಿ ಕತ್ತರಿಸಿದ ಅಣಬೆ ತುಂಡುಗಳನ್ನು ಹಾಕಿ ಸ್ವಲ್ಪ ಹೊತ್ತು ಉರಿದು ರುಚಿಗೆ ತಕ್ಕ ಉಪ್ಪು ಮತ್ತು ಕರಿ ಮೆಣಸಿನ ಪುಡಿ ಹಾಕಿ ಹಾಕಿ ಬೇಯುವವರೆಗೆ ಸೌಟ್ ನಿಂದ ಆಡಿಸುತ್ತಾ ಹುರಿಯಿರಿ.

* ಅಣಬೆ ಬೆಂದ ನಂತರ ಅದನ್ನು ಒಂದು ಪಾತ್ರೆಯಲ್ಲಿಡಿ.

* ಈಗ ಬನ್ ಅಥವಾ ಬ್ರೆಡ್ ತುಂಡುಗಳ ನಡುವೆ ಅಣಬೆಯನ್ನು ಹಾಕಿ ಕತ್ತರಿಸಿದ ಎಲೆಕೋಸನ್ನು ಹಾಕಿ ಅದರ ಮೇಲೆ ಚೀಸ್ ಮತ್ತು ಮಯೋನೈಸ್ ಹಾಕಿ ಸೋಯಾ ಸಾಸ್ ಹಾಕಿ ಮತ್ತೊಂದು ತುಂಡು ಬ್ರೆಡ್ ಅನ್ನು ಅದರ ಮೇಲೆ ಇಟ್ಟರೆ ಮಶ್ರೂಮ್ ಸ್ಯಾಂಡ್ ವಿಚ್ ರೆಡಿ. ಇದನ್ನು ಟೊಮೆಟೊ ಕೆಚಪ್ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.

ಸಲಹೆ: ಈ ಸ್ಯಾಂಡ್ ವಿಚ್ ಗೆ ಬ್ರೆಡ್ ಬಳಸುವುದಾದರೆ ಬ್ರೆಡ್ ಗೆ ಬೆಣ್ಣೆ ಅಥವಾ ಎಣ್ಣೆ ಸವರಿ ತವಾದಲ್ಲಿ ಹಾಕಿ ಬಿಸಿ ಮಾಡಿ ನಂತರ ಸ್ಯಾಂಡ್ ವಿಚ್ ತಯಾರಿಸಿ.