ರುಚಿಯಾದ ಮಶ್ರೂಮ್ ಮ್ಯಾಜಿಕ್ ರೆಸಿಪಿ

ಅಣಬೆಯಿಂದ ಅನೇಕ ಬಗೆಯಲ್ಲಿ ಸ್ನ್ಯಾಕ್ಸ್ ತಯಾರಿಸಬಹುದಾಗಿದ್ದು, ಹೊಸ ರುಚಿಯ ಅಡುಗೆ ಮಾಡಬಯಸುವವರು ಈ ಮಶ್ರೂಮ್ ಮ್ಯಾಜಿಕ್ ಮಾಡಬಹುದು. ಇದನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಮಶ್ರೂಮ್ ಮ್ಯಾಜಿಕ್ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಒಂದು ಪ್ಯಾಕೆಟ್ ಅಣಬೆ
* ಚಿಕ್ಕದಾಗಿ ಕತ್ತರಿಸಿದ ಶುಂಠಿ ಒಂದೂವರೆ ಚಮಚ
* 2 ಚಮಚ ಎಣ್ಣೆ
* 1/ 4 ಚಮಚ ಜೀರಿಗೆ
* 1/2 ಚಮಚ ಕೆಂಪು ಮೆಣಸಿನ ಪುಡಿ
* ಸ್ವಲ್ಪ ಅರಿಶಿಣ ಪುಡಿ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಎಣ್ಣೆಯನ್ನು ಬಿಸಿ ಮಾಡಿ ಜೀರಿಗೆಯನ್ನು ಹಾಕಬೇಕು. ನಂತರ ಕತ್ತರಿಸಿದ ಶುಂಠಿ ಹಾಕಿ 1 ನಿಮಿಷ ಬಿಸಿ ಮಾಡಬೇಕು.

2. ಶುಚಿ ಮಾಡಿ ಅಣಬೆ, ಮೆಣಸಿನ ಪುಡಿ , ಸ್ವಲ್ಪ ಅರಿಶಿಣ ಪುಡಿ ರುಚಿಗೆ ತಕ್ಕ ಉಪ್ಪು ಹಾಕಿ ಸೌಟ್ ನಿಂದ ಆಡಿಸುತ್ತಾ ಎಣ್ಣೆಯಲ್ಲಿಯೇ ಬೇಯಿಸಬೇಕು. ಈ ರೀತಿ ಮಾಡಿದರೆ ರುಚಿಕರವಾದ ಮಶ್ರೂಮ್ ಮ್ಯಾಜಿಕ್ ರೆಸಿಪಿ ರೆಡಿ. ಇದನ್ನು ಆಮ್ಲೇಟ್ ಒಳಗೆ ಹಾಕಿ ಸುತ್ತಿ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.

ಸಾಯಾಂಕಾಲದ ತಿಂಡಿಗೆ ಈ ಮ್ಯಾಜಿಕ್ ತಿಂಡಿ ಟ್ರೈ ಮಾಡಿ, ಈ ಹೊಸ ರುಚಿ ನಿಮಗೆ ಇಷ್ಟವಾಗುವುದು.