ಮನೆಯಲ್ಲಿಯೆ ಸವಿಯಬಹುದು ಪಾವ್ ಬಾಜಿ ಸವಿ

Snacks

oi-Reena

By Hema S

Updated: Saturday, July 28, 2012, 12:09 [IST]

ಚಾಟ್ಸ್ ಅಂಗಡಿಗಳಿಗೆ ಹೋಗಿ ಸ್ನೇಹಿತರ ಜೊತೆ ಹರಟೆ ಹೊಡೆಯುತ್ತಾ ಪಾವ್ ಬಾಜಿ ತಿನ್ನುವುದರ ಮಜವೇ ಬೇರೆ. ಆದರೆ ಸ್ನೇಹಿತರು ಮನೆಗೆ ಬಂದಾಗ ಮನೆಯವರ ಜೊತೆ ಸೇರಿ ತಿನ್ನಲು ಮತ್ತಷ್ಟು ಮಜವಾಗಿರುತ್ತದೆ ಆದರೆ ಮನೆಯಲ್ಲಿ ಇದನ್ನು ಮಾಡುವುದು ಹೇಗೆ ಎಂದು ಯೋಚಿಸುವುದಾದರೆ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

1. ಅರ್ಧ ಓಪನ್ ಮಾಡಿದ ಬನ್ 8
2. ಬೇಯಿಸಿದ ಆಲೂಗೆಡ್ಡೆ 2
3. ಬೇಯಿಸಿದ ಬಟಾಣಿ 1 ಕಪ್
4. ಬೇಯಿಸಿದ ಕ್ಯಾರೆಟ್ 2
5. ಬೇಯಿಸಿದ ಹೂಕೋಸು
6. ಬೇಯಿಸಿದ ಎಲೆಕೋಸು1/2
7. ಬೇಯಿಸಿದ ಬೀನ್ಸ್ 10
8. ಈರುಳ್ಳಿ ಕತ್ತರಿಸಿದ 2
9. 2 ಟೊಮೆಟೊ
10. ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
11. ದುಂಡು ಮೆಣಸಿನ ಕಾಯಿ 1
12. ಕತ್ತರಿಸಿದ ಹಸಿಮೆಣಸಿನ ಕಾಯಿ 4
13. ಕೊತ್ತಂಬರಿ ಸೊಪ್ಪು
14. ಮೆಣಸಿನ ಪುಡಿ 1 ಚಮಚ
15. ಜೀರಿಗೆ ಪುಡಿ 1 ಚಮಚ
16. ಕೊತ್ತಂಬರಿ ಪುಡಿ 1 ಚಮಚ
17. ಪಾವ್ ಬಾಜಿ ಮಸಾಲ ಪುಡಿ 1 ಚಮಚ
18. ಗರಂ ಮಸಾಲ 1 ಚಮಚ ( ಕರಿಮೆಣಸಿನ ಕಾಯಿ, ಬೆಳ್ಳುಳ್ಳಿ, ಚಕ್ಕೆ, ಏಲಕ್ಕಿ )
19. ತುಪ್ಪ 2 ಚಮಚ
20. ಎಣ್ಣೆ 2 ಚಮಚ
21. ಉಪ್ಪು ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ:

1. ದುಂಡು ಮೆಣಸಿನ ಕಾಯಿ ಬಿಟ್ಟು , ಕತ್ತರಿಸಿದ ಎಲ್ಲಾ ತರಕಾರಿಗಳನ್ನು ಉಪ್ಪು ಹಾಕಿ ಬೇಯಿಸಿ ನಂತರ ಅವುಗಳನ್ನು ಮಸೆದಾಗ ಪೇಸ್ಟ್ ರೀತಿ ಆಗುವುದು.

2. ನಂತರ ಬಾಣಲೆಗೆ ಎಣ್ಣೆ ಹಾಕಿ ಅದರಲ್ಲಿ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ನಂತರ ಅದಕ್ಕೆ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮಿಶ್ರ ಮಾಡಬೇಕು.

3. ನಂತರ ಆ ಬಾಣಲೆಗೆ ದುಂಡು ಮೆಣಸಿನ ಕಾಯಿ ಮತ್ತು ಹಸಿ ಮೆಣಸಿನ ಕಾಯಿಯನ್ನು ಹಾಕಿ 2 ನಿಮಿಷ ಬೆರೆಸಿ ನಂತರ ಮೆಣಸಿನ ಪುಡಿ ಮತ್ತು ಕೊತ್ತಂಬರಿ ಪುಡಿ, ಜೀರಿಗೆ ಪುಡಿ ಬೆರೆಸ ಬೇಕು, ಗರಂ ಮಸಾಲ ಪುಡಿಯನ್ನು ಈಗ ಹಾಕಬಾರದು.

4. ಅದಕ್ಕೆ ಟೊಮೆಟೊ ಹಾಕಿ ಅದು ಮೆದುವಾದಾಗ ರಸ ತರ ಮಾಡಬೇಕು .

5. ಈಗ ಮಸೆದ ತರಕಾರಿಯನ್ನು ಬೆರೆಸಿ ಅದಕ್ಕೆ 1/2 ಕಪ್ ನೀರು ಸೇರಿಸಬೇಕು, ಅದಕ್ಕೆ ರುಚಿಗೆ ತಕ್ಕ ಹಾಗೆ ಉಪ್ಪು ಸೇರಿಸಿ.

6. ಅದಕ್ಕೆ ಗರಂ ಮಸಾಲ ಹಾಕಿ 5 ನಿಮಿಷ ಕಾಲ ಕುದಿಸಿ, ನಂತರ ಅದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.

7. ಬನ್ ಅನ್ನು ತುಪ್ಪದಲ್ಲಿ ಮುಳುಗಿಸಿ ಅದನ್ನು ಬಾಣಲೆಯಲ್ಲಿ ಹಾಕಿ ಬಿಸಿ ಮಾಡಿ ಅದನ್ನು ತಯಾರಿಸಿದ ಮಸಾಲೆಯೊಂದಿಗೆ ತಿನ್ನಲು ಕೊಡಿ. ಎಲ್ಲರೊಂದಿಗೆ ತಿನ್ನಲು ತುಂಬಾನೆ ಮಜವಾಗಿರುತ್ತದೆ.