ನೀವೂ ಆಗಬಹುದು ಚಾಟ್ಸ್ ಮಾಸ್ಟರ್!

Snacks

oi-Reena

By Hema S

Published: Thursday, March 1, 2012, 13:01 [IST]

ಚಾಟ್ಸ್ ತಿನ್ನಬೇಕೆಂದು ಅನಿಸಿದಾಗ ತಕ್ಷಣ ನೆನಪಾಗುವುದು ಪಕ್ಕದ ಚಾಟ್ಸ್ ಅಂಗಡಿ ಅಥವಾ ತಳ್ಳುಗಾಡಿ. ಆದರೆ ಚಾಟ್ಸ್ ಅನ್ನು ಮನೆಯಲ್ಲಿಯೆ ಮಾಡಿ ತಿನ್ನುವ ಗೋಜಿಗೆ ಹೆಚ್ಚಿನವರು ಹೋಗುವುದಿಲ್ಲ. ಬೀದಿ ಬದಿಯಲ್ಲಿ ಚಾಟ್ಸ್ ತಿನ್ನುವುದಕ್ಕಿಂತ ಆರೋಗ್ಯಕರವಾದ ಚಾಟ್ಸ್ ಮನೆಯಲ್ಲಿಯೆ ನಿಮಿಷಾರ್ಧದಲ್ಲಿ ತಯಾರಿಸಬಹುದು.

ಬ್ರೆಡ್ ನಿಂದ ಅನೇಕ ಬಗೆಯ ತಿಂಡಿಗಳನ್ನು ತಯಾರಿಸಬಹುದು. ಇವತ್ತು ನಾವು ಬ್ರೆಡ್ ಚಾಟ್ಸ್ ಮಾಡುವ ವಿಧಾನ ತಿಳಿಯೋಣ.

ಸಲಹೆ: ಗೋಧಿ ಬ್ರೆಡ್ ಬಳಸುವುದು ಆರೋಗ್ಯಕ್ಕೆ ಒಳ್ಳೆಯದು.

ಬೇಕಾಗುವ ಸಾಮಾಗ್ರಿಗಳು:
* ಬ್ರೆಡ್ ನ ಚೂರುಗಳು 7-8
* ಕತ್ತರಿಸಿದ ಸೌತೆಕಾಯಿ 1
* ಕತ್ತರಿಸಿದ ಕ್ಯಾರೆಟ್ 2
* ಕತ್ತರಿಸಿದ ಈರುಳ್ಳಿ
* ಚಿಕ್ಕದಾಗಿ ಕತ್ತರಿಸಿದ ಟೊಮೆಟೊ
* ರುಚಿಗೆ ತಕ್ಕ ಉಪ್ಪು
* 1/2 ಚಮಚ ಕರಿಮೆಣಸಿನ ಪುಡಿ
* ಅರ್ಧ ಭಾಗ ನಿಂಬೆ ಹಣ್ಣಿನಲ್ಲಿ
* ಸೇವ್
* ಒಂದೂವರೆ ಚಮಚ ಚಾಟ್ ಮಸಾಲ
* ಕತ್ತರಿಸಿದ ಕೊತ್ತಂಬರಿ ಸೊಪ್ಪು

ತಯಾರಿಸುವ ವಿಧಾನ:

1. ಬ್ರೆಡ್ ಚೂರುಗಳನ್ನು ಪುಡಿ ಮಾಡಿ.
2. ಇದಕ್ಕೆ ಕತ್ತರಿಸಿದ ತರಕಾರಿಗಳನ್ನು ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ, ನಿಂಬೆ ರಸವನ್ನು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.
3. ಈ ಚಾಟ್ಸ್ ಮೇಲೆ ಸ್ವಲ್ಪ ಕತ್ತರಿಸಿದ ಕೊತ್ತಂಬರಿ ಸೊಪ್ಪುನಿಂದ ಅಲಂಕರಿಸಿದರೆ ರುಚಿಯಾದ ಚಾಟ್ಸ್ ರೆಡಿ.