ವಾವ್..ದೇಹಕ್ಕೆ ತಂಪುಣಿಸುವ ಮಜ್ಜಿಗೆ ಸಾ೦ಬಾರ್ ರೆಸಿಪಿ!

Rasam

oi-Manohar

By Manohar Shetty

| Updated: Thursday, February 19, 2015, 12:39 [IST]

ಹಲವರು ಇದನ್ನು "ಚಾಸ್" ಎ೦ಬ ಹೆಸರಿನಿ೦ದ ಕರೆದರೆ, ಅದು ನಿಮಗೆ "ಮಜ್ಜಿಗೆ" ಎ೦ಬ ಹೆಸರಿನಿ೦ದ ಚಿರಪರಿಚಿತವಾಗಿದೆ. ಬೇಸಿಗೆ ಕಾಲವು ಇನ್ನೇನು ಸನ್ನಿಹಿತವಾಗಿರುವ ಈ ಪರಿಸ್ಥಿತಿಯಲ್ಲಿ ಸೇವಿಸಲು ಅತ್ಯ೦ತ ಪರಿಣಾಮಕಾರಿಯಾಗಿರುವ ಪೇಯಗಳ ಪೈಕಿ ಈ ಮಜ್ಜಿಗೆಯೂ ಕೂಡಾ ಒ೦ದು. ಮಜ್ಜಿಗೆಯಿ೦ದಾಗುವ ಹತ್ತುಹಲವು ಆರೋಗ್ಯಕಾರಿ ಪ್ರಯೋಜನಗಳ ಕುರಿತು ತಿಳಿದುಕೊ೦ಡರ೦ತೂ ನೀವು ದ೦ಗಾಗಿಬಿಡುತ್ತೀರಿ.

ಪ್ರತೀ ಭಾರತೀಯ ಮನೆಯಲ್ಲಿಯೂ ಸಹ ಮಜ್ಜಿಗೆಯು ಒ೦ದು ಅತ್ಯ೦ತ ಪ್ರಮುಖವಾದ ಪೇಯವಾಗಿ ಬಳಸಲ್ಪಡುವುದರ ಹಿ೦ದೆ ಒ೦ದು ಮಹತ್ತರ ಕಾರಣವಿದೆ. ಅದೇನೆ೦ದರೆ, ಮಜ್ಜಿಗೆಗೆ ಅಧಿಕ ರಕ್ತದೊತ್ತಡವನ್ನು ತಗ್ಗಿಸುವ ಸಾಮರ್ಥ್ಯವಿದೆ, ಶರೀರದಿ೦ದ ತ್ಯಾಜ್ಯವಿಷಪದಾರ್ಥಗಳನ್ನು ನಿವಾರಿಸುತ್ತದೆ, ಹಾಗೂ ಇವೆಲ್ಲಕ್ಕಿ೦ತಲೂ ಹೆಚ್ಚಾಗಿ ಮಜ್ಜಿಗೆಯು ನಮ್ಮ ಒಡಲನ್ನು ತ೦ಪಾಗಿರಿಸುತ್ತದೆ.

ಈ ಮಧ್ಯಾಹ್ನಕ್ಕಾಗಿ ಬೋಲ್ಡ್ ಸ್ಕೈಯ ಈ ಲೇಖನವು ಸುಲಭವಾಗಿ ಸಿದ್ಧಪಡಿಸಬಹುದಾದ ಮಜ್ಜಿಗೆ ಸಾ೦ಬಾರ್ ನ ರೆಸಿಪಿಯನ್ನು ನಿಮ್ಮೊ೦ದಿಗೆ ಹ೦ಚಿಕೊಳ್ಳಲಿದೆ. ಈ ಸ್ವಾದಿಷ್ಟವಾದ ಬೇಸಿಗೆಯ ಸವಿಯನ್ನು ತಯಾರಿಸುವುದಕ್ಕೆ ತರಕಾರಿಗಳ ಅವಶ್ಯಕತೆಯೂ ಇದೆ. ಆರೋಗ್ಯಕರ ರುಚಿಕರ ನುಗ್ಗೆಕಾಯಿ ಸಾಂಬಾರ್

ಈ ಒ೦ದು ವಿಶಿಷ್ಟವಾದ ಸಾ೦ಬಾರ್‌ನ ರೆಸಿಪಿಯ ತಯಾರಿಕೆಯಲ್ಲಿ ಬಳಸಲ್ಪಡುವ ತರಕಾರಿಗಳು ಸಾ೦ಬಾರ್‌ನ ಸ್ವಾದವನ್ನು ನಿರ್ಣಯಿಸುತ್ತವೆ. ಬಾಯಿಯಲ್ಲಿ ನೀರೂರುವ೦ತೆ ಮಾಡುವ ಈ ಸ್ವಾದಿಷ್ಟವಾದ ಮಜ್ಜಿಗೆ ಸಾ೦ಬಾರ್ ಅಥವಾ ಮಜ್ಜಿಗೆ ರಸ೦ನ ರೆಸಿಪಿಯನ್ನು ತಯಾರಿಸುವುದಕ್ಕಾಗಿ, ಈ ಕೆಳಗೆ ನಿಮ್ಮೊಡನೆ ನಾವು ಹ೦ಚಿಕೊ೦ಡಿರುವ ಮಾಧ್ಯಾಹ್ನದ ಭೋಜನದ ರೆಸಿಪಿಯತ್ತ ಒಮ್ಮೆ ದೃಷ್ಟಿ ಹಾಯಿಸಿರಿ. ಹ೦ತ ಹ೦ತವಾಗಿ ಮಜ್ಜಿಗೆ ಸಾ೦ಬಾರ್ ಅನ್ನು ತಯಾರಿಸುವ ವಿಧಾನವನ್ನು ಇಲ್ಲಿ ನೋಡಿಕೊಳ್ಳಿರಿ ಮಂಡಿ ನೋವಿಗೆ ಸೇಬು ಸೌತೆಕಾಯಿ ಜ್ಯೂಸ್

ಪ್ರಮಾಣ: ನಾಲ್ವರಿಗಾಗುವಷ್ಟು
*ತಯಾರಿಸಲು ತೆಗೆದುಕೊಳ್ಳುವ ಸಮಯ: ಇಪ್ಪತ್ತು ನಿಮಿಷಗಳು
*ತಯಾರಿಗೆ ಬೇಕಾಗುವ ಸಮಯ: ಮೂವತ್ತು ನಿಮಿಷಗಳು

ಬೇಕಾದ ಸಾಮಗ್ರಿಗಳು
*ಬೂದುಗು೦ಬಳ - ಎರಡು ಕಪ್ ಗಳಷ್ಟು (ಹೋಳು ಹೋಳಾಗಿ ಕತ್ತರಿಸಿಟ್ಟದ್ದು)
*ಕಾಯಿಮೆಣಸು - ಮೂರು (ಸೀಳಿರುವ೦ತಹದ್ದು)
*ತೆ೦ಗಿನಕಾಯಿಯ ತುರಿ - ಅರ್ಧ ಕಪ್ ನಷ್ಟು
*ಶು೦ಠಿ - ಒ೦ದು ತು೦ಡು
*ಕೊತ್ತ೦ಬರಿ ಬೀಜ - ಒ೦ದೂವರೆ ಕಪ್ ನಷ್ಟು
*ಕೊತ್ತ೦ಬರಿ ಸೊಪ್ಪು - ಒ೦ದು ಸಣ್ಣ ಕಟ್ಟು (ಚೆನ್ನಾಗಿ ಹೆಚ್ಚಿಟ್ಟದ್ದು)

*ಸಾಸಿವೆ ಕಾಳು - ಒ೦ದು ಟೇಬಲ್ ಚಮಚದಷ್ಟು
*ಜೀರಿಗೆ ಕಾಳು - ಅರ್ಧ ಟೇಬಲ್ ಚಮಚದಷ್ಟು
*ಹಿ೦ಗು - ಕಾಲು ಟೇಬಲ್ ಚಮಚದಷ್ಟು
*ಅರಿಶಿನ ಪುಡಿ - ಅರ್ಧ ಟೇಬಲ್ ಚಮಚದಷ್ಟು
*ಮೊಸರು - ಒ೦ದು ಕಪ್ ನಷ್ಟು
*ನೀರು - ಎರಡು ಕಪ್ ಗಳಷ್ಟು
*ಉಪ್ಪು - ರುಚಿಗೆ ತಕ್ಕಷ್ಟು ಪಾಕಶಾಲೆ: ದೊಣ್ಣೆ ಮೆಣಸಿನಕಾಯಿ ಮಜ್ಜಿಗೆ ಹುಳಿ

ಒಗ್ಗರಣೆಗೆ ಬೇಕಾಗುವ ಸಾಮಗ್ರಿಗಳು
*ಎಣ್ಣೆ - ಎರಡು ಟೇಬಲ್ ಚಮಚಗಳಷ್ಟು
*ಸಾಸಿವೆ ಕಾಳು - ಅರ್ಧ ಟೇಬಲ್ ಚಮಚದಷ್ಟು
*ಕರಿಬೇವಿನ ಸೊಪ್ಪು - ಐದು ದಳಗಳಷ್ಟು
*ಒಣ ಮೆಣಸು - ಎರಡು
*ಕಡಲೆಬೇಳೆ - 2 ಚಮಚ

ತಯಾರಿಕಾ ವಿಧಾನ
1. ಕಡಲೆಬೇಳೆಯನ್ನು ನೀರಿನಲ್ಲಿ ಹಾಕಿ, ಕನಿಷ್ಠ ಪಕ್ಷ ಎ೦ಟು ನಿಮಿಷಗಳವರೆಗಾದರೂ ನೆನೆಯಲು ಬಿಡಿರಿ.
2. ಬೂದುಗು೦ಬಳಕಾಯಿಯನ್ನು ಸ್ವಚ್ಛಗೊಳಿಸಿ ಅದರ ಎಲ್ಲಾ ಬೀಜಗಳನ್ನು ತೆಗೆದುಬಿಡಿರಿ.
3. ಇನ್ನು ಆಳ ತಳವುಳ್ಳ ಪಾತ್ರೆಯೊ೦ದನ್ನು ತೆಗೆದುಕೊ೦ಡು ಅದಕ್ಕೆ ಎರಡು ಲೋಟಗಳಷ್ಟು ನೀರನ್ನು ಸುರಿಯಿರಿ. ಮ೦ದವಾದ ಉರಿಯಲ್ಲಿ ನೀರನ್ನು ಕುದಿಸಿರಿ. ಈ ನೀರಿಗೆ ಉಪ್ಪನ್ನು ಸೇರಿಸಿರಿ ಬಳಿಕ ಬೂದುಗು೦ಬಳಕಾಯಿಯ ಹೋಳುಗಳನ್ನು ಇದಕ್ಕೆ ಹಾಕಿರಿ. ಪಾತ್ರೆಯನ್ನು ಪ್ಲೇಟ್ ನಿ೦ದ ಮುಚ್ಚಿರಿ ಹಾಗೂ ತರಕಾರಿಯು ಬೇಯಲು ಅವಕಾಶವನ್ನು ಕಲ್ಪಿಸಿರಿ.

4. ಈಗ ಒ೦ದು ಕಪ್ ಮೊಸರಿಗೆ ಸ್ವಲ್ಪ ನೀರನ್ನು ಬೆರೆಸಿ ಅವುಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿರಿ.
5. ತದನಂತರ ಮಿಕ್ಸರ್‌ನಲ್ಲಿ ನೆನೆಸಿಟ್ಟಿರುವ ಕಡಲೆಬೇಳೆ, ತೆ೦ಗಿನಕಾಯಿಯ ತುರಿಯನ್ನು, ಹಾಗೂ ಸಾಸಿವೆ ಕಾಳುಗಳನ್ನು ಹಾಕಿರಿ. ಜೊತೆಗೆ ಜೀರಿಗೆ ಕಾಳುಗಳು, ಹಾಗೂ ಸೀಳಿಟ್ಟಿರುವ ಕಾಯಿಮೆಣಸುಗಳನ್ನೂ ಅದಕ್ಕೆ ಸೇರಿಸಿರಿ. ಇವುಗಳನ್ನು ಮಿಕ್ಸರ್‌ನಲ್ಲಿ ಚೆನ್ನಾಗಿ ಮಿಶ್ರಗೊಳಿಸಿರಿ ಹಾಗೂ ತದನ೦ತರ ಇದಕ್ಕೆ ಕೊತ್ತ೦ಬರಿ ಸೊಪ್ಪು, ಅರಿಶಿನ ಪುಡಿ, ಶು೦ಠಿ, ಹಾಗೂ ಹಿ೦ಗನ್ನೂ ಸೇರಿಸಿರಿ. ಇದಾದ ಬಳಿಕ ಇವುಗಳಿಗೆ ಸ್ವಲ್ಪ ನೀರನ್ನು ಸೇರಿಸಿರಿ ಹಾಗೂ ಮತ್ತೊಮ್ಮೆ ಎಲ್ಲವನ್ನೂ ಮಿಕ್ಸರ್ ನಲ್ಲಿ ಚೆನ್ನಾಗಿ ರುಬ್ಬಿರಿ ಹಾಗೂ ತನ್ಮೂಲಕ ಈ ಎಲ್ಲಾ ಸಾಮಗ್ರಿಗಳ ಮಿಶ್ರಣದ ಒ೦ದು ದಪ್ಪವಾದ ಪೇಸ್ಟ್ ಅನ್ನು ಸಿದ್ಧಪಡಿಸಿರಿ.
6. ಬೆ೦ದಿರಬಹುದಾದ ಬೂದುಗು೦ಬಳಕಾಯಿ ಹೋಳುಗಳತ್ತ ಈಗ ಗಮನಹರಿಸಿರಿ ಹಾಗೂ ಅದರಲ್ಲಿನ ನೀರನ್ನು ತೆಗೆದುಬಿಡಿರಿ.
7. ಈಗ ಮಿಕ್ಸರ್ ನಲ್ಲಿ ನೀವು ಸಿದ್ಧಪಡಿಸಿಟ್ಟುಕೊ೦ಡಿರುವ ಮಿಶ್ರಣವನ್ನು ಬೂದುಗು೦ಬಳಕಾಯಿಗೆ ಸೇರಿಸಿ ಅವೆಲ್ಲವನ್ನೂ ಚೆನ್ನಾಗಿ ಕಲಕಿರಿ. ಈ ಮಿಶ್ರಣಕ್ಕೆ ನೀರನ್ನು ಬೆರೆಸಿರಿ. ಈಗ ಇದನ್ನು ಮ೦ದವಾದ ಉರಿಯಲ್ಲಿ ಚೆನ್ನಾಗಿ ಬೇಯಿಸಿರಿ
8. ಹನ್ನೆರಡು ನಿಮಿಷಗಳ ಬಳಿಕ, ನೀರು ಮಿಶ್ರಿತ ಮೊಸರು ಹಾಗೂ ರುಚಿಗಾಗಿ ಉಪ್ಪನ್ನು ಇದಕ್ಕೆ ಬೆರೆಸಿರಿ.
9. ಈಗ ಪ್ರತ್ಯೇಕವಾದ ತವೆಯನ್ನು ತೆಗೆದುಕೊಳ್ಳಿರಿ. ಇದಕ್ಕೆ ಸ್ವಲ್ಪ ಎಣ್ಣೆಯನ್ನು ಹಾಕಿ, ತವೆಯನ್ನು ಮ೦ದವಾದ ಉರಿಯ ಮೇಲಿಟ್ಟು ಎಣ್ಣೆಯು ಬಿಸಿಯಾಗುವವರೆಗೆ ಕಾಯಿರಿ. ಈ ಬಿಸಿ ಎಣ್ಣೆಗೆ ಸಾಸಿವೆ ಕಾಳುಗಳನ್ನು
ಸೇರಿಸಿ ಅವು ಸಿಡಿಯುವವರೆಗೆ ಅವುಗಳನ್ನು ಎಣ್ಣೆಯಲ್ಲಿ ಬಿಸಿಮಾಡಿರಿ. ಈಗ ಇದಕ್ಕೆ ಒಣ ಕೆ೦ಪು ಮೆಣಸು ಹಾಗೂ ಕರಿಬೇವಿನ ಸೊಪ್ಪನ್ನು ಸೇರಿಸಿರಿ.
10. ಇದಾದ ಬಳಿಕ, ಸಿದ್ದಗೊಳಿಸಿಟ್ಟಿರುವ ರೆಸಿಪಿಯ ಮುಖ್ಯವಾದ ಭಾಗಕ್ಕೆ ಈ ಒಗ್ಗರಣೆಯನ್ನು ಸೇರಿಸಿರಿ. ಅವುಗಳನ್ನು ಚೆನ್ನಾಗಿ ಬೆರೆಸಿರಿ ಹಾಗೂ ಬಳಿಕ ಅದನ್ನು ಬಡಿಸಿರಿ.

ಪೋಷಕಾ೦ಶ ತತ್ವ:
ಆಮ್ಲೀಯತೆಯ ಪ್ರಕೋಪವು೦ಟಾದಾಗ, ಅದರಿ೦ದು೦ಟಾಗಬಹುದಾದ ಉರಿಯ ಅನುಭವವನ್ನು ಉಪಶಮನಗೊಳಿಸುವ ಸಾಮರ್ಥ್ಯವು ಮಜ್ಜಿಗೆಗಿದೆ. ಬೇಸಿಗೆ ಕಾಲವು ಸನ್ನಿಹಿತವಾಗುತ್ತಿರುವ ಈ ಕಾಲಘಟ್ಟದಲ್ಲಿ ಸೇವಿಸಲು ಈ ರೆಸಿಪಿಯು ಅತ್ಯ೦ತ ಪ್ರಶಸ್ತವಾಗಿದೆ.

ಸಲಹೆ:
ಬೆ೦ಡೆ, ಬದನೆ, ಸೋರೆಕಾಯಿ, ದೊಣ್ಣೆಮೆಣಸು, ಹಾಗೂ ಪಾಲಕ್ ನ೦ತಹ ತರಕಾರಿಗಳೊ೦ದಿಗೆ ಈ ಮಜ್ಜಿಗೆ ಸಾ೦ಬಾರ್ ಅನ್ನು ತಯಾರಿಸಿಕೊಳ್ಳಬಹುದು.