ಟ್ಯಾಂಗ್ರಿ ಗ್ರಿಲ್ಡ್ ಚಿಕನ್ ರೆಸಿಪಿ

ಗ್ರಿಲ್ಡ್ ಚಿಕನ್ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಹಾಗೂ ತಿನ್ನಲು ಸ್ವಾದಿಷ್ಟವಾಗಿರುತ್ತದೆ. ಈ ಗ್ರಿಲ್ಡ್ ಚಿಕನ್ ಅನ್ನು ವಿಭಿನ್ನ ರುಚಿಯಲ್ಲಿ ತಯಾರಿಸಲಾಗುವುದು. ಇಲ್ಲಿ ನಾವು ಮನೆಯಲ್ಲಿಯೇ ಮಾಡಬಹುದಾದ ಟ್ಯಾಂಗ್ರಿ ಗ್ರಿಲ್ಡ್ ಚಿಕನ್ ನ ರೆಸಿಪಿ ನೀಡಿದ್ದೇವೆ.

ಈ ರೆಸಿಪಿಯಲ್ಲಿ ಚಿಕನ್ ಅನ್ನು ಮೊಸರಿನಲ್ಲಿ ಮಿಶ್ರಣ ಮಾಡಿ ತಯಾರಿಸುವುದರಿಂದ ಚಿಕನ್ ನ ರುಚಿ ಹೆಚ್ಚುವುದು.

ಬೇಕಾಗುವ ಸಾಮಾಗ್ರಿಗಳು:
ಚಿಕನ್ ನ ತೊಡೆ ಪೀಸ್ 4
ಮೊಸರು 1 ಕಪ್
ಶುಂಠಿ ಪೇಸ್ಟ್ 1 ಚಮಚ
ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
ನಿಂಬೆ ರಸ 1 ಚಮಚ
ಗರಂ ಮಸಾಲ 1 ಚಮಚ
ಖಾರದ ಪುಡಿ (ಖಾರಕ್ಕೆ ತಕ್ಕಷ್ಟು)
ಗರಂ ಮಸಾಲ 1 ಚಮಚ
ಕರಿಮೆಣಸಿನ ಪುಡಿ 1 ಚಮಚ
ಚಾಟ್ ಮಸಾಲ 1 ಚಮಚ
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಕೊತ್ತಂಬರಿ ಸೊಪ್ಪು

ತಯಾರಿಸುವ ವಿಧಾನ:

1. ಚಿಕನ್ ತುಂಡುಗಳನ್ನು ಸ್ವಲ್ಪ ದಪ್ಪದ ತುಂಡುಗಳಾಗಿ ಕತ್ತರಿಸಿ ಶುಚಿ ಮಾಡಿಡಿ.

2. ಮೊಸರಿಗೆ ಖಾರದ ಪುಡಿ, ಗರಂ ಮಸಾಲ, ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್, ಕರಿ ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಕಲೆಸಿ. ನಂತರ ಚಿಕನ್ ತುಂಡುಗಳನ್ನು ಇದರಲ್ಲಿ ಹಾಕಿ ಅರ್ಧ ಗಂಟೆ ಕಾಲ ಇಡಬೇಕು.

3. ನಂತರ ಚಿಕನ್ ಅನ್ನು ಗ್ರಿಲ್ಡ್ ಮಾಡಬೇಕು.

4. ಈಗ ಗ್ರಿಲ್ಡ್ ಮಾಡಿದ ಚಿಕನ್ ಗೆ ಚಾಟ್ ಮಸಾಲ ಉದುರಿಸಿ, ನಿಂಬೆ ರಸ ಸೇರಿಸಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಟ್ಯಾಂಗ್ರಿ ಗ್ರಿಲ್ಡ್ ಚಿಕನ್ ರೆಡಿ.