ಭಾರತೀಯ ಶೈಲಿಯಲ್ಲಿ ಮ್ಯಾಕೋರೋನಿ ಪಾಸ್ತಾ ರೆಸಿಪಿ

ಮಾಡುವುದು ಹೇಗೆ?

* ಮೊದಲಿಗೆ ಪಾತ್ರೆಗೆ ನೀರನ್ನು ಹಾಕಿ ಕುದಿಸಿ.

* ನಂತರ ಅದಕ್ಕೆ ಮ್ಯಾಕೋರೋನ್ ಪಾಸ್ತಾ ಹಾಕಿ, ಜೊತೆಗೆ 1 ಚಮಚ ಎಣ್ಣೆ ಸೇರಿಸಿ.

* 10 ನಿಮಿಷ ಬೇಯಿಸಿ (ಮಧ್ಯದಲ್ಲಿ ಒಂದೆರಡು ಬಾರಿ ಸೌಟ್‌ನಿಂದ ಆಡಿಸಿ).

* ನೀವು ಬೇರೆ ಬ್ರ್ಯಾಂಡ್‌ ಪಾಸ್ತಾ ಬಳಸಿದರೆ ಅದಕ್ಕೆ ತಕ್ಕಂತೆ ಬೇಯಿಸಿ.

* ಈಗ ಪಾಸ್ತಾದ ನೀರನ್ನು ಸೋಸಿ, ಪಾಸ್ತಾವನ್ನು ತಣ್ಣೀರಿನಲ್ಲಿ ಹಾಕಿಡಿ.

* ಈಗ ದೊಡ್ಡ ಪ್ಯಾನ್‌ ತೆಗೆದು ಬಿಸಿ ಮಾಡಿ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಬೆಳ್ಳುಳ್ಳಿ ಹಾಕಿ ಸ್ವಲ್ಪ ಆಡಿಸಿ, ನಂತರ ಈರುಳ್ಳಿ ಹಾಕಿ.

* ಈಗ ಟೊಮೆಟೊ ಹಾಕಿ ಅದು ಮೆತ್ತಗಾಗುವವರೆಗೆ ಸೌಟ್‌ನಿಂದ ಆಡಿಸುತ್ತಾ ಬೇಯಿಸಿ.

* ಈಗ ನಿಮಗೆ ಬೇಕಾದ ತರಕಾರಿ ಸೇರಿಸಿ (ಕ್ಯಾರೆಟ್, ಬ್ರೊಕೋಲಿ, ಕ್ಯಾಪ್ಸಿಕಂ....)

* ನಂತರ ಸೌಟ್‌ನಿಂದ ಆಡಿಸಿ, ತರಕಾರಿ ಅರ್ಧ ಬೆಂದ ಮೇಲೆ, ಖಾರದ ಪುಡಿ, ಅರ್ಧ ಚಮಚ ಆಮ್‌ಚೂರ್ ಹಾಗೂ ರುಚಿಗೆ ತಕ್ಕ ಉಪ್ಪು ಸೇರಿಸಿ.

* ಮಸಾಲೆ ಜೊತೆಗೆ ತರಕಾರಿ ಬೇಯಲಿ.

* ತರಕಾರಿ ಬೆಂದ ಮೇಲೆ, ಬೇಯಿಸಿದ ಪಾಸ್ತಾ ಸೇರಿಸಿ.

* ಈಗ ಮಸಾಲ ಸಾಸ್ ನಿಧಾನಕ್ಕೆ ಹಾಕಿ ಮಿಕ್ಸ್ ಮಾಡಿ.

* ಈಗ ಅವುಗಳನ್ನು ಸರ್ವ್ ಮಾಡುವ ಬೌಲ್‌ಗೆ ಹಾಕಿ ಅದರ ಮೇಲೆ ತುರಿದ ಚೀಸ್ ಹಾಕಿದರೆ ಮ್ಯಾಕೋರೋನ್ ಪಾಸ್ತಾ ರೆಡಿ.