ಇಡ್ಲಿಯಲ್ಲಿ ಹೊಸ ರುಚಿ ಬೇಕೆನ್ನುವವರಿಗಾಗಿ-ಬಟಾಣಿ ಇಡ್ಲಿ

ಇಡ್ಲಿ ದಕ್ಷಿಣ ಭಾರತದ ಫೇಮಸ್ ಅಡುಗೆಗಳಲ್ಲಿ ಒಂದು. ಇದನ್ನು ಅನೇಕ ರುಚಿಯಲ್ಲಿ ತಯಾರಿಸುತ್ತಾರೆ. ಸಾಮಾನ್ಯವಾಗಿ ಸಾಮಾನ್ಯ ಇಡ್ಲಿ ಅಥವಾ ರವೆ ಇಡ್ಲಿಯನ್ನು ಮಾಡುತ್ತೇವೆ. ಈ ಎರಡು ರುಚಿಯನ್ನು ಹೊರತು ಪಡಿಸಿ ಹೊಸ ರುಚಿ ಬೇಕೆನ್ನುವವರು ಬಟಾಣಿ ಇಡ್ಲಿಯನ್ನು ಟ್ರೈ ಮಾಡಬಹುದು.

ಬಟಾಣಿಯನ್ನು ಬೇಯಿಸಿ ರುಬ್ಬಿ ಮಾಡುವ ಈ ಇಡ್ಲಿ ತಿನ್ನಲು ಸ್ವಾದಿಷ್ಟವಾಗಿರುತ್ತದೆ.

ಬೇಕಾಗುವ ಸಾಮಾಗ್ರಿಗಳು
ರವೆ 2 ಕಪ್
ಬಟಾಣಿ 1 ಕಪ್ (ನೀರಿನಲ್ಲಿ ನೆನೆ ಹಾಕಿರಬೇಕು)
ಮೆಂತೆ ಸೊಪ್ಪು 1 ಚಿಕ್ಕ ಕಟ್ಟು
ಮೊಸರು ಅರ್ಧ ಕಪ್
ಓಟ್ಸ್ ಚಮಚ(ಬೇಕಿದ್ದರೆ ಹಾಕಬಹುದು)
ಹಾಗಲಕಾಯಿ ಸಿಪ್ಪೆ 2 ಚಮಚ (ಬೇಕಿದ್ದರೆ ಹಾಕಬಹುದು)
ಹಸಿ ಮೆಣಸಿನಕಾಯಿ 2(ಪೇಸ್ಟ್ ಮಾಡಬೇಕು)
ರುಚಿಗೆ ತಕ್ಕ ಉಪ್ಪು

ಚಟ್ನಿ ಮಾಡಲು ಸಾಮಾಗ್ರಿಗಳು

ಮೊಸರು 2 ಕಪ್
ಕತ್ತರಿಸಿದ ಸ್ಟ್ರಾಬರಿ 1 ಕಪ್ ( ಬೇಕಿದ್ದರೆ ಹಾಕಬಹುದು)
ಜೇನು 3 ಚಮಚ
ಪುದೀನಾ ಎಲೆ 1 ಕಟ್ಟು
ರುಚಿಗೆ ತಕ್ಕ ಉಪ್ಪು
ಕರಿ ಮೆಣಸಿನ ಪುಡಿ 1 ಚಮಚ
ಸ್ವಲ್ಪ ಕರಿಬೇವಿನ ಎಲೆ
ಸ್ವಲ್ಪ ಸಾಸಿವೆ
1 ಚಮಚ ಎಣ್ಣೆ

ಚಟ್ನಿ ಮಾಡುವ ವಿಧಾನ
ಎಲ್ಲಾ ಸಾಮಾಗ್ರಿಗಳನ್ನು ಹಾಕಿ ಮಿಕ್ಸಿಯಲ್ಲಿ ಹಾಕಿ ರುಬ್ಬಿದರೆ ಚಟ್ನಿ ರೆಡಿ. ಇದಕ್ಕೆ ಒಗ್ಗರಣೆ ಕೊಡಿ.

ಇಡ್ಲಿ ಮಾಡುವ ವಿಧಾನ:
* ಬಟಾಣಿಯನ್ನು ಮಿಕ್ಸಿಯಲ್ಲಿ ಹಾಕಿ ತರಿತರಿಯಾಗಿ ರುಬ್ಬಿ.

* ಈಗ ರವೆಯನ್ನು ಪಾತ್ರೆಯಲ್ಲಿ ಹಾಕಿ ಅದಕ್ಕೆ ಸ್ವಲ್ಪ ನೀರು ಹಾಕಿ ಮಿಶ್ರಣ ಮಾಡಿ, ಮೆಂತೆ ಸೊಪ್ಪು, ರುಬ್ಬಿದ ಬಟಾಣಿ, ಹಾಗಾಲಕಾಯಿ ಸಿಪ್ಪೆ, ಓಟ್ಸ್, ಶುಂಠಿ ಮತ್ತು ಮೆಣಸಿನಕಾಯಿ ಪೇಸ್ಟ್ ಹಾಕಿ ಚೆನ್ನಾಗಿ ಕಲೆಸಿ. ನಂತರ ಮೊಸರು ಹಾಕಿ ಕಲೆಸಿ. 10-15 ನಿಮಿಷ ಇಡಿ.

* ನಂತರ ಮಿಶ್ರಣವನ್ನು ಇಡ್ಲಿ ಪಾತ್ರೆಗೆ ಬೇಯಿಸಿದರೆ ಬಟಾಣಿ ಇಡ್ಲಿ ರೆಡಿ. ಇದನ್ನು ಮೇಲೆ ಹೇಳಿದ ರೀತಿಯಲ್ಲಿ ಚಟ್ನಿ ತಯಾರಿಸಿ ಅದರ ಜೊತೆ ತಿಂದರೆ ಸೂಪರ್ ಆಗಿರುತ್ತದೆ.