ಗರಿಗರಿಯಾದ ಅಡಾ ದೋಸೆ-ಸಾಮಾನ್ಯ ದೋಸೆ ಇದಲ್ಲ!

ಮೂರು ಧಾನ್ಯಗಳನ್ನು ಅಕ್ಕಿ ಜೊತೆ ಮಿಕ್ಸ್ ಮಾಡಿ ತಯಾರಿಸುವ ಗರಿಗರಿಯಾದ ಅಡಾ ದೋಸೆ ಸಾಮಾನ್ಯ ದೋಸೆಗಿಂತ ಹೆಚ್ಚು ರುಚಿಕರವಾಗಿರುತ್ತದೆ. ಅಡಾ ದೋಸೆಗೆ ಬೆಸ್ಟ್ ಕಾಂಬಿನೇಷನ್ ಅಂದರೆ ತೆಂಗಿನಕಾಯಿ ಚಟ್ನಿ.

ಅಡಾ ದೋಸೆಯನ್ನು ತಯಾರಿಸಲು ಪ್ರಮುಖವಾಗಿ ಅದಕ್ಕೆ ಬಳಸುವ ಪದಾರ್ಥಗಳ ಅಳತೆ ಗೊತ್ತಿರಬೇಕು. ಇಲ್ಲಿ ನಾವು ಪರ್ಫೆಕ್ಟ್ ಅಡಾ ದೋಸೆಯ ರೆಸಿಪಿ ನೀಡಿದ್ದೇವೆ ನೋಡಿ.

ಬೇಕಾಗುವ ಸಾಮಾಗ್ರಿಗಳು
ಚೆನ್ನಾ 100 ಗ್ರಾಂ
ತೊಗರಿಬೇಳೆ 100 ಗ್ರಾಂ
ಉದ್ದಿನ ಬೇಳೆ 100 ಗ್ರಾಂ
ಅಕ್ಕಿ 50 ಗ್ರಾಂ
ರುಚಿಗೆ ತಕ್ಕ ಉಪ್ಪು

ಬೇಕಾಗುವ ಸಾಮಾಗ್ರಿಗಳು

* ಮೇಲೆ ಹೇಳಿದ ಸಾಮಾಗ್ರಿಗಳಲ್ಲಿ ಉಪ್ಪನ್ನು ಬಿಟ್ಟು ಉಳಿದ ಪದಾರ್ಥಗಳನ್ನು ತೊಳೆದು 3-4 ಗಂಟೆ ನೆನೆ ಹಾಕಿ.

* ನಂತರ ಅವುಗಳನ್ನು ಮಿಕ್ಸಿಯಲ್ಲಿ ಹಾಕಿ ಉಪ್ಪನ್ನು ಸೇರಿಸಿ ನುಣ್ಣಗೆ ರುಬ್ಬಿ. (ರುಬ್ಬಿದ ಹಿಟ್ಟು ನುಣ್ಣಗೆ, ಸ್ವಲ್ಪ ಮಂದವಾಗಿರಲಿ)

* ನಂತರ ಅದನ್ನು ಒಂದು ಪಾತ್ರೆಯಲ್ಲಿ ಹಾಕಿ, ಸೌಟ್ ನಿಂದ ಚೆನ್ನಾಗಿ ಕಲೆಸಿ ಪಾತ್ರೆಯ ಬಾಯಿ ಮುಚ್ಚಿ ಅರ್ಧ ಗಂಟೆಗಳ ಕಾಲ ಇಡಿ.

* ನಂತರ ದೋಸೆ ತವಾವನ್ನು ಉರಿಯಲ್ಲಿಟ್ಟು ಅದು ಬಿಸಿಯಾದಾಗ ಅದಕ್ಕೆ ಎಣ್ಣೆ ಸವರಿ ದೋಸೆ ಹುಯ್ಯಿರಿ. ದೋಸೆ ಗರಿ-ಗರಿಯಾಗುವಾಗ ತೆಗೆಯಿರಿ.
ರೆಡಿಯಾದ ಗರಿ-ಗರಿ ದೋಸೆಯನ್ನು ತೆಂಗಿನಕಾಯಿ ಚಟ್ನಿ ಜೊತೆ ಸವಿಯಿರಿ.