ಇದು ಉಪ್ಪಿಟ್ಟನ್ನು ಗೇಲಿ ಮಾಡೋರಿಗೆ ಮಾತ್ರ!

ಸುನಂದಾ ಗೋಸಿ

ಬೇಕಾಗುವ ಸಾಮಗ್ರಿಗಳು :

1ಕಪ್‌ ರವೆ
1ಈರುಳ್ಳಿ
4ಹಸಿಮೆಣಸಿನಕಾಯಿ
1ಟೊಮ್ಯಾಟೋ
1/4ಕಪ್‌ ಹಸಿ ಬಟಾಣಿ(ಹೆಚ್ಚಿದ್ದು)
1/4ಕಪ್‌ ಬೀನ್ಸ್‌(ಹೆಚ್ಚಿದ್ದು)
1/4ಕಪ್‌ ಕ್ಯಾರಟ್‌(ಹೆಚ್ಚಿದ್ದು)
1/4ಕಪ್‌ ದಪ್ಪ ಮೆಣಸಿನಕಾಯಿ(ಹೆಚ್ಚಿದ್ದು)
1/4ಕಪ್‌ ಆಲೂಗಡ್ಡೆ(ಹೆಚ್ಚಿದ್ದು)
ರುಚಿಗೆ ತಕ್ಕ ಉಪ್ಪು
ನಿಂಬೆರಸ(ಸ್ವಲ್ಪ)
ಕೋತಂಬರಿ ಸೊಪ್ಪು(ಹೆಚ್ಚಿದ್ದು)

ಒಗ್ಗರಣೆಗೆ :

ಎಣ್ಣೆ(ಸ್ವಲ್ಪ)
ಸಾಸಿವೆ(ಸ್ವಲ್ಪ)
ಕರಿಬೇವು(ಸ್ವಲ್ಪ)
ಕಡಲೇಬೇಳೆ(ಸ್ವಲ್ಪ)
ಉದ್ದಿನಬೇಳೆ(ಸ್ವಲ್ಪ)

ಮಾಡುವ ವಿಧಾನ :

ಮೊದಲಿಗೆ ರವೆಯನ್ನು ಸ್ವಲ್ಪ ಎಣ್ಣೆ ಹಾಕಿ ಹದವಾಗಿ ಹುರಿದುಕೊಳ್ಳಿ. ಇನ್ನೊಂದು ಕಡೆ ಈರುಳ್ಳಿ, ಹಸಿಮೆಣಸಿನಕಾಯಿ, ಟೊಮ್ಯಾಟೋ ಮೊದಲಾದ ತರಕಾರಿಗಳನ್ನು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಿ.

ಆನಂತರ ಪಾತ್ರೆಯಲ್ಲಿ ಎಣ್ಣೆ ಹಾಕಿ, ಕಾದ ಬಳಿಕ ಸಾಸಿವೆ, ಕಡಲೇಬೇಳೆ, ಉದ್ದಿನಬೇಳೆ, ಕರಿಬೇವು, ಹಸಿಮೆಣಸಿನಕಾಯಿ, ಈರುಳ್ಳಿ ಹಾಕಿ ತಿರುವಾಡಿ. ಈಗ ಹೆಚ್ಚಿಕೊಂಡ ತರಕಾರಿ ಹಾಗೂ ಬಟಾಣಿಯನ್ನು ಇದಕ್ಕೆ ಹಾಕಿ. ತರಕಾರಿ ಬೆಂದ ನಂತರ ಟೊಮ್ಯಾಟೋ ಹಾಗೂ ಎರಡು ಲೋಟಾ ನೀರು ಹಾಕಿ. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕುದಿಸಿ.

ಕುದಿ ಬಂದ ನಂತರ ಹುರಿದಿಟ್ಟುಕೊಂಡ ರವೆಯನ್ನು ನಿಧಾನವಾಗಿ ಅದಕ್ಕೆ ಸುರಿಯುತ್ತಾ, ತಿರುಗಿಸುತ್ತಿರಿ. ರವೆ ಬೆಂದ ನಂತರ ನಿಂಬೆಹಣ್ಣಿನ ರಸ ಹಾಕಿ ಮಿಕ್ಸ್‌ ಮಾಡಿ.

ಕೊನೆಯಲ್ಲಿ ಹೆಚ್ಚಿದ ಕೋತಂಬರಿ ಸೊಪ್ಪನ್ನು ಹಾಕಿ. ಈಗ ರುಚಿಯಾದ ಉಪ್ಪಿಟ್ಟು ರೆಡಿ. ಇಷ್ಟವಿದ್ದವರು ಕಾಯಿತುರಿ ಹಾಕಿಕೊಳ್ಳಬಹುದು. ಬೇಕಿದ್ದರೆ ಬಟಾಣಿ ಬದಲು ಅವರೇಕಾಳು ಹಾಕಿ ಮಾಡಬಹುದು.