ಪಾಲಾಕ್ ಇಡ್ಲಿಗೆ ಆಗುವಿರಿ ಕ್ಲೀನ್ ಬೋಲ್ಡ್

Breakfast

oi-Reena

By Hema S

Published: Monday, February 20, 2012, 14:12 [IST]

ಪಾಲಾಕ್ ಸೊಪ್ಪು ಬಳಸಿ ಮಾಡುವ ಖಾದ್ಯ ರುಚಿಯ ಜೊತೆಗೆ ಆರೋಗ್ಯಕ್ಕೆ ಒಳ್ಳೆಯದು. ಇಡ್ಲಿಯ ರುಚಿ ಕನ್ನಡಿಗರಿಗೆ ಹೊಸತೇನಲ್ಲ. ನಮ್ಮಲ್ಲಿ ಹೆಚ್ಚಿನವರ ಮನೆಯಲ್ಲಿ ವಾರಕ್ಕೊಮ್ಮೆಯಾದರೂ ಇಡ್ಲಿ ತಯಾರಿತ್ತೇವೆ. ಆದರೆ ಇವತ್ತು ನಾವು ಸ್ಪೆಷಲ್ ಇಡ್ಲಿ ಅಂದರೆ ಪಾಲಾಕ್ ಇಡ್ಲಿ ಮಾಡುವ ವಿಧಾನ ಕುರಿತು ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:
* ಕತ್ತರಿಸಿದ ಪಾಲಾಕ್ ಸೊಪ್ಪು 2 ಕಪ್
* ಒಂದು ಪ್ಯಾಕೆಟ್ ರೆಡಿ ಮೇಡ್ ಇಡ್ಲಿ ಮಿಕ್ಸ್( ಮನೆಯಲ್ಲಿಯೆ ಬೇಕಾದರೂ ಇಡ್ಲಿ ಹಿಟ್ಟು ತಯಾರಿಸಬಹುದು).
* 1/ 2ಚಮಚ ಉಪ್ಪು
* 2-3 ಕತ್ತರಿಸಿದ ಹಸಿಮೆಣಸಿನ ಕಾಯಿ
* ಸ್ವಲ್ಪ ಗೋಡಂಬಿ ಮತ್ತು ಬಾದಾಮಿಯನ್ನು ಪುಡಿ ಮಾಡಿ

ಇಡ್ಲಿ ಹಿಟ್ಟಿಗೆ ಸೇರಿಸುವ ಮಿಶ್ರಣ:
* 2 ಕಪ್ ಮೊಸರು (ಮೃದುವಾಗುವವರೆಗೆ ಸ್ಪೂನ್ ನಿಂದ ಚೆನ್ನಾಗಿ ಕದಡಬೇಕು)
* 1/2 ಚಮಚ ಉಪ್ಪು
* ಎಣ್ಣೆ 2 ಚಮಚ
* 1/2 ಚಮಚ ಜೀರಿಗೆ
* 2 ಹಸಿ ಮೆಣಸಿನ ಕಾಯಿ
* ಸ್ವಲ್ಪ ಕರಿ ಬೇವಿನ ಎಲೆ

ತಯಾರಿಸುವ ವಿಧಾನ:

1. ಪ್ಯಾಕೆಟ್ ನಲ್ಲಿರುವ ವಿವರಗಳನ್ನು ಚೆನ್ನಾಗಿ ಓದಿ ಅದರ ಪ್ರಕಾರ ಮಿಶ್ರ ಮಾಡಿ.

2. ಪಾಲಾಕ್ ಸೊಪ್ಪು ಮತ್ತು ಹಸಿ ಮೆಣಸನ್ನು ಸ್ವಲ್ಪ ನೀರು ಹಾಕಿ ಚೆನ್ನಾಗಿ ಅರೆಯಬೇಕು.

3. ಈ ಮಿಶ್ರಣವನ್ನು ಇಡ್ಲಿ ಹಿಟ್ಟಿಗೆ ಸೇರಿಸಿ ಅರ್ಧ ಚಮಚ ಉಪ್ಪು ಸೇರಿಸಿ ಮಿಶ್ರ ಮಾಡಬೇಕು.

4. ಈ ಹಿಟ್ಟನ್ನು ಇಡ್ಲಿ ಪಾತ್ರೆಗೆ ಹಾಕಿ ಅದರ ಮೇಲೆ ಅದರ ಮೇಲೆ ಒಂದೊಂದು ಗೋಡಂಬಿ ಮತ್ತು ಬಾದಾಮಿ ಪುಡಿಯನ್ನು ಹಾಕಿ ನಂತರ ಇಡ್ಲಿ ಬೇಯಿಸುವ ಸಮಯದವರೆಗೆ ಬೇಯಿಸಬೇಕು. ನಂತರ ಬೆಂದ ಇಡ್ಲಿಯನ್ನು ಬೇರೆ ಪಾತ್ರೆಯಲ್ಲಿ ತೆಗೆದಿಡಿ.

* ಈಗ ಬಟ್ಟಲಿನಲ್ಲಿರುವ ಇಡ್ಲಿಯ ಮೇಲೆ ಚೆನ್ನಾಗಿ ಕದಡಿದ ಮೊಸರನ್ನು ಸುರಿಯಬೇಕು.

* 2 ಚಮಚ ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಸಾಸಿವೆ ಮತ್ತು ಜೀರಿಗೆ ಸೇರಿಸಿ, ಸಾಸಿವೆ ಚಟಪಟ ಶಬ್ದ ಮಾಡುವಾಗ ಕಸಿಮೆಣಸಿನ ಕಾಯಿ, ಟೊಮೆಟೊ, ಉಪ್ಪು ಮತ್ತು ಕರಿ ಬೇವಿನ ಎಲೆಯನ್ನು ಹಾಕಿ, ಟೊಮೆಟೊ ಮೆತ್ತಗಾಗುವವರೆಗೆ ಬಿಸಿ ಮಾಡಬೇಕು.

*ಈ ಮಿಶ್ರಣವನ್ನು ಸೌಟ್ ನಿಂದಲೇ ಪೇಸ್ಟ್ ರೀತಿ ಮಾಡಿ ಅದನ್ನು ಮೊಸರು ಸುರಿದಿರುವ ಇಡ್ಲಿ ಮೇಲೆ ಸುರಿಯ ಬೇಕು.

ಈಗ ತಯಾರಾದ ಪಾಲಾಕ್ ಇಡ್ಲಿಯ ರುಚಿಯನ್ನು ಸವೆದು ನೋಡಿ. ಪಾಲಕ್ ಇಡ್ಲಿಗೆ ಕ್ಲೀನ್ ಬೋಲ್ಡ್ ಆಗುವುದು ಗ್ಯಾರಂಟಿ.