ಕಡಲೆ ರೊಟ್ಟಿ -ಬ್ರೇಕ್ ಫಾಸ್ಟ್ ರೆಸಿಪಿ

ರೊಟ್ಟಿ ಅಡುಗೆ ಕರ್ನಾಟಕದಲ್ಲಿ ತುಂಬಾ ಪ್ರಸಿದ್ಧಿಯನ್ನು ಪಡೆದಿದೆ. ಜೋಳದ ರೊಟ್ಟಿ, ಅಕ್ಕಿ ರೊಟ್ಟ, ರಾಗಿ ರೊಟ್ಟಿ ಇವುಗಳನ್ನು ಇಲ್ಲಿ ಹೆಚ್ಚಾಗಿ ತಯಾರಿಸಲಾಗುವುದು. ನಮ್ಮಲ್ಲಿ ಹೆಚ್ಚಿನವರು ಈ ರೊಟ್ಟಿಯ ರುಚಿ ನೋಡಿರುತ್ತೇವೆ.

ಇಲ್ಲಿ ನಾವು ಕಡಲೆ ರೊಟ್ಟಿಯ ರೆಸಿಪಿ ನೀಡಿದ್ದೇವೆ. ಕಡಲೆ ಹಿಟ್ಟಿನಿಂದ ತಯಾರಿಸುವ ಈ ರೊಟ್ಟಿ ಕೂಡ ಇತರ ರೊಟ್ಟಿಗಳಂತೆ ರುಚಿಕರವಾಗಿದ್ದು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು

ಕಡಲೆ ಹಿಟ್ಟು 2 ಕಪ್
ಮೈದಾ ಅರ್ಧ ಕಪ್
ಖಾರದ ಪುಡಿ (ಅರ್ಧ ಅಥವಾ ಒಂದು ಚಮಚ)
ಆಮ್ ಚೂರ್ (ಒಣ ಮಾವಿನ ಪುಡಿ) ಅರ್ಧ ಚಮಚ
ಜೀರಿಗೆ ಅರ್ಧ ಚಮಚ
ಸ್ವಲ್ಪ ಕೊತ್ತಂಬರಿ ಸೊಪ್ಪು (ಚಿಕ್ಕದಾಗಿ ಕತ್ತರಿಸಿದ್ದು)
ತುಪ್ಪ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಕಡಲೆ ಹಿಟ್ಟು ಮತ್ತು ಮೈದಾ ಹಿಟ್ಟನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಮಿಶ್ರಣ ಮಾಡಬೇಕು.

2. ಅದಕ್ಕೆ ಖಾರದ ಪುಡಿ, ಆಮ್ ಚೂರ್, ಜೀರಿಗೆ , ಕೊತ್ತಂಬರಿ ಸೊಪ್ಪು, ರುಚಿಗೆ ತಕ್ಕ ಉಪ್ಪು ಸೇರಿಸಿ ಕಲೆಸಬೇಕು.

3. ಈಗ ಈ ಮಿಶ್ರಣಕ್ಕೆ ಸ್ವಲ್ಪ ಬಿಸಿ ನೀರು ಹಾಕಿ ರೊಟ್ಟಿ ಹದಕ್ಕೆ ಕಲೆಸಬೇಕು. ಒಂದು ಚಮಚ ಬಿಸಿ ತುಪ್ಪ ಹಾಕಿ ಮತ್ತೊಮ್ಮೆ ಕಲೆಸಿ.

4. ನಂತರ ಈ ಮಿಶ್ರಣದಿಂದ ಸಾಧಾರಣ ಗಾತ್ರದ ಉಂಡೆಗಳನ್ನು ಮಾಡಿ ರೊಟ್ಟಿಗೆ ತಟ್ಟಿ.

5. ತವಾವನ್ನು ಬಿಸಿ ಮಾಡಿ ಅದರಲ್ಲಿ ತಟ್ಟಿದ ಮಿಶ್ರಣವನ್ನು ಹಾಕಿ 2 ಕಡೆ ಬೇಯಿಸಿದರೆ ಕಡಲೆ ಹಿಟ್ಟಿನ ರೊಟ್ಟಿ ರೆಡಿ.
ಇದನ್ನು ಗ್ರೇವಿ, ಖಾರ ಚಟ್ನಿ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.