7ನೇ ತಿಂಗಳಿನಲ್ಲಿ ಗ್ಲೂಕೋಸ್ ನಿಯಂತ್ರಣದಲ್ಲಿರಲಿ

Pre Natal

oi-Reena

By Hema S

Published: Wednesday, February 15, 2012, 15:51 [IST]

7ನೇ ತಿಂಗಳು ಗರ್ಭಿಣಿಯರಿಗೆ ವಿಶೇಷ ತಿಂಗಳಾಗಿದೆ. ಸಂಪ್ರದಾಯದ ಪ್ರಕಾರ ಈ ತಿಂಗಳಿನಲ್ಲಿ ಸೀಮಂತ ಮಾಡಲಾಗುತ್ತದೆ. ದೈಹಿಕವಾಗಿ ಕೂಡ ಸಾಕಷ್ಟು ಬದಲಾವಣೆಯಾಗುತ್ತದೆ. 6ನೇ ತಿಂಗಳು ಮುಗಿದು 7ನೇ ತಿಂಗಳಿಗೆ ಮಗು 2 ಕೆಜಿಯಷ್ಟು ಬೆಳೆದಿರುತ್ತದೆ.

7ನೇ ತಿಂಗಳಿನಲ್ಲಿ ಗರ್ಭಿಣಿಯರಲ್ಲಿ ಕಂಡು ಬರುವ ಲಕ್ಷಣಗಳು:

1. ಗ್ಲೂಕೋಸ್ ನಿಯಂತ್ರಣ: ಈ ಸಮಯದಲ್ಲಿ ಸ್ಕ್ಯಾನಿಂಗ್ ಮಾಡಿಸಬೇಕು. ದೇಹದಲ್ಲಿ ಗ್ಲೂಕೋಸ್ ಪ್ರಮಾಣ ನಿಯಂತ್ರಣದಲ್ಲಿರುವಂತೆ ನೋಡಿಕೊಳ್ಳಬೇಕು.

2. ಉಸಿರಾಟ ತೊಂದರೆ: ಗರ್ಭಪಾತ್ರದ ಗಾತ್ರ ಹೆಚ್ಚಾಗುತ್ತದೆ. ಗರ್ಭ ಬೆಳೆಯುತ್ತಿದ್ದಂತೆ ಶ್ವಾಸಕೋಶದ ಮೇಲೆ ಹೆಚ್ಚು ಒತ್ತಡ ಬೀಳುವುದರಿಂದ ಉಸಿರಾಟಕ್ಕೆ ಸ್ವಲ್ಪ ಕಷ್ಟವಾಗುತ್ತದೆ.

3. ಬೆನ್ನು ನೋವು: ಈ ಸಮಯದಲ್ಲಿ ಬೆನ್ನು ನೋವು ಕಾಣಿಸಿಕೊಳ್ಳುತ್ತದೆ. ಗರ್ಭಿಣಿಯರಿಗೆ ಮಸಾಜ್ ಮಾಡುವುದರಿಂದ ಮತ್ತು ಕೂರುವಾಗ ದಿಂಬು ಸಪೋರ್ಟ್ ಕೊಡುವುದರಿಂದ ಬೆನ್ನು ನೋವಿನಿಂದ ಸ್ವಲ್ಪವಿಶ್ರಾಂತಿ ಸಿಗುತ್ತದೆ.

4. ಹೃದಯದಲ್ಲಿ ಉರಿ: ಹೊಟ್ಟೆಯ ಮೇಲೆ ಹೆಚ್ಚಿನ ಒತ್ತಡ ಬೀಳುವುದರಿಂದ ಎದೆಯಲ್ಲಿ ಉರಿ ಉಂಟಾಗುತ್ತದೆ. ಕೆಲವೊಮ್ಮೆ ಈ ಸಮಯದಲ್ಲಿ ಅಜೀರ್ಣ ಉಂಟಾಗುತ್ತದೆ. ಹೀಗೆ ಉಂಟಾದಾಗ ವೈದ್ಯರನ್ನು ಸಂಪರ್ಕಿಸಿ ಸಲಹೆಯನ್ನು ಪಡೆಯಬೇಕು.

5.ಕಾಲಿನಲ್ಲಿ ಊತ: ಮಲಬದ್ಧತೆ ಸಮಸ್ಯೆ, ಸ್ನಾಯುಗಳ ಎಳೆತಕ್ಕೆ ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಿದರೆ ಕಾಲು ಊದಿಕೊಳ್ಳುವ ಸಮಸ್ಯೆ ಇರುವುದಿಲ್ಲ.