ಜಾರ್ಖಂಡ್‌ನಲ್ಲಿ ರುಬೆಲ್ಲಾ 2 ಮಕ್ಕಳ ಬಲಿ, 40 ಮಕ್ಕಳಲ್ಲಿ ಕಾಯಿಲೆ: ಪೋಷಕರೇ ಎಚ್ಚರ

ಪೋಷಕರೇ ಎಚ್ಚರ

ಮೀಸೆಲ್ಸ್ ರುಬೆಲ್ಲಾ ಬೇಗನೆ ಹರಡುವ ಕಾಯಿಲೆಯಾಗಿದೆ. ಈ ಕಾಯಿಲೆ ಇರುವ ವ್ಯಕ್ತಿ ಕೆಮ್ಮಿದಾಗ, ಸೀನಿದಾಗ ಗಾಳಿಯ ಮುಖಾಂತರ ಹರಡುತ್ತದೆ, ಈ ಕಾಯಿಲೆ ಇರುವವರು ಮಾತನಾಡಿದರೂ ಕಾಯಿಲೆ ಹರಡುವುದು.

ಮೀಸೆಲ್ಸ್ ರುಬೆಲ್ಲಾ ಕಾಯಿಲೆಯ ಲಕ್ಷಣಗಳೇನು?

* ಬೇಧಿ

* ತಲೆನೋವು

* ಕೆಮ್ಮು

* ಕಣ್ಣು ಕೆಂಪಾಗುವುದು

* ಜ್ವರ

* ಮೈಯಲ್ಲಿ ಕೆಂಪು ಗುಳ್ಳೆಗಳು

ಮನೆಮದ್ದುಗಳನ್ನು ಮಾಡಲೇಬೇಡಿ

ಮಕ್ಕಳ ಮೈ ಮೇಲೆ ಗುಳ್ಳೆ, ಜ್ವರ ಕಂಡು ಬಂದಾಗ ಮನೆಮದ್ದು ಮಾಡುವುದರಿಂದ ಮಕ್ಕಳ ಆರೋಗ್ಯ ಮತ್ತಷ್ಟು ಹದಗೆಡುವುದು, ಮನೆಮದ್ದು ಮಾಡಲೇಬೇಡಿ ಮೈಕ್ರೋಬಯೋಲಾಜಿಸ್ಟ್ ಡಾ. ಜಿತೇಂದ್ರ ಕುಮಾರ್‌ ಸಲಹೆ ನೀಡಿದ್ದಾರೆ.

ಯಾವ ಮಕ್ಕಳಿಗೆ ಅಪಾಯ ಹೆಚ್ಚು?

ಯಾವ ಮಕ್ಕಳಿಗೆ ಮೀಸೆಲ್ಸ್ ಹಾಗೂ ರುಬೆಲ್ಲಾ ಲಸಿಕೆ ಪಡೆದಿರುವುದಿಲ್ಲವೋ ಅಂಥ ಮಕ್ಕಳಿಗೆ ಈ ಕಾಯಿಲೆ ಅಪಾಯ ಹೆಚ್ಚು. ಮಗುವಿಗೆ 9-15 ತಿಂಗಳಿನ ಒಳಗಾಗಿ ಮೊದಲ ಡೋಸ್ ಕೊಡಿಸಬೇಕು. ಎರಡನೇ ಡೋಸ್ ಅನ್ನು 4-6 ವರ್ಷದೊಳಗಾಗಿ ಕೊಡಿಸಬೇಕು.

ಈ ಲಸಿಕೆ ಸುರಕ್ಷಿತವಾಗಿದ್ದು ರುಬೆಲ್ಲಾ ತಡೆಗಟ್ಟುವಲ್ಲಿ ಶೇ. 97ರಷ್ಟು ಪರಿಣಾಮಕಾರಿ.