ಮಕ್ಕಳಲ್ಲಿ ಉಗುರು ಕಚ್ಚುವ ದುರಭ್ಯಾಸ

ಈ ಅಭ್ಯಾಸ ಮುಂದುವರೆದರೆ ಸ್ನೇಹಿತರು ಹೀಯಾಳಿಸುತ್ತಾರೆ ಅಲ್ಲದೆ ಉಗುರಿನಲ್ಲಿರುವ ಕೊಳೆ ಹೊಟ್ಟೆ ಸೇರುವುದರಿಂದ ಆರೋಗ್ಯಕ್ಕೂ ಒಳ್ಳೆಯದಲ್ಲ. ಆದ್ದರಿಂದ ಮಕ್ಕಳ ಬೆರಳು ಕಚ್ಚುವ ಅಭ್ಯಾಸವನ್ನು ಈ ರೀತಿ ಮಾಡಿ ಹೋಗಲಾಡಿಸಬಹುದು.

1. ಮಕ್ಕಳಿಗೆ ನೀನು ದೊಡ್ಡವನಾಗಿದ್ದೀಯ ಎಂದು ಹೇಳಿಕೊಳ್ಳುವ ಖುಷಿ, ಆದ್ದರಿಂದ ಮಕ್ಕಳು ಬೆರಳು ಕಚ್ಚುತ್ತಿದ್ದರೆ ನೀನು ದೊಡ್ಡವನಾಗಿದ್ದೀಯ ಹಾಗೆಲ್ಲ ಕಚ್ಚಬಾರದು ಎಂದು ಹೇಳಿದರೆ ಅವರು ಈ ರೀತಿಯ ಅಭ್ಯಾಸವನ್ನು ಮುಂದುವರೆಸುವುದಿಲ್ಲ.

2. ಮಕ್ಕಳು ಉಗುರು ಕವ್ವುವುದು ಕಡಿಮೆ ಮಾಡಿದರೆ ಅದಕ್ಕಾಗಿ ಹೊಗಳಬೇಕು. ಹೊಗಳಿಕೆಯ ಔಷಧಿ ಮಕ್ಕಳಲ್ಲಿ ಚೆನ್ನಾಗಿ ಕೆಲಸಮಾಡುತ್ತದೆ.

3. ಮಕ್ಕಳ ಉಗುರುಗಳನ್ನು ಬೆಳೆಯಲು ಬಿಡದೆ ಕತ್ತರಿಸುತ್ತಾ ಇರಬೇಕು.

4. ಮಕ್ಕಳು ಸುಮ್ಮನೆ ಕುಳಿತಾಗ ಈ ರೀತಿ ಮಾಡುವುದರಿಂದ ಅವರ ಗಮನವನ್ನು ಆಟಗಳತ್ತ ಸರಿಸಿ.

5. ಮಕ್ಕಳು ಉಗುರು ಕಚ್ಚಿದರೆ ಬೈಯ್ಯಬಾರದು, ಏಕೆಂದರೆ ಹಾಗೆ ಮಾಡಿದರೆ ಅವರನ್ನು ಮತ್ತಷ್ಟು ಹಠಮಾರಿಗಳನ್ನಾಗಿ ಮಾಡುತ್ತದೆ, ನೀನು ಜಾಣ ಹಾಗೆಲ್ಲಾ ಹೊಗುಳುತ್ತಾ ಈ ಅಭ್ಯಾಸವನ್ನು ಬಿಡಿಸಬೇಕು.

6. ವೀಡಿಯೊ, ಕಂಪ್ಯೂಟರ್ ಗೇಮ್ಸ್ ಮತ್ತು ಕ್ಯಾಂಡಿಗಳನ್ನು ತಿನ್ನಲು ಕೊಡುವುದು ಇವುಗಳು ಮಕ್ಕಳನ್ನು ಬೆರಳು ಕಚ್ಚದಂತೆ ತಡೆಯುತ್ತದೆ.

ಹೊಗಳಿಕೆ ಮತ್ತು ಹಿತ ಮಾತುಗಳಿಂದ ಮಕ್ಕಳ ಈ ಅಭ್ಯಾಸವನ್ನು ತಡೆಯಬಹುದು.