ಬೆಚ್ಚಗಿನ ಗೂಡಲಿ ಬೇಕು ಪ್ರೀತಿಯ ಚಿಲುಮೆ

Kids

oi-Reena

By Hema S

Published: Monday, November 7, 2011, 10:28 [IST]

ಒಂದು ಸಂಸಾರ ಆನಂದ ಸಾಗರವಾಗ ಬೇಕೆಂದರೆ ಮನೆಯಲ್ಲಿ ಹೆತ್ತವರ ಮತ್ತು ಮಕ್ಕಳ ಸಂಬಂದ ಚೆನ್ನಾಗಿರಬೇಕು, ಮಕ್ಕಳಿಗೆ ಹೆತ್ತವರು ಅವಶ್ಯಕತೆಗಳನ್ನು ಪೂರೈಸಿದರೆಷ್ಟೆ ಸಾಲದು ಅವು ಎಲ್ಲಕ್ಕಿಂತ ಮಿಗಿಲಾಗಿ ಅಪ್ಪ, ಅಮ್ಮನ ಪ್ರೀತಿ ಬೇಕಾಗುತ್ತದೆ.

ಮಕ್ಕಳೊಡನೆ ಮನಬಿಚ್ಚಿ ಮಾತನಾಡುವುದರಿಂದ ಅವರು ಸಹ ತಮ್ಮ ಭಾವನೆಗಳನ್ನು ಅಪ್ಪ ಅಮ್ಮನ ಜೊತೆ ಹಂಚಿಕೊಳ್ಳಲು ಇಷ್ಟಪಡುತ್ತಾರೆ, ಮಕ್ಕಳನ್ನು ಬೆಳೆಸುವಾಗ ಕಟ್ಟು ನಿಟ್ಟಿರಬೇಕು ಹಾಗಂತ ಅದೆ ವಿಪರೀತವಾದರೆ ಮಕ್ಕಳ ಮನಸ್ಸಿನಲ್ಲಿ ಹೆತ್ತವರ ಬಗ್ಗೆ ಒಂದು ಭಯ ಪ್ರಾರಂಭವಾಗುತ್ತದೆ, ಅದೆ ಮುಂದಕ್ಕೆ ಮಕ್ಕಳನ್ನು ಸಾಕಷ್ಟು ವಿಷಯಗಳನ್ನು ಅಪ್ಪ-ಆಮ್ಮನಿಂದ ಮುಚ್ಚಿ ಇಡುವಂತೆ ಮಾಡುತ್ತದೆ.

ಮಕ್ಕಳಿಗೆ ಹೆತ್ತವರು ಆಚಾರ-ವಿಚಾರಗಳ ಬಗ್ಗೆ ತಿಳಿಸಿಕೊಡಬೇಕು, ನಿಮ್ಮ ನಂಬಿಕೆಗಳ ಬಗ್ಗೆ ಮಕ್ಕಳು ಪ್ರಶ್ನೆ ಮಾಡಿದಾಗ ಕೋಪ ಮಾಡಿಕೊಳ್ಳದೆ ನಿಮ್ಮ ನಂಬಿಕೆಗೆ ಕಾರಣಗಳನ್ನು ನೀಡಿ, ಅದಲ್ಲದೆ 'ನೀ ಅಧಿಕ ಪ್ರಸಂಗ ಮಾತನಾಡುವು ಬೇಡ' ಎಂದು ಬಾಯಿ ಮುಚ್ಚಿಸುವ ಪ್ರಯತ್ನ ಮಾಡಿದರೆ ಅದು ಅವರ ಮೇಲೆ ವ್ಯತಿರಿಕ್ತವಾಗಿ ಪರಿಣಾಮ ಬೀರುತ್ತದೆ ಎಂಬುದರ ಬಗ್ಗೆ ಗಮನವಿರಲಿ.

ಮಕ್ಕಳನ್ನು ಆದಷ್ಟು ಇತರ ಮಕ್ಕಳೊಂದಿಗೆ ಬೆರೆತು ಆಡಲು ಬಿಡಬೇಕು ಇದು ಮಕ್ಕಳ ವ್ಯಕ್ತಿತ್ವ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಮಕ್ಕಳಿಗೆ ಬೇಕಾದಷ್ಟು ಹಣ ನೀಡಿ ನಾವು ನಮ್ಮ ಮಕ್ಕಳನ್ನು ಇತರಿಗಿಂತ ಚೆನ್ನಾಗಿ ನೋಡುಕೊಳ್ಳುತ್ತಿದ್ದೇವೆ ಎಂದು ಭಾವಿಸಿದರೆ ಅದರಷ್ಟು ತಪ್ಪು ಕಲ್ಪನೆ ಬೇರೊಂದಿಲ್ಲ.

ಮಕ್ಕಳಿಗೆ ಹಣದ ಮೌಲ್ಯ ತಿಳಿಯದಿದ್ದರೆ ಅವರು ಕೆಟ್ಟ ಹಾದಿಯನ್ನು ತುಳಿಯವ ಸಂಭವ ಹೆಚ್ಚು, ಹದಿಹರೆಯದ ಮಕ್ಕಳೊಂದಿಗೆ ಹೆತ್ತವರು ಸ್ನೀಹಿತರಂತೆ ವರ್ತಿಸಿ ಅವರ ಬೇಕು ಬೇಡಗಳನ್ನು ಪೂರೈಸಿ, ಕೆಟ್ಟ ನಡತೆಯನ್ನು ತಿದ್ದಬಹುದಾಗಿದೆ,

ಹದಿಹರೆಯದವರಲ್ಲಿ ವ್ಯವಹರಿಸುವಾಗ ದರ್ಪಕ್ಕಿಂತ , ಪ್ರೀತಿಯ ಮಾತೆ ಹೆಚ್ಚು ಕೆಲಸ ಮಾಡುತ್ತದೆ.ಎಷ್ಟೆ ಬ್ಯುಸಿಯಾಗಿದ್ದರೂ ಸಹ ಕಡೆಯ ಪಕ್ಷ ತಿಂಗಳಿಗೊಮ್ಮೆಯಾದರೂ ಮಕ್ಕಳೊಂದಿಗೆ ಎಲ್ಲಾದರೂ ಪಿಕಿನಿಕ್, ರೆಸ್ಟೋರೆಂಟ್ ಅಂತ ಸಮಯ ಕಳಿದರೆ ಸಂಬಂಧವು ಮತ್ತಷ್ಟು ಗಟ್ಟಿಯಾಗುತ್ತದೆ.