ಆರೋಗ್ಯಯುತ ದಿನದ ಪ್ರಾರಂಭ ನಿಮ್ಮದಾಗಬೇಕಿದ್ದಲ್ಲಿ ಹೀಗೆ ಮಾಡಿ

ಮಧ್ಯರಾತ್ರಿಯವರೆಗೆ ಎಚ್ಚರಿರುವುದಕ್ಕೆ ನೋ ಹೇಳಿಬಿಡಿ:

ಹೌದು ನಿಮಗೆ ಇದು ಗೊತ್ತೇ ಇದೆ.ನಿಮ್ಮ ದೇಹ ಮತ್ತು ಮನಸ್ಸನ್ನು ರಾತ್ರಿ ಬೇಗ ಮಲಗಲು ಒತ್ತಾಯಿಸಿ.ಬೇಗ ನಿದ್ದೆ ಮಾಡಿದಲ್ಲಿ ಬೆಳಿಗ್ಗೆ ಬೇಗ ಏಳುವುದು ಕಷ್ಟವಲ್ಲ.ರಾತ್ರಿ ದಿನಕ್ಕಿಂತ ಒಂದು ಗಂಟೆ ಮೊದಲೇ ನಿದ್ರಿಸುವುದು ರೂಡಿ ಮಾಡಿಕೊಳ್ಳಿ.

ಬೆಳಗಿನ ತಿಂಡಿ ಮರೆಯಬೇಡಿ:

ಬೆಳಗಿನ ತಿಂಡಿಯನ್ನು ತಿನ್ನದೇ ಇರಬೇಡಿ.ಬೆಳಗಿನ ತಿಂಡಿ ನಿಮ್ಮ ದಿನವನ್ನು ಉತ್ಸಾಹಯುತವಾಗಿ ಪ್ರಾರಂಭಿಸಲು ಅವಕಾಶ ಮಾಡಿಕೊಡುತ್ತದೆ.ಸ್ವಲ್ಪವಾದರೂ ತಿಂಡಿ ತಿನ್ನುವುದನ್ನು ರೂಡಿಸಿಕೊಳ್ಳಿ.

ಧನಾತ್ಮಕ ಯೋಚನೆ ಇರಲಿ:

ಮಲಗುವ ಮೊದಲು ನಾನು ಬೆಳಿಗ್ಗೆ ಬೇಗ ಏಳಬೇಕು ಎಂಬುದಕ್ಕಿಂತ ಬೆಳಿಗ್ಗೆ ಬೇಗ ಏಳುತ್ತೇನೆ ಎಂದು ಮೊದಲೇ ನಿರ್ಧರಿಸಿಕೊಳ್ಳಿ.ನೀವು ಮೊದಲೇ ಇದನ್ನು ದೃಢ ನಿರ್ಧಾರ ಮಾಡಿಕೊಂಡಲ್ಲಿ ಬೇಗ ಏಳುವುದು ಕಷ್ಟವಾಗುವುದಿಲ್ಲ.

ಸ್ವಲ್ಪ ನಡೆಯಿರಿ:

ನೀವು ಬೆಳಿಗ್ಗೆ ಬೇಗ ಏಳಬೇಕು ಎಂಬುದೇ ನಿಮ್ಮ ನಿರ್ಧಾರವಾಗಿದ್ದರೆ ಅಲಾರಂ ಅನ್ನು ನಿಮ್ಮ ಬೆಡ್ ನ ಪಕ್ಕ ಇಟ್ಟುಕೊಳ್ಳಬೇಡಿ.ಸ್ವಲ್ಪ ದೂರದಲ್ಲಿ ಅಲರಾಂ ಇಟ್ಟುಕೊಂಡಾಗ ಬೆಳಿಗ್ಗೆ ಎದ್ದು ಅದನ್ನು ಆಫ್ ಮಾಡಲು ನಡೆದು ಹೋದಾಗ ನಿದ್ದೆ ನಿಮ್ಮಿಂದ ದೂರ ಹೋಗಿರುತ್ತದೆ.

ಬೆಳಕು ಬೀಳಲಿ:

ಬೆಳಿಗ್ಗೆ ಏಳಲು ಕಷ್ಟ ಎನಿಸಿದಲ್ಲಿ ಬೆಳಗಿನ ಸೂರ್ಯನ ಕಿರಣಗಳು ನೇರವಾಗಿ ನಿಮಗೆ ಬೀಳುವಂತೆ ಇರಲಿ ಆಗ ನಿಮಗೆ ಏಳುವುದು ಸುಲಭವಾಗುತ್ತದೆ.ನೀವು ಕಿಟಕಿ ಮುಚ್ಚಿದ್ದರೂ ಕೂಡ ಇದಕ್ಕೋಸ್ಕರವೇ ೫೦ ರಿಂದ ೨೦೦ ಡಾಲರ್ ನಲ್ಲಿ ಬಾಕ್ಸ್ ದೊರಕುತ್ತದೆ.ನಿಮಗೆ ಹಣ ವ್ಯಯಿಸಲು ಇಷ್ಟವಿಲ್ಲದಿದ್ದಲ್ಲಿ ನಿಮ್ಮ ಬೆಡ್ ಅನ್ನು ಕಿಟಕಿಯ ಬಳಿಯಲ್ಲೇ ಹಾಕಿಕೊಳ್ಳಿ ಮತ್ತು ಬೆಳಗಿನ ಸಮಯದಲ್ಲಿ ಕಿಟಕಿ ತೆರೆಯಿರಿ.

ಬೇಗ ಏಳಲು ಆಪ್ ಇದೆ

ನೀವು ಸ್ಮಾರ್ಟ್ ಅಲಾರಂ ಅಥವಾ ಮ್ಯಾಥ್ ಅಲಾರಂ ಬಗ್ಗೆ ಕೇಳಿದ್ದೀರಾ ? ಇದನ್ನು ಫೋನ್ ನಲ್ಲಿ ಡೌನ್ಲೋಡ್ ಮಾಡಿಕೊಂಡು ಬಳಸಿನೋಡಿ.ಇದು ಬೇಗ ಏಳಲು ನಿಜವಾಗಿಯೂ ಸಹಕರಿಸುತ್ತದೆ.ಅಲಾರಂ ಅನ್ನು ನಿಲ್ಲಿಸಲು ನೀವು ಇದರಲ್ಲಿರುವ ಗಣಿತವನ್ನು ಬಿಡಿಸಬೇಕು ಹೀಗೆ ಮಾಡಿದಾಗ ಮಾತ್ರ ಅಲರಾಂ ನಿಲ್ಲುತ್ತದೆ.ಹೀಗೆ ಮಾಡುವುದರಿಂದ ನಿಮ್ಮ ಮೆದುಳು ಗಣಿತದ ಬಗ್ಗೆ ತಲೆ ಓಡಿಸುತ್ತದೆ ಮತ್ತು ನಿಮ್ಮ ನಿದ್ದೆ ಓಡಿಸುತ್ತದೆ.