ಹನುಮ ಜಯಂತಿಯಂದು ಈ ಕ್ರಮಗಳನ್ನು ಮಾಡುವುದರಿಂದ ರಾಹು-ಕೇತು, ಶನಿಯ ಕೆಟ್ಟ ಪ್ರಭಾವದಿಂದ ಪಾರಾಗಬಹುದು

ಏಪ್ರಿಲ್ ತಿಂಗಳಿನಲ್ಲಿ ಶನಿ, ರಾಹು-ಕೇತುವಿನ ರಾಶಿ ಬದಲಾವಣೆ:

ಜ್ಯೋತಿಷ್ಯದ ದೃಷ್ಟಿಕೋನದಿಂದ, ಏಪ್ರಿಲ್ ತಿಂಗಳು ಅನೇಕ ಬದಲಾವಣೆಗಳನ್ನು ತಂದಿದೆ. ಈ ತಿಂಗಳು ಶನಿ, ರಾಹು-ಕೇತುಗಳಂತಹ ಗ್ರಹಗಳು ರಾಶಿಚಕ್ರ ಚಿಹ್ನೆಗಳನ್ನು ಬದಲಾಯಿಸುತ್ತಿದ್ದು, ಅದರಿಂದ ಶುಭ-ಆಶುಭ ಫಲಿತಾಂಶಗಳು ಸಿಗಲಿದೆ. ರಾಹು-ಕೇತು 12 ಏಪ್ರಿಲ್ 2022 ರಂದು ರಾಶಿಚಕ್ರವನ್ನು ಬದಲಾಯಿಸಿದರೆ, ಶನಿಯು 29 ಏಪ್ರಿಲ್ 2022 ರಂದು ಸ್ಥಾನ ಬದಲಾವಣೆ ಮಾಡಲಿದೆ. ಜ್ಯೋತಿಷ್ಯದ ಪ್ರಕಾರ, ಈ ಕ್ರೂರ ಗ್ರಹಗಳ ಸ್ಥಾನದಲ್ಲಿನ ಬದಲಾವಣೆಯು ಅನೇಕ ರಾಶಿಚಕ್ರದ ಮೇಲೆ ಭಾರೀ ಪ್ರಭಾವ ಬೀರಲಿದೆ. ಈ ಸಂದರ್ಭದಲ್ಲಿ, ಈ ಗ್ರಹಗಳಲ್ಲಿ ಕಂಡುಬರುವ ಅಶುಭ ಫಲಗಳನ್ನು ಗುಣಪಡಿಸಲು ಕ್ರಮಗಳನ್ನು ತೆಗೆದುಕೊಳ್ಳುವುದು ಉತ್ತಮ. ಅದು ಹೇಗೆ ಎಂಬುದನ್ನು ಇಲ್ಲಿ ನೋಡೋಣ.

ಗ್ರಹಗಳ ಸ್ಥಾನ ಬದಲಾವಣೆಯಿಂದ ಅಶುಭ ಫಲಗಳನ್ನು ತಪ್ಪಿಸಲು ಹನುಮಂತನಿಗೆ ಮಾಡಬೇಕಾದ ಕ್ರಮಗಳನ್ನು ಈ ಕೆಳಗೆ ನೀಡಲಾಗಿದೆ. ಅವುಗಳೆಂದರೆ:

ಸಾಡೇ ಸಾತಿಯಿರುವವರು ಹೀಗೆ ಮಾಡಿ:

ಹನುಮನ ಜಯಂತಿಯಂದು ಹನುಮಾನ್ ಚಾಲೀಸಾವನ್ನು 11 ಬಾರಿ ಪಠಿಸಬೇಕು. ಹನುಮಾನ್ ದೇವಸ್ಥಾನಕ್ಕೆ ಹೋಗಿ ವಿಗ್ರಹದ ಮುಂದೆ ಕುಳಿತು ಪಠಿಸಿ. ಹಾಗೆ ಮಾಡುವುದರಿಂದ ಶನಿ ದೈಯ್ಯ ಅಥವಾ ಸಾಡೇ ಸಾತಿಯಿಂದ ಬಳಲುತ್ತಿರುವವರಿಗೆ ಸಾಕಷ್ಟು ಪರಿಹಾರ ದೊರೆಯುತ್ತದೆ.

ಜೀವನದಲ್ಲಿ ಶಾಂತಿ ನೆಲೆಸಲು:

ಹನುಮಂತನಿಗೆ ಕಡಲೆ ಹಿಟ್ಟಿನ ಲಡ್ಡು ಎಂದರೆ ತುಂಬಾ ಇಷ್ಟ. ಹನುಮ ಜಯಂತಿಯ ದಿನ ಈ ಹಿಟ್ಟಿನ ಲಡ್ಡುವನ್ನು ನೈವೇದ್ಯ ಮಾಡಬೇಕು. ಹೀಗೆ ಮಾಡುವುದರಿಂದ ನಿಮ್ಮ ಜೀವನಕ್ಕೆ ಸಂತೋಷ ಸಿಗುತ್ತದೆ. ಜೊತೆಗೆ ಸಂಕಟಗಳೆಲ್ಲವೂ ಮರೆಯಾಗುವುದು.

ಬಿಕ್ಕಟ್ಟುಗಳಿಂದ ಮುಕ್ತಿ ಪಡೆಯಲು:

ಹನುಮನಿಗೆ ಸಿಂಧೂರವನ್ನು ಅರ್ಪಿಸುವುದರಿಂದ ಅನೇಕ ಸಮಸ್ಯೆಗಳು ಪರಿಹಾರವಾಗುತ್ತವೆ. ಹನುಮ ಜಯಂತಿಯ ದಿನ ಸಿಂಧೂರವನ್ನು ಬಜರಂಗಬಲಿ ಅರ್ಪಿಸಬೇಕು. ಮಲ್ಲಿಗೆ ಹೂವಿನ ಮಾಲೆ ಮತ್ತು ಕೆಂಪು ವಸ್ತ್ರಗಳನ್ನು ಸಹ ಅರ್ಪಿಸಿ. ಹನುಮ ಜಯಂತಿಯಿಂದ ಆರಂಭವಾಗಿ ಮುಂದಿನ 11 ಹುಣ್ಣಿಮೆಗಳವರೆಗೆ ಈ ಪರಿಹಾರವನ್ನು ಮಾಡಿದರೆ ದೊಡ್ಡ ಬಿಕ್ಕಟ್ಟುಗಳಿಂದ ಮುಕ್ತಿ ಪಡೆಯಬಹುದು.

ಯಶಸ್ಸು ದೊರೆಯಲು:

ಹನುಮ ಅಂದರೆ, ಕೆಂಪು ವಸ್ತ್ರ ನೆನಪಾಗುವುದು ಸಹಜ. ಜೊತೆಗೆ ಧೈರ್ಯ ಸಾಹಸದ ಸಂಕೇತ. ಇದರ ಸಾಂಕೇತಿಕವೇ ತ್ರಿಕೋನ ಕೆಂಪು ಧ್ವಜ. ಆದ್ದರಿಂದ ಈ ಹನುಮ ಜಯಂತಿಯಂದು ಹನುಮನ ದೇವಸ್ಥಾನದಲ್ಲಿ ತ್ರಿಕೋನ ಕೆಂಪು ಧ್ವಜವನ್ನು ಹಾರಿಸಬೇಕು. ಹೀಗೆ ಮಾಡುವುದರಿಂದ ಪ್ರತಿಯೊಂದು ಪ್ರಯತ್ನದಲ್ಲೂ ಯಶಸ್ಸು ಸಿಗುತ್ತದೆ.