ಪ್ರಪಂಚದಲ್ಲಿಯೇ ಅತೀ ಎತ್ತರದ ಟಾಪ್ 5 ಶಿವನ ಮೂರ್ತಿ

Insync

oi-Reena

By Hema S

Updated: Friday, August 31, 2012, 15:52 [IST]

ಶಿವ ಹಿಂದೂ ಧರ್ಮದವರ ಆರಾಧ್ಯ ದೈವ. ಶಿವನನ್ನು ಹೆಚ್ಚಾಗಿ ಲಿಂಗದ ರೂಪದಲ್ಲಿ ಪೂಜಿಸಲಾಗುತ್ತದೆ. ಆದರೆ ಕೆಲವು ದೇವಾಲಯದಲ್ಲಿ ಶಿವನ ಮೂರ್ತಿ ಕೂಡ ಇದೆ. ಕೆಲವು ಕಡೆ ಮೂರ್ತಿ ಸಾಧಾರಣ ಗಾತ್ರದಲ್ಲಿ ಅಥವಾ ತುಂಬಾ ಚಿಕ್ಕದಾಗಿದ್ದರೆ ಮತ್ತೆ ಕೆಲವು ಕಡೆ ತುಂಬಾ ಎತ್ತರದ ಶಿವನ ಮೂರ್ತಿಯನ್ನು ಕಾಣಬಹುದು. ಇವನ್ನು ನಾವು ಪ್ರಪಂಚದಲ್ಲಿಯೇ ಅತೀ ಎತ್ತರದ ಟಾಪ್ 5 ಶಿವನ ಮೂರ್ತಿಗಳು ಎಲ್ಲಲ್ಲಿ ಇವೆ ಎಂದು ತಿಳಿಯೋಣ ಬನ್ನಿ:

1. ನೇಪಾಳದ ಶಿವನ ಮೂರ್ತಿ: ಅತೀ ಎತ್ತರದ ಶಿವ ನಿಂತ ಭಂಗಿಯಲ್ಲಿರುವ ಮೂರ್ತಿ ನೇಪಾಳದ ಕಠ್ಮಂಡುನಲ್ಲಿದೆ. ಈ ಮೂರ್ತಿಯು 43.5 ಮೀಟರ್ ಎತ್ತರದಲ್ಲಿದೆ. ಕಂಚಿನ ಬಣ್ಣದ ಈ ಶಿವನ ಮೂರ್ತಿಯು ನೋಡುಗರ ಮನಸೂರೆಗೊಳ್ಳುತ್ತದೆ. ಈ ಮೂರ್ತಿಯ ದರ್ಶನ ಪಡೆಯಲು ಪ್ರತಿನಿತ್ಯ ಸಾವಿರಾರು ಮಂದಿ ಭಕ್ತರು ಮತ್ತು ಪ್ರವಾಸಿಗರು ಆಗಮಿಸುತ್ತಾರೆ.

2. ಮುರುಡೇಶ್ವರದಲ್ಲಿರುವ ಶಿವನ ಮೂರ್ತಿ: ಸಮುದ್ರ ಕಿನಾರೆಯ ಸುಂದರ ಪವಿತ್ರ ತಾಣದಲ್ಲಿ ಅತೀ ಎತ್ತರದ ಶಿವ ಮೂರ್ತಿ ಇದೆ. ಇಲ್ಲಿಯ ಶಿವನ ಮೂರ್ತಿಯು ಬೆಳ್ಳಿಯ ಬಣ್ಣದಲ್ಲಿದ್ದು, ಕುಳಿತ ಭಂಗಿಯಲ್ಲಿದೆ. ಶಿವ ಮೂರನೆ ಕಣ್ಣು ಬಿಟ್ಟಂತೆ ಇರುವ ಈ ಮೂರ್ತಿಯನ್ನು ನೋಡುತ್ತಿದ್ದರೆ ಭಕ್ತಿ ಭಾವ ಉಕ್ಕಿ ಬರುತ್ತದೆ. ಈ ಮೂರ್ತಿಯ ಎತ್ತರ 37ಮೀ ಇದೆ. ಪೂರ್ವಕ್ಕೆ ಗೋಪುರಗಟ್ಟಿರುವ ಬೆಟ್ಟಗಳು, ಪಶ್ಚಿಮದಲ್ಲಿ ಭೋರ್ಗರೆಯುತ್ತಿರುವ ಸಮುದ್ರ ಇದರ ನಡುವಿನ ದೇವಾಲಯ ಭಕ್ತರನ್ನು ಮತ್ತು ಪ್ರವಾಸಿಗಳನ್ನು ಆಕರ್ಷಿಸುತ್ತದೆ.

3. ಹಿಮಾಲಯದ ಕೈಲಾಸ ಪರ್ವತ: ಇದು ಶಿವನ ಭಕ್ತರು ನೋಡಲೇಬೇಕಾದ ಸ್ಥಳವಾಗಿದೆ. ಕೈಲಾಸ ಪರ್ವತದಲ್ಲಿ 32 ಮೀ ಎತ್ತರದಲ್ಲಿರುವ ಶಿವನ ಮೂರ್ತಿಯು ನೋಡಲು ತುಂಬಾ ಮನಮೋಹಕವಾಗಿದೆ. ಇದನ್ನು ಶಿವನ ವಾಸಸ್ಥಾನ ಎಂದು ಪರಿಗಣಿಸಲಾಗಿದೆ. ಈಬ್ರಹ್ಮಪುತ್ರ ನದಿಯ ಉಗಮ ತಾಣವಾದ ಈ ಪರ್ವತವು ಮಾನಸ ಸರೋವರವನ್ನು ತನ್ನ ತಪ್ಪಲಿನಲ್ಲಿ ಹೊಂದಿದೆ.

4. ಹರಿದ್ವಾರದ ಶಿವ ದೇವಾಲಯ: ಹರಿದ್ವಾರದಲ್ಲಿ ಗಂಗಾ ನದಿಯ ಸಮೀಪದಲ್ಲಿರುವ ಶಿವ ದೇವಲಯದಲ್ಲಿರುವ ಶಿವನ ಮೂರ್ತಿಯು 30.5 ಮೀ ಎತ್ತರವನ್ನು ಹೊಂದಿದೆ. ಬದ್ರಿ ಯಾತ್ರೆ ಮಾಡುವವರು ಇವನ ದರ್ಶನ ಪಡದೇ ಮುಂದೆ ಸಾಗುತ್ತಾರೆ.

5. ಬೆಂಗಳೂರಿನಲ್ಲಿರುವ ಶಿವನ ಮೂರ್ತಿ: ಬೆಂಗಳೂರಿನಲ್ಲಿರುವ ಶಿವನ ಮೂರ್ತಿಯು ಪ್ರಪಂಚದಲ್ಲಿಯೇ ಅತೀ ಎತ್ತರದ ಶಿವನ ಮೂರ್ತಿಗಳಲ್ಲಿ ಟಾಪ್ 5 ರಲ್ಲಿ ಐದನೇ ಸ್ಥಾನವನ್ನು ಗಳಿಸಿಕೊಂಡಿದೆ. 20 ಮೀ ಎತ್ತರವಿರುವ ಶಿವನ ಮೂರ್ತಿ ಯೋಗ ಭಂಗಿಯಲ್ಲಿದೆ. ಇಲ್ಲಿ ಶಿವರಾತ್ರಿ ಸಮಯದಲ್ಲಿ ಸಾಕಷ್ಟು ಭಕ್ತಾದಿಗಳು ನೆರೆದಿರುತ್ತಾರೆ.