ತುಂಬಾ ನಾಚಿಕೆಯಿದ್ದರೆ ಹೆಣ್ಣಿಗೆ ಜೀವನ ಕಷ್ಟ!

Insync

oi-Reena

By Hema S

Published: Friday, June 29, 2012, 12:16 [IST]

ಪುರುಷರು ಹೆಣ್ಣಿನಲ್ಲಿ ನಯ, ವಿನಯ ಹೆಚ್ಚಾಗಿ ಇರಬೇಕೆಂದು ಬಯಸುತ್ತ್ತಾರೆ. ಸ್ವಲ್ಪ ನಾಚಿಕೆ ಸ್ವಭಾವವಿರುವ ಹೆಣ್ಣು ಕೆಲ ಪುರುಷರಿಗೆ ತುಂಬಾ ಇಷ್ಟವಾಗುತ್ತಾರೆ, ಆದರೆ ತುಂಬಾ ನಾಚಿಕೆ ಸ್ವಭಾವವಿದ್ದರೆ ಅಂತಹ ಹೆಣ್ಣು ಮಕ್ಕಳು ಪುರುಷರಿಗೆ ಹೆಚ್ಚು ಇಷ್ಟವಾಗುವುದಿಲ್ಲ, ನಾಚಿಕೆ ಬಿಟ್ಟು ವರ್ತಿಸುವ ಹೆಣ್ಣೂ ಗಂಡಿಗೆ ಅಷ್ಟಾಗಿ ಇಷ್ಟವಾಗುವುದಿಲ್ಲ. ಹಾಗಾದರೆ ಎಂತಹ ಹೆಣ್ಣು ಮಕ್ಕಳು ಪುರುಷರಿಗೆ ಇಷ್ಟ? ಹೆಚ್ಚಿನ ಪುರುಷರು ಬೋಲ್ಡ್ ಅಂಡ್ ಬ್ಯೂಟಿಫುಲ್ ಹೆಣ್ಣನ್ನು ಬಯಸುತ್ತಾರೆ.

ತುಂಬಾ ನಾಚಿಕೆ ಹೆಣ್ಣಿಗೆ ಶತ್ರು! ಏಕೆಂದರೆ ತುಂಬಾ ನಾಚಿಕೆ ಇರುವವರಿಗೆ ಆತ್ಮವಿಶ್ವಾಸ ಕಡಿಮೆ ಇದ್ದು, ಕೀಳಿರಿಮೆ ಜಾಸ್ತಿ ಇರುತ್ತದೆ. ದೃಢವಾಗಿ ಯಾವುದೇ ಕೆಲಸವನ್ನು ಎದುರಿಸಲು ಹಿಂದೆ ಮುಂದೆ ನೋಡುತ್ತಾರೆ. ತುಂಬಾ ನಾಚಿಕೆಯಿಂದ ಏನೇ ಕೆಲಸಕ್ಕೂ ಹಿಂದೆ ಮುಂದೆ ನೋಡುವವರು ಜೀವನದಲ್ಲಿ ಕೂಡ ಮುಂದೆ ಬರುವುದು ಕಷ್ಟ.

ಈಗೀನ ಜಗತ್ತೇ ಆಗಿದೆ, ಬೋಲ್ಡ್ ಆಗಿ ಮುನ್ನುಗ್ಗಿದರೆ ಮಾತ್ರ ಏನಾದರೂ ಸಾಧಿಸಲು ಸಾಧ್ಯ. ನಾಚಿಕೆಯಿಂದ ಮುದುಡಿ ಕೂರದೆ, ಆತ್ಮವಿಶ್ವಾಸ ಬೆಳೆಸಿಕೊಳ್ಳಲು ಈ ಕೆಳಗಿನ ಸಲಹೆಗಳನ್ನು ಪಾಲಿಸುವುದು ಒಳ್ಳೆಯದು.

ದೇಹದ ಆಕಾರ: ಅನೇಕ ಹೆಣ್ಣು ಮಕ್ಕಳು ತಮ್ಮ ದೇಹದ ಆಕಾರ ತುಂಬಾ ದಪ್ಪವಿದ್ದರೆ ಅಥವಾ ತುಂಬಾ ತೆಳ್ಳಗೆ ಇದ್ದರೆ ಕೀಳಿರಿಮೆ ಬೆಳೆಸಿಕೊಳ್ಳುತ್ತಾರೆ. ಯೋಗ, ವ್ಯಾಯಾಮ, ಉತ್ತಮ ಆಹಾರಶೈಲಿ ಇವುಗಳು ಆಕರ್ಷಕ ಮೈಕಟ್ಟು ಹೊಂದಲು ಸಹಾಯ ಮಾಡುತ್ತದೆ. ಅಲ್ಲದೆ ದೇಹದ ಬಗ್ಗೆ ತುಂಬಾ ಕೀಳಿರಿಮೆ ಬೆಳೆಸಿಕೊಳ್ಳದೆ ಆಕರ್ಷಕ ವ್ಯಕ್ತಿತ್ವ ಬೆಳೆಸಿಕೊಳ್ಳಿ. ಪ್ರತಿಭೆ ಮತ್ತು ವ್ಯಕ್ತಿತ್ವ ಇದ್ದರೆ ಜನರು ನಿಮ್ಮತ್ತ ಆಕರ್ಷಿತರಾಗುತ್ತಾರೆ.

ಡ್ರೆಸ್ಸಿಂಗ್: ಡ್ರೆಸ್ಸಿಂಗ್ ಕೂಡ ನಿಮಗೆ ಆತ್ಮವಿಶ್ವಾಸವನ್ನು ನೀಡುತ್ತದೆ. ಡ್ರೆಸ್ಸಿಂಗ್ ಸೆನ್ಸ್ ಇದ್ದರೆ ಎಂತಹ ವ್ಯಕ್ತಿಗಳು ಕೂಡ ಆಕರ್ಷಕವಾಗಿ ಕಾಣಬಹುದು. ಡ್ರೆಸ್ ಮಾಡುವಾಗ ಬಟ್ಟೆಯ ಬಣ್ಣ ಮತ್ತು ಆ ಫ್ಯಾಷನ್ ಡ್ರೆಸ್ ನಿಮಗೆ ಒಪ್ಪುತ್ತದೆಯೆ ಎಂದು ಗಮನಿಸಬೇಕು, ಲಘವಾಗಿ ಮೇಕಪ್ ಮಾಡಬೇಕು. ನಿಮ್ಮ ವ್ಯಕ್ತಿತ್ವವನ್ನು ಬಿಂಬಿಸುವ ರೀತಿಯಲ್ಲಿ ಡ್ರೆಸ್ ಮಾಡಬೇಕು. ಆಗ ಆತ್ಮವಿಶ್ವಾಸ ಬಂದು ನಾಚಿಕೆ, ಕೀಳಿರಿಮೆ ಕಡಿಮೆಯಾಗುವುದು.

ಮೇಕಪ್: ಕೂದಲನ್ನು ಆಕರ್ಷಕವಾಗಿ ಕತ್ತರಿಸಿ, ಲಘುವಾದ ಮೇಕಪ್, ಕಣ್ಣಿಗೆ ಅಲಂಕಾರ ಮಾಡಿದರೆ ಹೆಣ್ಣು ಮಕ್ಕಳು ಮತ್ತಷ್ಟು ಆಕರ್ಷಕವಾಗಿ ಕಾಣುವುದು. ಉತ್ತಮ ಗುಣವಿರುವ ಸ್ನೇಹಿತರ ಸಹವಾಸ ಮಾಡಬೇಕು, ಇವೆಲ್ಲ ನಿಮಗೆ ಆತ್ಮವಿಶ್ವಾಸವನ್ನು ತುಂಬುವುದು.

ನಿಮ್ಮನ್ನೇ ನೀವು ಪ್ರೀತಿಸಿ: ಮೊದಲು ನಿಮ್ಮನ್ನೇ ನೀವು ಪ್ರೀತಿಸಿ. ಬಾಹ್ಯ ಸೌಂದರ್ಯ ಶಾಶ್ವತವಲ್ಲ, ಆದ್ದರಿಂದ ಆಂತರಿಕ ಸೌಂದರ್ಯಕ್ಕೆ ಹೆಚ್ಚು ಮಹತ್ವ ಕೊಡಬೇಕು. ಕೀಳಿರಿಮೆಯಿಂದ ಹೊರಬಂದರೆ ಮಾತ್ರ ನಿಮಗೆ ಇತರರನ್ನು ಆಕರ್ಷಿಸುವ ಸಾಮರ್ಥ್ಯ ಬರುವುದು.