ಶಿವನ ಆರಾಧನೆಯಲ್ಲಿ ಅರಿಶಿಣ, ಕುಂಕುಮ ಬಳಸಲೇಬಾರದು, ಏಕೆ?

ಸರಳತೆ ಇಷ್ಟ ಪಡುವ ನಿರಾಲಂಕಾರ ಶಿವ

ಜಗದ ಲಯಕರ್ತ ಶಿವ ತುಂಬಾ ಸರಳ ಜೀವನವನ್ನು ಇಷ್ಟಪಡುತ್ತಾನೆ. ಆದ್ದರಿಂದ ಈತನ ಪೂಜೆಯೂ ಕೂಡ ಸರಳವಾಗಿಯೇ ಇರಲಿ ಎಂದು ಬಯಸುತ್ತಾನೆ. ಸ್ಮಶಾನವಾಸಿ, ನಿರಾಲಂಕಾರ ಶಿವನಿಗೆ ಯಾವುದೇ ಆಭರಣಗಳಾಗಲಿ, ವಿಶೇಷ ಅಲಂಕಾರವಾಗಲಿ ಇಷ್ಟವಾಗುವುದಿಲ್ಲ. ನೈವೇದ್ಯಕ್ಕೆ ಹಣ್ಣುಗಳನ್ನು ಇಟ್ಟರಷ್ಟೇ ಸಾಕು ತೃಪ್ತಿಗೊಳ್ಳುತ್ತಾನೆ.

ಶಿವ ಪೂಜೆ

ಈಶ್ವರನಿಗೆ ಪೂಜೆ ಮಾಡುವಾಗ ಹಾಲು, ಶ್ರೀಗಂಧ ಲೇಪನ, ಭಸ್ಮದಂಥ ವಸ್ತುಗಳಿಂದ ಪೂಜಿಸಬೇಕು. ಶಿವನಿಗೆ ಆಗದ ವಸ್ತುಗಳನ್ನು ಪೂಜೆಗೆ ಬಳಸಿದರೆ ಇದರಿಂದ ಮುಕ್ಕಣ್ಣನಿಗೆ ಕೋಪಯುಂಟಾಗುವುದು.

ಶಿವಲಿಂಗಕ್ಕೆ ಅರಿಶಿಣ ಏಕೆ ಹಚ್ಚಬಾರದು?

ಶಿವಲಿಂಗ ಎನ್ನುವುದು ಪುರುಷತ್ವದ ಸಂಕೇತ, ಶಿವಲಿಂಗ ಎನ್ನುವುದು ಪುರುಷನನ್ನು ಪ್ರನಿಧಿಸುತ್ತದೆ ಎಂದು ಧರ್ಮಗ್ರಂಥಗಳಲ್ಲಿ ಹೇಳಲಾಗಿದೆ. ಶಿವನು ಅಗಾಧ ಶಕ್ತಿಯನ್ನು ತನ್ನಲ್ಲಿಟ್ಟಿಕೊಂಟಿರುವ ದೈವ. ಆತನಿಗೆ ಶ್ರೀಗಂಧ, ಹಾಲು, ಭಸ್ಮ, ಬಿಲ್ವ ಪತ್ರೆಗಳಂಥ ವಸ್ತುಗಳನ್ನು ಅರ್ಪಿಸಿ ಪೂಜಿಸಬೇಕು. ನಾವು ಅರ್ಪಿಸುವ ವಸ್ತುಗಳು ಆತನ ಕೋಪ-ತಾಪವನ್ನು ತ ತಣ್ಣಗಾಗಿಸಬೇಕು. ಲೌಕಿಕ ಸುಖಗಳಿಂದ ದೂರವಿರುವ ಬ್ರಹ್ಮಚಾರಿಯ ರೀತಿ ಬದುಕುತ್ತಿರುವ ಶಿವನಿಗೆ ಯಾವುದೇ ಕಾರಣಕ್ಕೂ ಅರಿಶಿಣವನ್ನು ಅರ್ಪಿಸಬಾರದು.

ಅಲ್ಲದೆ ಅರಿಶಿಣ ಸ್ತ್ರೀ ಸೌಂದರ್ಯದ ಸಂಕೇತ. ಇದು ಸೌಂದರ್ಯವನ್ನು ಪ್ರಚೋದಿಸುತ್ತದೆ, ಹೆಣ್ಣಿನ ಸೌಂದರ್ಯ ಲೌಕಿಕ ಸುಖದ ಕಡೆಗೆ ಬಾಗುವಂತೆ ಮಾಡುವುದು. ಆದ್ದರಿಂದ ಅಲೌಕಿಕ ಬದುಕು ನಡೆಸುತ್ತಿರುವ ಶಿವನಿಗೆ ಅರಿಶಿಣ ಅರ್ಪಿಸಲೇಬಾರದು.

ಶಿವನಿಗೆ ಕುಂಕುಮ ಕೂಡ ಅರ್ಪಿಸಬೇಡಿ

ಹಿಂದೂ ಧರ್ಮದಲ್ಲಿ ಪೂಜೆ ಪುರಸ್ಕಾರಗಳಲ್ಲಿ ಕುಂಕುಮಕ್ಕೆ ಪವಿತ್ರವಾದ ಸ್ಥಾನವಿದೆ. ದೇವರ ಪೂಜೆಯಲ್ಲಿ ಕುಂಕು ಬಳಸಲಾಗುವುದು. ಆದರೆ ಶಿವನ ಆರಾಧನೆ ಮಾಡುವಾಗ, ಶಿವ ಪೂಜೆಯನ್ನು ಮಾಡುವಾಗ ಕುಂಕುಮ ಬಳಸಬಾರದು. ಶಿವನು ಲೌಕಿಕ ಜಗತ್ತು ಮತ್ತು ಸಂತೋಷಗಳೊಂದಿಗೆ ಯಾವುದೇ ಬಂಧವೊಂದಿಲ್ಲ. ಶಿವ ಭಸ್ಮ ಪ್ರಿಯ. ಶಿವನ ಆರಾಧನೆಗೆ ವಿಭೂತಿ ಬಳಸಲಾಗುವುದು.