ನವರಾತ್ರಿ ವಿಶೇಷ: ನವದುರ್ಗೆಯರಿಗೆ 'ನವ ನೈವೇದ್ಯ'

ಪ್ರಥಮ ದಿನ

ಮೊದಲ ದಿನವು ದೇವಿಯ ಮೊದಲನೇಯ ಅವತಾರಕ್ಕೆ ಮೀಸಲಿಡಲಾಗಿದೆ. ದೇವಿಯನ್ನು ಮೊದಲ ದಿನದಂದು ಶೈಲ ಪುತ್ರಿಯೆಂದು ಕರೆಯಲಾಗುತ್ತದೆ. ಈ ದಿನ ದೇವಿಯನ್ನು ಹೂವಿನಿಂದ ಅಲಂಕರಿಸಲಾಗುತ್ತದೆ. ಆಕೆಯನ್ನು ಬಾಲಕಿ ಹಾಗೂ ಪರ್ವತರಾಜನ ಪುತ್ರಿಯಾಗಿ ಪೂಜಿಸಲಾಗುತ್ತದೆ. ಈ ದಿನ ಭಕ್ತರು ಹಳದಿ ಬಣ್ಣದ ಬಟ್ಟೆಗಳನ್ನು ಧರಿಸಿ ಬೆಣ್ಣೆಯನ್ನು ದೇವಿಗೆ ಭೋಗವಾಗಿ ಅರ್ಪಿಸುತ್ತಾರೆ.

ದ್ವಿತೀಯ ದಿನ

ಎರಡನೇ ದಿನದಂದು ದೇವಿಯನ್ನು ಬ್ರಹ್ಮಚಾರಿಣಿಯಾಗಿ ಆರಾಧಿಸಲಾಗುತ್ತದೆ. ದ್ವಿತೀಯ ಅಥವಾ ಎರಡನೇ ದಿನದಂದು ಭಕ್ತರು ಹಸಿರು ಬಟ್ಟೆಯನ್ನು ಧರಿಸುತ್ತಾರೆ. ದ್ವಿತೀಯ ದಿನದಂದು ದೇವಿಗೆ ಸಕ್ಕರೆಯನ್ನು ಭೋಗವಾಗಿ ಅರ್ಪಿಸುತ್ತಾರೆ.

ತೃತೀಯ ದಿನ

ಮೂರನೇ ದಿನ ಯಾನೆ ತೃತೀಯ ದಿನ ದೇವಿಯನ್ನು ಚಂದ್ರಘಾತವೆಂದು ಪೂಜಿಸಲಾಗುತ್ತದೆ. ಈ ರೂಪದ ದೇವಿಯನ್ನು ಪೂಜಿಸುವುದರಿಂದ ನಿಮ್ಮ ನೋವುಗಳೆಲ್ಲವೂ ನಿವಾರಣೆಯಾಗಿ ಆಕಾಂಕ್ಷೆಗಳೆಲ್ಲವೂ ಈಡೇರುತ್ತದೆ ಎಂದು ನಂಬಲಾಗಿದೆ. ಈ ದಿನ ಬಿಳಿ ಬಣ್ಣದ ಬಟ್ಟೆಯನ್ನು ಧರಿಸಿ ಹಾಲು ಅಥವಾ ಹಾಲಿನಿಂದ ಮಾಡಿದ ಪಾಯಸವನ್ನು ನೈವೇದ್ಯ ರೂಪದಲ್ಲಿ ಅರ್ಪಿಸಲಾಗುತ್ತದೆ.

ನಾಲ್ಕನೇ ದಿನ

ಈ ದಿನ ಯಾನೆ ಚತುರ್ಥ ದಿನ ದೇವಿ ಕುಶಮಂದ ಅವತಾರದಲ್ಲಿರುತ್ತಾಳೆ. ಈ ಅವತಾರದ ದೇವಿಯನ್ನು ಆರಾಧಿಸುವುದರಿಂದ ಮತ್ತು ನಾಲ್ಕನೇ ದಿನದಂದು ಭಕ್ತರು ಉಪವಾಸವಿದ್ದು ದೇವಿಯ ಆರಾಧನೆ ಮಾಡಿದರೆ ಅವರ ನೋವು ಹಾಗೂ ರೋಗಗಳೆಲ್ಲವೂ ಶಮನವಾಗಲಿದೆ ಎನ್ನಲಾಗುತ್ತದೆ. ಈ ದಿನ ಭಕ್ತರು ಕಿತ್ತಳೆ ಬಣ್ಣದ ಬಟ್ಟೆ ಧರಿಸುತ್ತಾರೆ. ಈ ದಿನ ಕುಶಮಂದ

ದೇವಿಗೆ ಮಲ್ಪುವನ್ನು ಅರ್ಪಿಸುತ್ತಾರೆ.

ಐದನೇ ದಿನ

ಪಂಚಮ ಅಥವಾ ಐದನೇ ದಿನದಲ್ಲಿ ದೇವಿ ಸ್ಕಂದಮಾತಾಗೆ ಅರ್ಪಿಸಲಾಗಿದೆ. ಸ್ಕಂದಮಾತಾ ದೇವಿಯನ್ನು ಪೂಜಿಸುವುದರಿಂದ ಭಕ್ತರ ಎಲ್ಲಾ ಇಷ್ಟಾರ್ಥಗಳು ನೆರವೇರುತ್ತದೆ ಎಂದು ನಂಬಲಾಗಿದೆ. ಐದನೇ ದಿನದಂದು ಭಕ್ತರು ಬಿಳಿ ಬಟ್ಟೆಯನ್ನು ಧರಿಸಿ ಪೂಜೆ ಮಾಡುತ್ತಾರೆ ಮತ್ತು ಬಾಳೆಹಣ್ಣನ್ನು ದೇವಿಗೆ ಅರ್ಪಿಸುತ್ತಾರೆ.

ಆರನೇ ದಿನ

ಷಷ್ಠಿಯಂದು ದೇವಿಯ ಕಾತ್ಯಾಯಿನಿ ಅವತಾರವನ್ನು ಪೂಜಿಸಲಾಗುತ್ತದೆ. ಈ ದಿನ ಭಕ್ತರು ಕೆಂಪು ಬಟ್ಟೆಯನ್ನು ಧರಿಸುತ್ತಾರೆ ಮತ್ತು ದೇವಿಗೆ ಜೇನನ್ನು ಭೋಗದ ರೂಪದಲ್ಲಿ ಅರ್ಪಿಸಲಾಗುತ್ತದೆ.

ಏಳನೇ ದಿನ

ಕಾಳರಾತ್ರಿಯ ಅವತಾರವನ್ನು ಸಪ್ತಮಿಯಂದು ಪೂಜಿಸಲಾಗುತ್ತದೆ. ಈ ಅವತಾರದಲ್ಲಿ ದೇವಿಯು ದುಷ್ಟಶಕ್ತಿಗಳಿಂದ ಭಕ್ತರನ್ನು ರಕ್ಷಿಸಿ ಸುಖವನ್ನು ನೀಡುತ್ತಾಳೆ. ಈ ದಿನ ಭಕ್ತರು ನೀಲಿ ಬಟ್ಟೆಯನ್ನು ಧರಿಸಿ ದೇವಿಗೆ ಬೆಲ್ಲವನ್ನು ಅರ್ಪಿಸುತ್ತಾರೆ. ಕೆಲವು ಕಡೆಗಳಲ್ಲಿ ಈ ದಿನ ಬ್ರಾಹ್ಮಣರಿಗೆ ದಾನವನ್ನು ನೀಡಲಾಗುತ್ತದೆ.

ಎಂಟನೇ ದಿನ

ಅಷ್ಟಮಿಯಂದು ಮಹಾಗೌರಿಯನ್ನು ಪೂಜಿಸುವ ದಿನವಾಗಿದೆ. ಅಷ್ಟಮಿಯಂದು ಮಹಾಗೌರಿಯನ್ನು ಭಕ್ತರು ಪೂಜಿಸಿದರೆ ಅವರ ಎಲ್ಲಾ ಪಾಪಗಳು ಪರಿಹಾರವಾಗುತ್ತದೆ ಎಂದು ನಂಬಲಾಗಿದೆ. ಈ ದಿನ ದೇವಿಗೆ ನವಿಲಿನ ಗರಿಯ ಹಸಿರು ಬಣ್ಣದ ಸೀರೆಯನ್ನು ಉಡಿಸಲಾಗುತ್ತದೆ. ಈ ದಿನ ನವಿಲು ಗರಿಯ ಹಸಿರು ಬಣ್ಣದ ಬಟ್ಟೆಯನ್ನು ಧರಿಸುವ ಭಕ್ತಾದಿಗಳು ತೆಂಗಿನ ಕಾಯಿಯನ್ನು ಸಮರ್ಪಿಸುತ್ತಾರೆ.

ಒಂಬತ್ತನೇ ದಿನ

ನವಮಿ ಯಾನೆ ನವರಾತ್ರಿಯನ್ನು ದೇವಿಯ ಸಿದ್ಧಿದಾತ್ರಿ ಅವತಾರವನ್ನು ಪೂಜಿಸಲಾಗುತ್ತದೆ. ಈ ಅವತಾರದ ದೇವಿಯನ್ನು ಪೂಜಿಸುವುದರಿಂದ ಭಕ್ತರ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತದೆ ಎಂದು ನಂಬಲಾಗಿದೆ. ಈ ದಿನ ಭಕ್ತರು ನೇರಳೆ ಬಣ್ಣದ ಬಟ್ಟೆಯನ್ನು ಧರಿಸುತ್ತಾರೆ. ದೇವಿಗೆ ಎಳ್ಳನ್ನು ಅರ್ಪಿಸಲಾಗುತ್ತದೆ.