ಕುಂಭ ಮೇಳದ ನಾಗಾ ಸಾಧುಗಳ ಕುರಿತ ಇಂಟರೆಸ್ಟಿಂಗ್ ಕಹಾನಿ

"ನಾಗಾ" ಎ೦ಬುದರ ಅರ್ಥವೇನು?

ಕೆಲವು ಮೂಲಗಳು ಹೇಳುವ ಪ್ರಕಾರ, "ನಾಗಾ" ಎ೦ಬ ಪದದ ಅರ್ಥವು "ನಗ್ನ" ಎ೦ದಾಗಿದೆ. ಈ ಸಾಧುಗಳು ಲೌಕಿಕ ಜಗತ್ತಿನ ಸಮಸ್ತ ವ್ಯವಹಾರಗಳಿ೦ದ ತಮ್ಮನ್ನು ತಾವೇ ಸ೦ಪೂರ್ಣವಾಗಿ ಹೊರಗಿರಿಸಿಕೊ೦ಡಿದ್ದು (ಸರ್ವಸ೦ಗ ಪರಿತ್ಯಾಗಿಗಳು), ಅ೦ತಹ ನಿರ್ಲಿಪ್ತತೆಯನ್ನು ಅವರು ಎಲ್ಲಾ ರೂಪಗಳಲ್ಲಿಯೂ ಅನುಸರಿಸುತ್ತಾರೆ.

ನಾಗಾ ಸಾಧುಗಳ ಸಂಪ್ರದಾಯ ಯಾರಿಗೂ ತಿಳಿದಿಲ್ಲ

ಇತಿಹಾಸದ ಪ್ರಕಾರ ದತ್ತಾತ್ರೇಯ ಎಂಬ ಸಾಧುಗಳಿಂದ ಈ ಸಂಪ್ರದಾಯ ಸ್ಥಾಪನೆಯಾಗಿದ್ದರೂ ಯಾವಾಗಿನಿಂದ ಎಂಬ ಖಚಿತ ಮಾಹಿತಿ ಇಲ್ಲ. ಸಮಯದ ಬಗ್ಗೆ ಕಾಳಜಿ ಇಲ್ಲದಿದ್ದ ಅವಧಿಯಲ್ಲಿಯೇ ಈ ಸಂಪ್ರದಾಯ ಪ್ರಾರಂಭವಾಗಿರಬಹುದು ಎಂದು ಇವರ ದಿನಚರಿಯನ್ನು ಗಮನಿಸಿದ ಇತಿಹಾಸತಜ್ಞರು ಅಭಿಪ್ರಾಯಪಡುತ್ತಾರೆ. ನಾಗಾ ಸಾಧುಗಳನ್ನು ಸನಾತನ ಧರ್ಮದ (ಹಿಂದೂ ಧರ್ಮದ) ರಕ್ಷಕರನ್ನಾಗಿ ಶಂಕರಾಚಾರ್ಯರು ನೇಮಿಸಿದರು ಎಂದೂ ಇತಿಹಾಸ ತಿಳಿಸುತ್ತದೆ.

ನಾಗಾ ಸಾಧುಗಳಿರುವ ಸ್ಥಳವೇ ಅಖಾಡಾ

ಪ್ರತಿ ಪಂಥವೂ ತಮ್ಮದೇ ಪ್ರತ್ಯೇಕ ಸ್ಥಳದಲ್ಲಿದ್ದು ಆ ಸ್ಥಳಕ್ಕೆ ಅಖಾಡಾ ಎನ್ನುತ್ತಾರೆ. ಇದರ ಸದಸ್ಯರು ಎಂದಿಗೂ ಬೌದ್ಧಿಕ ಮತ್ತು ಶಾರೀರಿಕ ಹೋರಾಟಕ್ಕೆ ತಯಾರಿರಬೇಕು.

ನಾಗಾ ಸಾಧುಗಳು ಶಿವನ ಆರಾಧಕರು

ನಾಗಾ ಸಾಧುಗಳು ಸದಾ ಶಿವನನ್ನು ಆರಾಧಿಸುತ್ತಾ ಶಿವನ ಅನುಗ್ರಹ ಪಡೆಯುವುದೇ ತಮ್ಮ ಜೀವನದ ಗುರಿ ಎಂದು ಭಾವಿಸಿರುತ್ತಾರೆ. ಇವರು ಬಹುತೇಕ ನಗ್ನರಾಗಿದ್ದು ಮೈತುಂಬಾ ವಿಭೂತಿ ಬಳಿದಿರುತ್ತಾರೆ. ನಗ್ನದ ಹೃಸ್ವರೂಪ 'ನಗ' ಪದವೇ ನಾಗಾ ಎಂದು ಪರಿವರ್ತಿತವಾಗಿದೆ. ಸಾರ್ವಜನಿಕವಾಗಿ ಅತಿ ಕಡಿಮೆ ಕಾಣಿಸಿಕೊಳ್ಳುವ ಇವರು ಕುಂಭಮೇಳದಲ್ಲಿ ಮಾತ್ರ ಭಾರೀ ಸಂಖ್ಯೆಯಲ್ಲಿ ಆಗಮಿಸುತ್ತಾರೆ. ಇವರು ತಮ್ಮನ್ನು ತಾವು ನಾಗಾ ಬಾಬಾ ಅಥವಾ ಯೋಧ-ಸನ್ಯಾಸಿಯಾಗಿ ಗುರುತಿಸಿಕೊಳ್ಳಲು ಇಷ್ಟಪಡುತ್ತಾರೆ.

ಇವರು ಸಾವಿಗೆ ಹೆದರುವುದಿಲ್ಲ

ತಮ್ಮನ್ನು ತಾವು ಯೋಧರೆನ್ನುವ ಇವರಿಗೆ ಸಾವಿಗೆ ಹೆದರಿಕೆಯೇ ಇಲ್ಲದಿರುವ ಕಾರಣ ಇವರನ್ನು ಕೆಣಕುವುದು ಅಪಾಯಕಾರಿಯಾಗಿದೆ. ಇವರ ಬಣವೂ ಒಂದು ಸೈನ್ಯದಂತೆ ವಿವಿಧ ಹಂತದ ಪಡೆಗಳಿಂದ ಕೂಡಿದೆ. ಇವರಲ್ಲಿ ಹೆಚ್ಚಿನವರ ಬಳಿ ತ್ರಿಶೂಲ, ಖಡ್ಗ, ದೊಣ್ಣೆ, ಶಂಖ ಮೊದಲಾದ ಆಯುಧಗಳು ಮತ್ತು ಸಲಕರಣೆಗಳಿರುತ್ತವೆ. ಹಲವರು ಸಂಗೀತ ಉಪಕರಣಗಳನ್ನಿಟ್ಟುಕೊಂಡಿರುತ್ತಾರೆ. ಯಾವ ಪಡೆ ಏನನ್ನು ಇಟ್ಟುಕೊಳ್ಳುತ್ತಾರೋ ಅದರ ಮೇಲೆ ಅವರ ಜವಾಬ್ದಾರಿಗಳು ಅವಲಂಬಿತವಾಗಿವೆ.

ನಾಗಾ ಸಾಧುಗಳು ಮನೆಗಳಲ್ಲಿ ವಾಸಿಸುತ್ತಾರೆಯೇ?

ಇಲ್ಲ, ಈ ಸಾಧುಗಳು ಯಾವುದೇ ಒ೦ದು ನಿರ್ದಿಷ್ಟವಾದ ಸ್ಥಳದೊ೦ದಿಗೆ ತಳುಕು ಹಾಕಿಕೊಳ್ಳಬಾರದಾದ್ದರಿ೦ದ, ಈ ಸಾಧುಗಳು ಬೇರೆ ಬೇರೆ ಸ್ಥಳಗಳಿಗೆ ಚಲಿಸುತ್ತಲೇ ಇರುತ್ತಾರೆ. ಸಾಮಾನ್ಯವಾಗಿ ಈ ಸಾಧುಗಳು ಯಾವುದೇ ಮನೆಯೊ೦ದನ್ನು ತಮ್ಮದಾಗಿಸಿಕೊ೦ಡಿರದೇ ಅಡ್ಡಾಡುತ್ತಲೇ ಇರುತ್ತಾರೆ.

ನಾಗಾ ಸಾಧುಗಳು ಬಟ್ಟೆಗಳನ್ನೇಕೆ ಧರಿಸುವುದಿಲ್ಲ?

ವಸ್ತ್ರಗಳ ಪರಿತ್ಯಾಗವು ಪ್ರಾಪ೦ಚಿಕ ಭೋಗ ವೈಭೋಗಗಳ ಪರಿತ್ಯಾಗದ ಸ೦ಕೇತವಾಗಿರುತ್ತದೆ. ಉಡುಪುಗಳು ನಮ್ಮನ್ನು ರಕ್ಷಿಸುತ್ತವೆ ಹಾಗೂ ಜೊತೆಗೆ ಅವು ನಮ್ಮ ಪ್ರತಿಷ್ಟೆಯ ಸ೦ಕೇತವೂ ಕೂಡ ಹೌದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ನಾಗಾ ಸಾಧುಗಳು ಬಟ್ಟೆಗಳನ್ನೇಕೆ ಧರಿಸುವುದಿಲ್ಲ?

ಇ೦ತಹ ಬಟ್ಟೆಬರೆಗಳನ್ನು ಪರಿತ್ಯಜಿಸುವುದರ ಮೂಲಕ ಈ ಸಾಧುಗಳು ಜೀವನದ ಅತ್ಯ೦ತ ಮೂಲಭೂತವಾದ ಅವಶ್ಯಕತೆಗಳಲ್ಲಿ ಒ೦ದನ್ನು ಪರಿತ್ಯಜಿಸಿದ೦ತಾಯಿತು. ಲೌಕಿಕ ಜೀವನದ ಪರಿತ್ಯಾಗದ ಸ೦ಕೇತವದು.

ಇವರನ್ನು ತಪ್ಪಾಗಿ ಅರ್ಥೈಸಿಕೊಳ್ಳುವ ವಿದೇಶೀಯರು

ಕುಂಭಮೇಳಕ್ಕೆ ಭೇಟಿ ನೀಡುವ ವಿದೇಶೀಯರಿಗೆ ನಾಗಾ ಸಾಧುಗಳೇ ಅತಿ ಆಕರ್ಷಕವಾಗಿ ಕಂಡುಬರುವ ಕಾರಣ ಇವರ ಚಿತ್ರಗಳನ್ನು ಮತ್ತು ಇವರ ಆಚಾರ ವಿಚಾರಗಳನ್ನು ಅತಿಹೆಚ್ಚಾಗಿ ಚಿತ್ರೀಕರಿಸಿ ತಮ್ಮ ದೇಶಗಳಲ್ಲಿ ಪ್ರಚಾರ ನಡೆಸುವುದರಿಂದ ವಿದೇಶಗಳಲ್ಲಿ ನಾಗಾ ಸಂಸ್ಕೃತಿಯೇ ಭಾರತೀಯ ಸಂಸ್ಕೃತಿ ಎಂದು ತಪ್ಪಾಗಿ ಬಿಂಬಿಸಲಾಗುತ್ತಿದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಇವರನ್ನು ತಪ್ಪಾಗಿ ಅರ್ಥೈಸಿಕೊಳ್ಳುವ ವಿದೇಶೀಯರು

ಆದರೆ ಈ ಬಗ್ಗೆ ನಾಗಾ ಸಾಧುಗಳಿಗೆ ಕಿಂಚಿತ್ತೂ ತಲೆ ಕೆಡಿಸಿಕೊಳ್ಳುವುದಿಲ್ಲ. ಯಾರೇ ಏನೇ ಅಂದರೂ ಅದರ ಬಗ್ಗೆ ಚಿಂತಿಸದೇ ಸದಾ ಶಿವನ ಅನುಗ್ರಹ ಪಡೆಯುವತ್ತಲೇ ತಮ್ಮ ಜೀವಮಾನವನ್ನು ಸವೆಸುತ್ತಾರೆ.