ಮನೆಯ ಅಂದ ಹೆಚ್ಚಿಸಲು ಸೂಕ್ತ ಸಲಹೆ

ಬೇಡದ ವಸ್ತುಗಳನ್ನು ಮನೆಯಿಂದ ಹೊರಹಾಕಿ

ಪ್ರತಿಯೊಂದು ಕೋಣೆಯೊಳಗೆ ಇರುವ ಅರ್ಧದಷ್ಟು ವಸ್ತುಗಳನ್ನು ತೆಗೆದು ಜಾಗ ಮಾಡಿ. ಮನೆ ಸೌಂದರ್ಯ ಹೆಚ್ಚಿಸಲು ಕಡಿಮೆ ಖರ್ಚಿನಲ್ಲಿ ಮಾಡಬಹುದಾದ ಮೊದಲ ಕೆಲಸ ಮನೆಯೊಳಗೆ ಜಾಗವಿರುವಂತೆ ನೋಡಿಕೊಳ್ಳುವುದು.

ಮನೆಯ ಮುಂದಿನ ದ್ವಾರ

ಮನೆ ಮುಂದಿನ ದ್ವಾರ ಮತ್ತು ಮೆಟ್ಟಿಲುಗಳಲ್ಲಿ ಯಾವುದೇ ಬಿರುಕು ಕಾಣಿಸಿಕೊಂಡಿದ್ದರೆ ಅದಕ್ಕೆ ಸಿಮೆಂಟ್ ಹಾಕಿ ಅಥವಾ ಸಣ್ಣ ಇಟ್ಟಿಗೆಗಳನ್ನು ಜೋಡಿಸಿ ಮೆಟ್ಟಿಲು ರಚಿಸಿದರೆ ಅಂದ ಹೆಚ್ಚುತ್ತದೆ. ಒಂದು ವೇಳೆ ಬಿರುಕುಗಳಿದ್ದರೆ ಸಿಮೆಂಟ್‌ನಿಂದ ತುಂಬಿಸಿ ಅದಕ್ಕೆ ಪೈಂಟ್ ಮಾಡಿ.

ಮನೆ ಪ್ರವೇಶದ ಬಾಗಿಲಿಗೆ ಪೈಂಟ್ ಮಾಡಿ

ಬಣ್ಣಕೆಟ್ಟ, ಶಬ್ದಬರುವ ಮನೆಯ ಪ್ರವೇಶದ್ವಾರದ ಬಾಗಿಲನ್ನು ನೋಡಿದರೆ ಯಾರಿಗೂ ಮನೆ ಪ್ರವೇಶಿಸಲು ಮನಸ್ಸು ಬರುವುದಿಲ್ಲ. ಇದಕ್ಕಾಗಿ ಮಾರುಕಟ್ಟೆಯಲ್ಲಿರುವ ಹೊಸ ಬಣ್ಣವನ್ನು ಆಯ್ಕೆ ಮಾಡಿ ಬಾಗಿಲಿಗೆ ಬಳಿಯಿರಿ.

ಅಡುಗೆ ಕೋಣೆ ಸಾಮಗ್ರಿಗಳು

ಮನೆಯಲ್ಲಿ ಅಡುಗೆ ಕೋಣೆಗೆ ತನ್ನದೇ ಆದ ಸ್ಥಾನವಿದೆ. ಅಡುಗೆ ಕೋಣೆಯಲ್ಲಿರುವ ಹಳೆಯ ಮತ್ತು ಉಪಯೋಗಕ್ಕೆ ಬಾರದ ವಸ್ತುಗಳನ್ನು ತೆಗೆದು ಅಲ್ಲಿ ಹೊಸ ವಸ್ತುಗಳನ್ನಿಡಿ. ಇದನ್ನು ಮಾರುಕಟ್ಟೆಯಿಂದಲೇ ಖರೀದಿಸಬೇಕೆಂದಿಲ್ಲ. ಸ್ವಚ್ಛಗೊಳಿಸಿದರೆ ಹಳೆ ವಸ್ತುವಿಗೂ ಹೊಸ ಕಳೆ ಬರುತ್ತದೆ.

ಲೈಟ್‌ಗಳನ್ನು ಬದಲಾಯಿಸಿ

ಹಳೆ ಲೈಟ್‌ಗಳಲ್ಲಿ ಪ್ರಕಾಶ ಕಡಿಮೆ. ಇದಕ್ಕಾಗಿ ಹೊಸದಾಗಿ ಬಂದಿರುವ ಲೈಟ್‌ಗಳನ್ನು ಹಾಕುವುದರಿಂದ ಮನೆಯ ಪ್ರಕಾಶ ಹೆಚ್ಚುತ್ತದೆ. ಕೋಣೆಯ ಮೂರು ಭಾಗದಲ್ಲಿ ತ್ರಿಕೋನಾಕೃತಿಯಲ್ಲಿ ಲೈಟ್ ಗಳನ್ನು ಅಳವಡಿಸಿದರೆ ಉತ್ತಮ.

ಕನ್ನಡಿಗಳನ್ನು ಬದಲಾಯಿಸಿ

ಮನೆಯಲ್ಲಿರುವ ಕನ್ನಡಿಗಳು ಅದರಲ್ಲೂ ಬಾತ್ ರೂಮ್‌ನಲ್ಲಿರುವ ಕನ್ನಡಿಗಳ ಬದಿ ತುಕ್ಕು ಹಿಡಿದಿರುತ್ತದೆ. ಇದಕ್ಕೆ ಬೇರೆ ಫ್ರೇಮ್ ಹಾಕಿಸಿ ಅಥವಾ ಫೈಂಟ್ ಮಾಡಿ. ಪ್ರತೀ ಕೋಣೆಯಲ್ಲಿ ಕನ್ನಡಿಗಳಿರಲಿ.

ಕಾರ್ಪೆಟ್‪ಗಳನ್ನು ಕ್ಲೀನ್ ಮಾಡಿ

ಅಮೋನಿಯಾ, ನೀರು, ವಿನೆಗರ್ ಮತ್ತು ಒಂದು ಕಪ್ ಬ್ಲೀಚ್‌ನ್ನು ಬೆರೆಸಿ ಕಾರ್ಪೆಟ್ ಅನ್ನು ಸ್ವಚ್ಛ ಮಾಡುವುದರಿಂದ ಕಾರ್ಪೆಟ್ ಹೊಸತರಂತೆ ಕಂಗೊಳಿಸುತ್ತದೆ.

ಗೋಡೆಯಲ್ಲಿ ಚಿತ್ರಗಳಿದ್ದರೆ ತೆಗೆಯಿರಿ

ಪ್ರತಿಯೊಬ್ಬರಿಗೆ ಭಿನ್ನ ರುಚಿಯಿರುತ್ತದೆ. ಇದರಿಂದ ಮನೆ ಶೃಂಗಾರಗೊಳಿಸುವಾಗ ಕೆಲವು ಅಂಶ ಗಮನಿಸಬೇಕಾಗುತ್ತದೆ. ಗೋಡೆ ಮೇಲಿನ ಚಿತ್ರಗಳು ಅಭಿರುಚಿಗೆ ತಕ್ಕಂತೆ ಇರುತ್ತದೆ. ಇದು ಎಲ್ಲರಿಗೂ ಇಷ್ಟವಾಗಲ್ಲ. ಇದಕ್ಕೆ ಗೋಡೆಯಲ್ಲಿರುವ ಚಿತ್ರಗಳನ್ನು ತೆಗೆದು ಯಾವುದಾದರೊಂದು ಒಳ್ಳೆಯ ಬಣ್ಣ ಬಳಿಯಿರಿ.

ಫರ್ನಿಚರ್ ಮತ್ತು ನೆಲಕ್ಕೆ ಪಾಲಿಶ್

ನೆಲ, ಬೇಸ್ ಬೋರ್ಡ್ ಮತ್ತು ಫರ್ನಿಚರ್‪ಗಳಿಗೆ ಪಾಲಿಶ್ ಮಾಡಿ. ಶುಚಿತ್ವವೆಂದರೆ ದೇವರಿದ್ದಂತೆ ಎನ್ನುವ ಮಾತಿದೆ. ಇದನ್ನು ಪಾಲಿಸಿ.

ಮನೆಯ ಪೀಠೋಪಕರಣಗಳಿಗೆ ಆಲಿವ್ ಎಣ್ಣೆ ಹಚ್ಚಿ

ಆಲಿವ್ ಎಣ್ಣೆ ಮರದ ಪೀಠೋಪಕರಣಗಳನ್ನು ಹೊಳೆಯುವಂತೆ ಮಾಡಲು ಅತ್ಯುತ್ತಮವಾದ ವಸ್ತು. ಮರದ ಪೀಠೋಪಕರಣದ ಮೇಲೆ ಸ್ವಲ್ಪ ಆಲಿವ್ ಎಣ್ಣೆ ಸಿಂಪಡಿಸಿ ಮತ್ತು ಅಷ್ಟೇ ಪ್ರಮಾಣದ ತೈಲವನ್ನು ಫರ್ನಿಚರ್ ಮೇಲೆ ಹಚ್ಚಿ. ಪೀಠೋಪಕರಣಗಳಲ್ಲಿ ಇರುವ ಕೆತ್ತನೆಯ ಭಾಗಗಳ ಬಗ್ಗೆ ಎಚ್ಚರಿಕೆ ವಹಿಸಿ.

ಹೂದೋಟಕ್ಕೆ ಆದ್ಯತೆ ನೀಡಿ

ಮನೆಯ ಕಂಪೌಂಡಿನೊಳಗೆ ಪ್ರವೇಶಿಸುವಾಗ ಮೊದಲು ಕಾಣಿಸುವುದು ಹೂದೋಟ. ದಟ್ಟವಾಗಿ ಬೆಳೆದಿರುವ ಗಿಡಗಳನ್ನು ಕತ್ತರಿಸಿ. ಗಿಡಗಳಿಲ್ಲದೆ ಹೂಕುಂಡಗಳಿಗೆ ಬೀಜ ಹಾಕಿ ಗಿಡಗಳನ್ನು ಬೆಳೆಸಿ. ಪ್ರತೀ ವಾರ ಹೂದೋಟದಲ್ಲಿರುವ ಹುಲ್ಲುಗಳನ್ನು ಕತ್ತರಿಸಿ ಟ್ರಿಮ್ ಮಾಡಿ.