ಚಳಿಗಾಲದಲ್ಲಿ ನಿಮ್ಮ ಕೈ, ಕಾಲು ಊದಿಕೊಳ್ಳುತ್ತೆ ಏಕೆ..? ಕಾರಣ, ಪರಿಹಾರ ಇಲ್ಲಿದೆ ನೋಡಿ..!

ಚಳಿಗಾಲ ಬಂತೆಂದರೆ ಸಾಕು ನಾನಾ ರೀತಿಯ ಆರೋಗ್ಯ ಸಮಸ್ಯೆಗಳು ಕಾಡತೊಡಗುತ್ತವೆ. ಈ ಸಮಯದಲ್ಲಿ ಹಲವರಲ್ಲಿ ಕೆಮ್ಮು, ನೆಗಡಿ, ತಲೆನೋವು ಹೀಗೆ ಹತ್ತಾರು ರೀತಿಯ ಸಮಸ್ಯೆ ಕಂಡುಬರುತ್ತದೆ. ಇದನ್ನು ಹೊರತುಪಡಿಸಿ ಉಳಿದಂತೆ ಕೀಲು, ಸಂದಿ ನೋವು ಹೀಗೆ ನಾನಾ ಸಮಸ್ಯೆಗಳಿಗೆ ಹಿರಿಯರು ಒಳಗಾಗುತ್ತಾರೆ. ಆದರೆ ಚಳಿಗಾಲದಲ್ಲಿ ಕೆಲವರ ಕಾಲುಗಳು, ಕೈಗಳು ಊದಿಕೊಳ್ಳುತ್ತವೆ ಏಕೆ ಗೊತ್ತಾ?

ಹೌದು ಚಳಿಗಾಲದಲ್ಲಿ ಕೆಲವರ ಕಾಲು, ಕೈಗಳು ಓದಿಕೊಂಡಿರುತ್ತವೆ. ಅವರಿಗೆ ಬೆಳಗ್ಗೆ ಏಳುವಾಗ ಕೈ ಕಾಲುಗಳು ಊದಿಕೊಂಡಿರುತ್ತವೆ. ಆದರೆ ಬಿಸಿಲಿಗೆ ಅವರು ಹೊರಬಂದಂತೆ ಊದಿಕೊಂಡಿರುವುದು ಸ್ಪಲ್ಪ ಕಡಿಮೆಯಾದಂತೆ ಕಂಡುಬರುತ್ತದೆ. ಮತ್ತೆ ಯಥಾ ಪ್ರಕಾರ ಸಂಜೆ ವೇಳೆ ಮತ್ತೆ ಊದಿಕೊಳ್ಳುತ್ತವೆ. ಹಾಗಾದರೆ ಈ ರೀತಿ ಕಾಲುಗಳು ಇದ್ದಕ್ಕಿದ್ದಂತೆ ಊದಿಕೊಳ್ಳಲು ಕಾರಣವೇನು? ಇದಕ್ಕೆ ಪರಿಹಾರವೇನು ಎಂಬೆಲ್ಲಾ ಕುರಿತು ಇಲ್ಲಿ ತಿಳಿದುಕೊಳ್ಳೋಣ.

ಚಳಿಗಾಲದಲ್ಲಿ ತಂಪಾದ ವಾತಾವರಣವು ಶೀತ ಗುಳ್ಳೆಗಳನ್ನು ಉಂಟುಮಾಡುತ್ತದೆ. ಇದು ನಮ್ಮ ರಕ್ತನಾಳಗಳ ಮೇಲೆ ಪರಿಣಾಮ ಬೀರುತ್ತದೆ. ಇದು ಚರ್ಮದ ಮೇಲೆ ಕೆಂಪು ಅಥವಾ ನೀಲಿ ತುರಿಕೆಗೆ ಕಾರಣವಾಗುತ್ತದೆ, ಮುಖ್ಯವಾಗಿ ಕೈಗಳು, ಕಾಲ್ಬೆರಳುಗಳು, ಕಿವಿ ಮತ್ತು ಮೂಗಿನ ಮೇಲೆ ಇದರ ಪರಿಣಾಮ ಹೆಚ್ಚಾಗಿರುತ್ತದೆ.

ಚಳಿಗಾಲದ ಗುಳ್ಳೆಗಳ ಲಕ್ಷಣಗಳು

ಊತ: ಚಳಿಗಾಳದಲ್ಲಿ ಕೈ,ಕಾಲುಗಳು ಊದಿಕೊಳ್ಳಲು ಈ ಗುಳ್ಳೆಗಳು ಕಾರಣವಾಗುತ್ತವೆ. ಇದು ರಕ್ತನಾಳಗಳಲ್ಲಿ ಸರಾಗ ರಕ್ತ ಸಂಚಾರಕ್ಕೆ ಅಡ್ಡಿಯಾಗುವುದರಿಂದ ಕೈ ಕಾಲು ಗಳು ಊದಿಕೊಳ್ಳಲು ಕಾರಣವಾಗಿದೆ. ಜೊತೆಗೆ ಗುಳ್ಳೆಗಳು ಆಗಿರುವ ಸ್ಥಳವು ಸ್ಪರ್ಶ ಜ್ಞಾನ ಕಳೆದುಕೊಳ್ಳುವ ಸಾಧ್ಯತೆ ಇರುತ್ತದೆ.

ಚರ್ಮದ ಬಣ್ಣ: ಈ ಗುಳ್ಳೆಗಳು ಬಾಧಿತ ಪ್ರದೇಶಗಳು ಕೆಂಪು ಅಥವಾ ನೀಲಿ ಬಣ್ಣಕ್ಕೆ ತಿರುಗುತ್ತವೆ. ಚರ್ಮದ ಉರಿಯೂತದಿಂದಾಗಿ ಚರ್ಮದ ಬಣ್ಣ ಬದಲಾಗುತ್ತದೆ. ಜೊತೆಗೆ ರಕ್ತನಾಳಗಳು ಎಂದಿಗಿಂತ ಹೆಚ್ಚು ಕೆಂಪಾಗಿ ಕಾಣಿಸುತ್ತದೆ.

ತುರಿಕೆ ಮತ್ತು ಕಿರಿಕಿರಿ: ಚಳಿಗಾಲದ ಗುಳ್ಳೆಗಳು ತೀವ್ರವಾದ ತುರಿಕೆ ಮತ್ತು ಕಿರಿಕಿರಿಯನ್ನು ಉಂಟುಮಾಡಬಹುದು. ಇದರಿಂದ ದೈನಂದಿನ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ತೊಂದರೆಯಾಗುತ್ತದೆ.

ಗುಳ್ಳೆ ಅಥವಾ ಹುಣ್ಣು: ತೀವ್ರವಾಗಿ ಬಾಧಿತವಾಗಿದ್ದರೆ ಅಥವಾ ಶೀತ ಹವಾಮಾನಕ್ಕೆ ನಿರಂತರವಾಗಿ ಒಡ್ಡಿಕೊಂಡರೆ ಗುಳ್ಳೆ ಅಥವಾ ಹುಣ್ಣು ಬೆಳೆಯಬಹುದು. ಇದು ನೋವನ್ನು ಉಂಟುಮಾಡುತ್ತದೆ ಮತ್ತು ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ.

ಮುಂಜಾಗ್ರತಾ ಕ್ರಮಗಳು

ರಕ್ಷಣೆ: ಚಳಿಗಾಲದಲ್ಲಿ ಸಾಕಷ್ಟು ಬಟ್ಟೆಗಳನ್ನು ಧರಿಸಿ ದೇಹವನ್ನು ಬೆಚ್ಚಗಿಡಿ. ಕೈ, ಕಾಲು, ಕಿವಿ ಮತ್ತು ಮೂಗಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಬೇಕು. ಸಾಕ್ಸ್, ಕೈಗವಸು, ಟೋಪಿ ಮತ್ತು ಸ್ವೆಟರ್ ಧರಿಸಿ ಹೊರಗೆ ಹೋಗಿ.

ಹಠಾತ್ ತಾಪಮಾನ ಬದಲಾವಣೆಯನ್ನು ತಪ್ಪಿಸಿ: ದೇಹದ ಭಾಗಗಳನ್ನು ಸ್ವಲ್ಪಮಟ್ಟಿಗೆ ಬೆಚ್ಚಗಾಗಿಸಿ. ಆಗ ಮಾತ್ರ ಅದು ರಕ್ತನಾಳಗಳ ಸಂಕೋಚನವನ್ನು ತಡೆಯುತ್ತದೆ ಮತ್ತು ಶೀತ ಹುಣ್ಣುಗಳನ್ನು ತಡೆಯುತ್ತದೆ.

ಗಾಳಿಯಾಡದ ಕೋಣೆ: ನಿಮ್ಮ ಮನೆ, ಕೆಲಸದ ಸ್ಥಳ ಇತ್ಯಾದಿಗಳು ಗಾಳಿಯಾಡದಂತೆ ನೋಡಿಕೊಳ್ಳಿ. ಚಳಿಗಾಲದಲ್ಲಿ ಕೋಣೆಯೊಳಗೆ ಸರಿಯಾದ ತಾಪಮಾನವನ್ನು ನಿರ್ವಹಿಸಲು ಹೀಟರ್ ಅನ್ನು ಬಳಸಬಹುದು.

ಶೀತ ಮತ್ತು ತೇವವನ್ನು ತಪ್ಪಿಸಿ: ತೇವ ಮತ್ತು ತಂಪಾದ ಸ್ಥಳಗಳಲ್ಲಿ ಹೆಚ್ಚು ಸಮಯ ಕಳೆಯಬೇಡಿ. ತಂಪು ಪ್ರದೇಶದಲ್ಲಿ ವಿಶ್ರಾಂತಿ ಪಡೆಯುವ ಬದಲು ಬೆಡ್ ಮೇಲೆ ಮಲಗುವುದು ಉತ್ತಮ.

ಪಾದಗಳು ನೆಲಕ್ಕೆ ತಾಕದಂತೆ ನೋಡಿಕೊಳ್ಳಿ: ನಿಮ್ಮ ಪಾದಗಳನ್ನು ನಿಯಮಿತವಾಗಿ ಬೆಚ್ಚಗೆ ಮಾಡಿಕೊಳ್ಳಿ. ಹೊರಗೆ ಹೋಗುವಾಗ ಬೂಟುಗಳನ್ನು ಧರಿಸಿ. ಒಣ ಪಾದಗಳನ್ನು ತಡೆಗಟ್ಟಲು ನಿಯಮಿತವಾಗಿ ಮಾಯಿಶ್ಚರೈಸರ್ ಅನ್ನು ಅನ್ವಯಿಸಿ. ಇದು ಚಳಿಗಾಲದಲ್ಲಿ ಗುಳ್ಳೆಗಳನ್ನು ತಡೆಯುತ್ತದೆ. ಜೊತೆಗೆ ಮನೆಯೊಳಗೆ ಓಡಾಡುವಾಗಲೂ ಚಪ್ಪಲಿಯನ್ನು ಧರಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.