ಧೂಮಪಾನಿ ಹಾಗೂ ಹೆಚ್ ಐ ವಿ ಪೀಡಿತರಿಗೆ ಶ್ವಾಸಕೋಶದ ಕ್ಯಾನ್ಸರ್‌ನ ಅಪಾಯ ಹೆಚ್ಚು!

ಧೂಮಪಾನ ಮಾಡಬೇಡಿ

ಶ್ವಾಸಕೋಶದ ಕ್ಯಾನ್ಸರ್‌ಗೆ ಧೂಮಪಾನವೇ ಮೂಲ. 80% ರಿಂದ 90 % ರಷ್ಟು ಕ್ಯಾನ್ಸರ್ ಗಳು ಧೂಮಪಾನದಿಂದಲೇ ಆಗಮಿಸುತ್ತವೆ. ಉಳಿದ ಹತ್ತು ಶೇಖಡಾದಲ್ಲಿ ಒಂಬತ್ತರಷ್ಟು ಶೇಖಡಾ ಪರೋಕ್ಷ ಧೂಮಪಾನ, ಅಂದರೆ ಧೂಮಪಾನಿಗಳು ಬಿಟ್ಟ ಹೊಗೆಯನ್ನು ಅನಿವಾರ್ಯವಾಗಿ ಸೇವಿಸುವವರಲ್ಲಿ ಕಂಡುಬರುತ್ತದೆ. ಒಂದು ಶೇಖಡಾ ಮಾತ್ರ ಇತರ ಕಾರಣದಿಂದ ಆವರಿಸಬಹುದು. ಆದ್ದರಿಂದ ಧೂಮಪಾನದ ಮೂಲಕ ಏನೋ ಸಾಧನೆ ಮಾಡಿದ ತೋರಿಕೆಯ ಬೂಟಾಟಿಕೆಯನ್ನು ಬಿಟ್ಟು ಧೂಮಪಾನರಹಿತ ಜೀವನದ ಮೂಲಕ ಈ ಕ್ಯಾನ್ಸರ್ ಗೆ ಒಳಗಾಗುವ ಸಾಧ್ಯತೆಯನ್ನು ಅತಿ ಕಡಿಮೆಯಾಗಿಸಬಹುದು.

ನಿಮ್ಮ ಮನೆಯಲ್ಲಿ ರೇಡಾನ್ ಇದೆಯೇ ಪರೀಕ್ಷಿಸಿ

ರೇಡಾನ್ ಎಂದರೆ ಪರಮಾಣು ಸಂಖ್ಯೆ 86 ಉಳ್ಳ ವಿಕಿರಣಶೀಲ ಅನಿಲ ಧಾತುವಾಗಿದ್ದು ಅಲ್ಪ ಪ್ರಮಾಣದಲ್ಲಿ ವಿಕಿರಣವನ್ನು ಸೂಸುತ್ತದೆ. ಈ ವಿಕಿರಣಕ್ಕೆ ಒಳಗಾದ ವ್ಯಕ್ತಿಗಳಿಗೂ ಕ್ಯಾನ್ಸರ್ ಆವರಿಸುವ ಸಾಧ್ಯತೆ ಹೆಚ್ಚು. ಭೂಮಿಯಲ್ಲಿ ಒಂದು ವೇಳೆ ಯುರೇನಿಯಂ ನ ಅಂಶವಿದ್ದರೆ ಇದು ಒಡೆದು ಕಣ್ಣಿಗೆ ಕಾಣದ ಹೊಗೆಯ ರೂಪದಲ್ಲಿ ಮನೆಯಲ್ಲಿ ಆವರಿಸಬಹುದು. ಒಂದು ವೇಳೆ ನಿಮ್ಮ ಮನೆಯ ನೆಲ ಆಗಾಗ ಬಿರುಕು ಬಿಡುತ್ತಿದ್ದರೆ ಈ ಸಾಧ್ಯತೆ ಹೆಚ್ಚು. ಇದನ್ನು ಪತ್ತೆಹಚ್ಚಲು ರೇಡಾನ್ ಉಪಕರಣ ಲಭ್ಯವಿದೆ. ಒಂದು ವೇಳೆ ಹೌದು ಎಂದಾದರೆ ನಿಮ್ಮ ಮನೆಯಲ್ಲಿ ಮಾತ್ರವಲ್ಲ, ಇಡಿಯ ಪ್ರದೇಶದ ಜನತೆಗೇ ಅಪಾಯವಿದೆ.

ಕೆಲಸದ ಸ್ಥಳದಲ್ಲಿ ಜಾಗರೂಕರಾಗಿರಿ

ಒಂದು ಸಮೀಕ್ಷೆಯಲ್ಲಿ ಕಂಡುಕೊಂಡಂತೆ 29%ರಷ್ಟು ಶ್ವಾಸಕೋಶದ ಕ್ಯಾನ್ಸರ್ ಪ್ರಕರಣಗಳು ಕೆಲಸದ ಸ್ಥಳದಲ್ಲಿ ಕ್ಯಾನ್ಸರ್ ಉಂಟುಮಾಡುವ ಕಣಗಳಿರುವ ಕಾರಣ ಎದುರಾಗಿರುತ್ತದೆ. ಆದ್ದರಿಂದ ನಿಮ್ಮ ಕೆಲಸದ ಸ್ಥಳದಲ್ಲಿ ವಾಯು ಮಲಿನಗೊಂಡಿದ್ದರೆ ಸಾಕಶ್ಟು ಎಚ್ಚರಿಕೆ ವಹಿಸುವ ಮೂಲಕ ಗಂಡಾಂತರದಿಂದ ಪಾರಾಗಬಹುದು.

ಮನೆಯಲ್ಲಿಯೂ ಜಾಗರೂಕರಾಗಿರಿ

ವಿವಿಧ ಹಣ್ಣು ತರಕಾರಿಗಳನ್ನು ಸೇವಿಸಿ

ಹಸಿಯಾಗಿ ತಿನ್ನಬಹುದಾದ ತರಕಾರಿ ಹಾಗೂ ಹಣ್ಣುಗಳು ದೇಹಕ್ಕೆ ಹಲವು ವಿಧದ ರಕ್ಷಣೆ ಒದಗಿಸುತ್ತವೆ. ಇದರಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಸಹಾ ಸೇರಿದೆ. ವಿಶೇಷವಾಗಿ ವಿವಿಧ ಬಣ್ಣಗಳ ಹಣ್ಣುಗಳನ್ನು ಸೇವಿಸಬೇಕು. ಪ್ರತಿ ಹಣ್ಣು ತರಕಾರಿಯಲ್ಲೂ ತನ್ನದೇ ಆದ ವಿಶೇಷ ಪೋಷಕಾಂಶಗಳಿದ್ದು ದೇಹಕ್ಕೆ ರಕ್ಷಣೆ ಒದಗಿಸುತ್ತವೆ. ಅದರಲ್ಲೂ ಹೆಚ್ಚಿನವರು ಇಷ್ಟಪಡದ ಹಸಿರು ಸೊಪ್ಪುಗಳಾದ ಬಸಲೆ, ಪಾಲಕ್,ಬ್ರೋಕೋಲಿ ಮೊದಲಾದವು, ಬಿಳಿ ಈರುಳ್ಳಿ, ಕೆಂಪು ಸೇಬು ಟೊಮೆಟೊ ಮೊದಲಾದವುಗಳನ್ನು ಹಸಿಯಾಗಿಯೇ ಸೇವಿಸಬೇಕು.