ಹಲ್ಲಿನ ಯಾವುದೇ ಸಮಸ್ಯೆಗೆ-ಒಂದು ಕಪ್ 'ಗ್ರೀನ್ ಟೀ' ಪರ್ಫೆಕ್ಟ್ ಮದ್ದು!

ಹಲ್ಲುಗಳಲ್ಲಿ ಬಿಳಿಯ ಪದರಗಳ ಸಮಸ್ಯೆಗೆ

ಹಲ್ಲುಗಳಲ್ಲಿ ಬಿಳಿಯ ಪದರಗಳು ನಿರ್ಮಾಣವಾಗುವುದು. ಇದರಲ್ಲಿ ಸೂಕ್ಷ್ಮಾಣು ಜೀವಿಗಳು ಸಂತಾನೋತ್ಪತ್ತಿ ಮಾಡುವುದರಿಂದ ಹಲ್ಲುಗಳು ಕೆಡುವುದು. ಗ್ರೀನ್ ಟೀಯಲ್ಲಿ ಎಪಿಗಲ್ಲೊಕೆಟೆಚಿನ್ ಗಾಲೇಟ್ ಎನ್ನುವ ಅಂಶವಿದೆ. ಇದು ದಂತಕುಳಿ ನಿರ್ಮಾಣ ಮಾಡುವ ಬ್ಯಾಕ್ಟೀರಿಯಾಗಳ ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡುವುದು.

ದಂತ ಕುಳಿ ತಡೆಯುವುದು

ಪ್ರತೀ ಸಲ ನಾವು ಏನಾದರೂ ಆಹಾರ ತಿಂದಾಗ ಸ್ವಲ್ಪ ಪ್ರಮಾಣವು ಹಲ್ಲುಗಳಲ್ಲಿ ಹೋಗಿ ಜಮೆಯಾಗುವುದು. ಇದರಿಂದಾಗಿ ಬ್ಯಾಕ್ಟೀರಿಯಾ ಉತ್ಪತ್ತಿಯಾಗಿ ದಂತಕುಳಿ ಉಂಟಾಗುವುದು. ಗ್ರೀನ್ ಟೀಯು ಜೊಲ್ಲುರಸದ ಆಮ್ಲೀಯತೆಯನ್ನು ಕಡಿಮೆ ಮಾಡಿ ಬ್ಯಾಕ್ಟೀರಿಯಾ ಬೆಳೆಯದಂತೆ ತಡೆಯುವುದು.

ಉಸಿರಿನ ವಾಸನೆ ತಡೆಯುವುದು

ಹಲ್ಲುಗಳ ಸಮಸ್ಯೆಯಿಂದ ಬಳಲುತ್ತಾ ಇರುವವರಿಗೆ ಉಸಿರಿನ ವಾಸನೆ ಸಾಮಾನ್ಯವಾಗಿದೆ. ಹಲ್ಲುಜ್ಜುವ ಬ್ರಷ್ ಹೋಗದೆ ಇರುವಂತಹ ಗಂಟಲಿನ ಹಿಂಭಾಗದಲ್ಲಿ ಬ್ಯಾಕ್ಟೀರಿಯಾ ಬೆಳೆಯುವುದು. ಇದರಿಂದ ಉಸಿರಿನಲ್ಲಿ ಕೆಟ್ಟ ವಾಸನೆ ಬರುವುದು.

ಉಸಿರಿನ ವಾಸನೆ ತಡೆಯುವುದು

ಗ್ರೀನ್ ಟೀಯಲ್ಲಿ ಕಂಡುಬರುವ ಪಾಲಿಫಿನಾಲ್ ಗಳು ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ಶೇ.30ರಷ್ಟು ಕಡಿಮೆ ಮಾಡುವುದು ಮತ್ತು ಉಸಿರಿನ ವಾಸನೆ ತಡೆಯುವುದು. ಗ್ರೀನ್ ಟೀಯು ಬ್ಯಾಕ್ಟೀರಿಯಾವನ್ನು ಕೊಂದು ಹಾಕುವುದರಿಂದ ದಿನವಿಡಿ ನಿಮ್ಮಲ್ಲಿ ತಾಜಾ ಉಸಿರು ಉಳಿಯುವುದು.

ಒಸಡಿನ ಕಾಯಿಲೆ ತಡೆಯುವುದು

ಒಸಡಿನಲ್ಲಿ ಹಾಗೂ ಹಲ್ಲುಗಳಿಗೆ ಬೆಂಬಲಾಗಿರುವಂತಹ ಮೂಳೆಗಳಲ್ಲಿ ತೀವ್ರ ಉರಿಯೂತವು ಕಾಣಿಸಿಕೊಳ್ಳುವ ಕಾರಣದಿಂದಾಗಿ ಒಸಡಿನಲ್ಲಿ ಸಮಸ್ಯೆ ಉಂಟಾಗುವುದು. ಲಿಪೊ ಪಾಲಿಸ್ಯಾಕರೈಡ್‌ಗಳ ಮೂಲಕ ಸಬ್ಜಿಜಿವಲ್ ಬ್ಯಾಕ್ಟೀರಿಯಾಗಳು ಪಾರ್ಶ್ವಾಂತರದ ವಿನಾಶಕ್ಕೆ ಕಾರಣವಾಗುವುದು. ಇದರಲ್ಲಿ ಒಂದು ಭಾಗವು ಪ್ರತಿರೋಧಕ ವ್ಯವಸ್ಥೆಯಿಂದ ಉತ್ಪತ್ತಿಯಾಗುವ ಫ್ರೀ ರ್ಯಾಡಿಕಲ್ ಗಳಿಗೆ ಕಾರಣವಾಗುವುದು.

ಒಸಡಿನ ಕಾಯಿಲೆ ತಡೆಯುವುದು

ಗ್ರೀನ್ ಟೀಯ ಹೆಚ್ಚಿನ ಲಾಭ ಪಡೆಯಬೇಕಾದರೆ ದಿನದಲ್ಲಿ ಐದು ಕಪ್ ಟೀ ಕುಡಿಯಬೇಕು. ಇದಕ್ಕೆ ಸಿಹಿ ಹಾಕಬಾರದು. ಗ್ರೀನ್ ಟೀ ಕುಡಿಯಲು ಹಿಂಜರಿಕೆ ಇರುವವರು ಗ್ರೀನ್ ಟೀ ಹೊಂದಿರುವ ಟೂಥ್ ಪೇಸ್ಟ್, ಮೌಥ್ ವಾಶ್, ಚೂಯಿಂಗ್ ಗಮ್ ಇತ್ಯಾದಿ ಬಳಸಬಹುದು.