ದಿನನಿತ್ಯ ಡಯಟ್‌ನಲ್ಲಿ, ಈ ಆಹಾರಗಳನ್ನೂ ಸೇರಿಸಿಕೊಳ್ಳಿ

Wellness

oi-Staff

By CM.Prasad

Updated: Sunday, January 17, 2016, 12:07 [IST]

ಪ್ರಸ್ತುತ ಯುಗದಲ್ಲಿ ಅನೇಕ ರೀತಿಯ ವಿವಿಧ ಶೈಲಿಯ ಆಹಾರಗಳು ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಅವುಗಳ ಪೌಷ್ಠಿಕಾಂಶಗಳ ಬಗ್ಗೆ ಹೆಚ್ಚು ಚಿಂತಿಸದೇ ಕೇವಲ ರುಚಿಗೆ ಜನರು ಮಾರುಹೋಗುತ್ತಿದ್ದಾರೆ. ನಾವು ಈ ಹಿಂದೆ ಹೇಳಿದಹಾಗೆ, ನಮ್ಮ ಬಾಯಿಗೆ ಹೆಚ್ಚು ರುಚಿಯಾಗಿರುವುದು ದೇಹಕ್ಕೆ ಹೆಚ್ಚು ಕಹಿ. ನೀವು ಆಹಾರ ಪದಾರ್ಥಗಳನ್ನು ಸೇವಿಸುವ ಮುನ್ನ ಅದರ ಪೌಷ್ಠಿಕಾಂಶಗಳ ಬಗ್ಗೆ ಮತ್ತು ಅದರಿಂದ ನಿಮಗೆ ಉಪಯುಕ್ತವಾಗುವ ಅಂಶಗಳ ಬಗ್ಗೆ ಮೊದಲು ಗಮನಹರಿಸಿ.

ನಿಮಗೆ ಆರೋಗ್ಯವಾದ ಮತ್ತು ಸದೃಢವಾದ ದೇಹ ಇದ್ದಲ್ಲಿ, ನೀವು ಸೇವಿಸುವ ಪ್ರತಿಯೊಂದು ತುತ್ತಿನ ಆಹಾರವೂ ಲೆಕ್ಕಕ್ಕೆ ತೆಗೆದುಕೊಳ್ಳಬೇಕಾಗುತ್ತದೆ. ಆಹಾರ ತಜ್ಞರು ಸಲಹೆ ನೀಡಿರುವ ಕೆಳಕಂಡ ಸೂಪರ್ ಫುಡ್ಸ್ ಅನ್ನು ನಿಮ್ಮ ಆಹಾರ ಪದ್ಧತಿಯಲ್ಲಿ ಅಳವಡಿಸಿಕೊಂಡರೆ, ಇದರಲ್ಲಿರುವ ಪೌಷ್ಠಿಕಾಂಶ ಸತ್ವಗಳು ನಿಜಕ್ಕೂ ನಿಮ್ಮ ಆರೋಗ್ಯವನ್ನು ಹೆಚ್ಚು ಕಾಪಾಡುತ್ತದೆ. ಮುಂದೆ ಓದಿ..

ನೆಲ್ಲಿಕಾಯಿ

ಆಮ್ಲ ಅಥವಾ ನೆಲ್ಲಿಕಾಯಿಯಲ್ಲಿ ವಿಟಮಿನ್ ಸಿ ಸತ್ವವು ಯಥೇಚ್ಛವಾಗಿದ್ದು, ಇದು ತಾರುಣ್ಯವನ್ನು ಕಾಪಾಡುವಲ್ಲದೆ ಇದರಲ್ಲಿರುವ ರೋಗನಿರೋಧಕ ಶಕ್ತಿಯಿಂದ ನಿಮ್ಮ ದೇಹವನ್ನು ಸದಾ ಆರೋಗ್ಯದಲ್ಲಿಡುವಂತೆ ನೋಡಿಕೊಳ್ಳುತ್ತದೆ. ಸಂಧಿವಾತದಿಂದ ಉಂಟಾಗುವ ಕೀಲು ನೋವುಗಳನ್ನು ಶಮನಮಾಡಲು ಇದೊಂದು ಉರಿಯೂತ ನಿವಾರಕವಾಗಿದೆ. ಅಪ್ಪಟ ಜೇನಿನಲ್ಲಿ ನೆನೆಸಿಟ್ಟ ನೆಲ್ಲಿಕಾಯಿ, ಆರೋಗ್ಯದ ಕೀಲಿಕೈ

ಹುಣಸೆಹಣ್ಣು

ಹುಣಸೆಹಣ್ಣಿನಲ್ಲಿ ಜೀರ್ಣಕ್ರಿಯೆಗೆ ನೆರವಾಗುವ ನಾರಿನ ಅಂಶವು ಇದ್ದು, ಕರಗುವ ಸತ್ವಗಳು, ಖನಿಜ ಸತ್ವಗಳು ಮತ್ತು ವಿಟಮಿನ್ ಗಳು ಹೇರಳವಾಗಿದೆ. ಇದರಲ್ಲಿರುವ ಟಾರ್ಟಾರಿಕ್ ಆಮ್ಲವು ದೇಹದ ಉತ್ಕರ್ಷಣವನ್ನು ನಿವಾರಿಸಿ ದೇಹದಲ್ಲಿನ ಹಾನಿಕಾರಿಕ ಅಂಶಗಳನ್ನು ಹೊರಹಾಕುತ್ತದೆ. ಇದು ನಿಮ್ಮ ರಕ್ತದೊತ್ತಡ ಮತ್ತು ಬೊಜ್ಜನ್ನು ಸಮತೋಲನದಲ್ಲಿಡಲು ಸಹ ನೆರವಾಗುತ್ತದೆ. ಹುಣಸೆ ಹಣ್ಣು: ಕೊಂಚ ಹುಳಿ, ದುಪ್ಪಟ್ಟು ಸಿಹಿ..!

ಇಂಡಿಯನ್ ಪೆನ್ನಿವರ್ಟ್
ಇಂಡಿಯನ್ ಪೆನ್ನಿವರ್ಟ್ ಅಥವಾ ಬ್ರಾಹ್ಮಿ ಎಂಬುದರಲ್ಲಿ ಉತ್ಕರ್ಷಣ ನಿರೋಧಕ ಸತ್ವ, ಉರಿಯೂತ ನಿವಾರಕ ಮತ್ತು ರೋಗ ನಿರೋಧಕ ಶಕ್ತಿಯನು ಹೆಚ್ಚಿಸುವ ಮತ್ತು ಜ್ಞಾಪಕಶಕ್ತಿಯನ್ನು ಹೆಚ್ಚಿಸುವ ವಿಶಿಷ್ಟ ಗುಣವು ಇದರಲ್ಲಿದೆ. ಇದು ನಿದ್ರಾಹೀನತೆಯನ್ನು ನಿವಾರಿಸಿ, ಕೂದಲುದುರುವುದನ್ನು ಮತ್ತು ಅಧಿಕ ರಕ್ತದೊತ್ತಡವನ್ನು ನಿವಾರಿಸುತ್ತದೆ. ಈ ನೈಸರ್ಗಿಕ ಮೂಲಿಕೆಯು ನಿಮ್ಮ ಕರುಳುಗಳಲ್ಲಿರುವ ಹಾನಿಕಾರಕ ಜಂತುಗಳನ್ನು ಸಹ ಹೊರಹಾಕುತ್ತದೆ.

ಹೆಸರುಕಾಳು

ಹೆಸರುಕಾಳು ಅಥವಾ ಹೆಸರುಕಾಳಿನ ದಾಲ್ ನಲ್ಲಿ ಪ್ರೊಟೀನ್ ಮತ್ತು ಜೀರ್ಣವಾಗುವ ನಾರಿನ ಅಂಶ ಹೇರಳವಾಗಿದೆ. ಇದರಲ್ಲಿ ಮೆಗ್ನೀಷಿಯಂ ಮತ್ತು ವಿಟಮಿನ್ ಬಿ1 ಸತ್ವವು ಹೇರಳವಾಗಿದ್ದು, ನಿಮ್ಮ ನರಗಳ ವ್ಯವಸ್ಥೆಯನ್ನು ಸದೃಢಗೊಳಿಸಿ ಹೃದಯದ ಆರೋಗ್ಯವನ್ನು ಕಾಪಾಡುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.