ತಲೆನೋವು ಶೀತಕ್ಕೆ ರಾಮಬಾಣ- ಈ ಕಹಿ ತರಕಾರಿಗಳು

ಬೇವು

ಒಂದು ಪಾತ್ರೆಯಲ್ಲಿ ನೀರನ್ನು ತೆಗೆದುಕೊಂಡು, ಇದಕ್ಕೆ ಒಂದು ಚಮಚ ಬೇವಿನ ಹುಡಿಯನ್ನು ಹಾಕಿ. ಮಿಶ್ರಣವನ್ನು ಚೆನ್ನಾಗಿ ಕಲಸಿ ಮತ್ತು ಖಾಲಿ ಹೊಟ್ಟೆಯಲ್ಲಿ ಇದನ್ನು ಸೇವಿಸಿ. ಇದು ಶೀತದಿಂದ ಕಟ್ಟಿರುವ ಮೂಗನ್ನು ನಿವಾರಿಸಿ ತಲೆಬೇನೆಯನ್ನು ಕಡಿಮೆ ಮಾಡುತ್ತದೆ. ಅಷ್ಟೇ ಅಲ್ಲದೆ ಹೊಟ್ಟೆಯಲ್ಲಿರುವ ಸೋಂಕು ನಿವಾರಣೆಗೂ ಬೇವು ಸಹಕಾರಿ ಎಂದೆನಿಸಿದ್ದು ಇದನ್ನು ಸೇವಿಸುವುದರಿಂದ ಹಲವಾರು ಹೊಟ್ಟೆಯ ಸಮಸ್ಯೆಗಳಿಗೆ ಪರಿಹಾರ ದೊರಕಲಿದೆ.

ಹಾಗಲಕಾಯಿ

ಕಹಿಯಾದ ತರಕಾರಿ ಎಂದೇ ಖ್ಯಾತವಾಗಿರುವ ಹಾಗಲಕಾಯಿ ತನ್ನ ಔಷಧೀಯ ಗುಣಗಳಿಂದ ಖ್ಯಾತವಾದುದು. ಹಾಗಲಕಾಯಿಯನ್ನು ಬೇಯಿಸುವಾಗ ಇದಕ್ಕೆ ಮೆಣಸು ಮತ್ತು ಅರಿಶಿನ ಹುಡಿಯನ್ನು ಬೇಕಾದಷ್ಟು ಹಾಕಬೇಕಾಗುತ್ತದೆ. ತಲೆಯಲ್ಲಿರುವ ನೋವನ್ನು ನಿವಾರಿಸಲು ಹಾಗಲಕಾಯಿ ಸಹಕಾರಿಯಾದುದು. ದಿನಕ್ಕೆ ಎರಡು ಬಾರಿ ಈ ತರಕಾರಿಯನ್ನು ಸೇವಿಸಿ ಉತ್ತಮ ಫಲಿತಾಂಶವನ್ನು ಕಂಡುಕೊಳ್ಳಬಹುದು.

ಕಿತ್ತಳೆ ಸಿಪ್ಪೆ

ಒಂದು ಲೋಟ ಹಾಲಿಗೆ ಬೇಕಾದಷ್ಟು ಕಿತ್ತಳೆ ಸಿಪ್ಪೆಯ ಹುಡಿಯನ್ನು ಸೇರಿಸಿ. ಹಾಲಿನಲ್ಲಿ ಈ ಮಿಶ್ರಣವನ್ನು ಚೆನ್ನಾಗಿ ಕಲಸಿಕೊಳ್ಳಿ. ಇದರಲ್ಲಿರುವ ಸಿಟ್ರಸ್ ಸುವಾಸನೆ ಮತ್ತು ಅಂಶಗಳು ಶೀತ ಮತ್ತು ತಲೆನೋವನ್ನು ನಿವಾರಿಸುವಲ್ಲಿ ಸಹಕಾರಿ.

ಕೇಲ್

ವಿಟಮಿನ್ ಕೆ ಮತ್ತು ಕ್ಯಾಲ್ಶಿಯಮ್ ಅನ್ನು ಹೊಂದಿರುವ ಕೇಲ್‌ನಿಂದ ಆರೋಗ್ಯಕರ ಸಲಾಡ್ ಅನ್ನು ಸಿದ್ಧಪಡಿಸಿ ಸೇವಿಸಬಹುದಾಗಿದೆ. ತಲೆನೋವಿನಿಂದ ಶೀತದ ಸಮಸ್ಯೆಯನ್ನೂ ಇದು ನಿವಾರಿಸುತ್ತದೆ. ಸ್ವಲ್ಪ ಕರಿಮೆಣಸು ಮತ್ತು ಉಪ್ಪನ್ನು ರುಚಿಗೆ ಬೇಕಾದಷ್ಟು ಹಾಕಿಕೊಳ್ಳಬಹುದಾಗಿದೆ ಇದು ಉತ್ತಮ ಸ್ವಾದವನ್ನು ಸಲಾಡ್‌ಗೆ ನೀಡುತ್ತದೆ.

ಪಾಲಾಕ್

ವಿಟಮಿನ್ ಕೆ ಅಂಶವನ್ನು ಪಾಲಾಕ್ ಒಳಗೊಂಡಿದ್ದು ಹಸಿರು ತರಕಾರಿಯಾಗಿರುವ ಇದು ಬೇಸಿಗೆಯ ಶೀತ ಮತ್ತು ತಲೆನೋವನ್ನು ನಿವಾರಿಸುವ ಪವರ್ ಫುಲ್ ಮದ್ದಾಗಿದೆ. ಈ ಎಲೆಗಳಿಂದ ಸ್ಮೂತಿಯನ್ನು ತಯಾರಿಸಿಕೊಂಡು ಸೇವಿಸಬಹುದು ಮತ್ತು ಪ್ರತೀ ದಿನ ಬೆಳಗ್ಗೆ ಇದನ್ನು ಸೇವಿಸಬಹುದಾಗಿದೆ.