ಇನ್ನು ಸಣ್ಣ- ಪುಟ್ಟ ಕಾಯಿಲೆಗೆ ವೈದ್ಯರ ಬಳಿ ಓಡಬೇಡಿ!

ಸಲಹೆ1: ಸುಸ್ತಾಗಿದ್ದಾಗ ಕಿತ್ತಳೆ ತಿನ್ನಿ

ದಿನದ ಒತ್ತಡದಿಂದ ದೇಹ ಜರ್ಝರಿತವಾಗಿದ್ದಾಗ ಕಿತ್ತಳೆ ಹಣ್ಣೊಂದನ್ನು ತಿನ್ನುವ ಮೂಲಕ ಅಥವಾ ಸಿಪ್ಪೆಯನ್ನು ಕಿವುಚಿ ಅದರ ಸುವಾಸನೆಯನ್ನು ಹೀರುವ ಮೂಲಕ ಈ ಒತ್ತಡದಿಂದ ಶರೀರ ಶೀಘ್ರವೇ ಹೊರಬರುತ್ತದೆ.

ಸಲಹೆ 2: ಪಾಲಕ್ ಮತ್ತು ಮೊಟ್ಟೆ ತಿನ್ನಿರಿ

ಕ್ರೀಡೆಯಲ್ಲಿ ಅತ್ಯಗತ್ಯವಾದ ನರಪ್ರಚೋದನೆಯ ಪ್ರತಿಕ್ರಿಯೆ ಕುಂಠಿತಗೊಂಡಿದೆ ಎನ್ನಿಸುತ್ತಿದೆಯೇ, ಕೊಂಚ ದಿನ ನಿಯಮಿತವಾಗಿ ಪಾಲಕ್ ಮತ್ತು ಮೊಟ್ಟೆಯನ್ನು ಸೇವಿಸುತ್ತಾ ಬನ್ನಿ.

ಸಲಹೆ 3: ಕೆಮ್ಮು ಕಾಡುತ್ತಿದೆಯೇ, ಅನಾನಸು ತಿನ್ನಿ

ಅನಾನಸಿನಲ್ಲಿರುವ ಬ್ರೋಮಿಲೈನ್ ಎಂಬ ಪೋಷಕಾಂಶ ಕೆಮ್ಮಿಗೆ ಕಾರಣವಾಗುವ ಬ್ಯಾಕ್ಟ್ರೀರಿಯಾಗಳನ್ನು ಕೊಲ್ಲುವ ಗುಣವಿರುವುದರಿಂದ ಕೆಮ್ಮು ಶೀಘ್ರವೇ ಹತೋಟಿಗೆ ಬರುತ್ತದೆ.

ಸಲಹೆ 4: ಕಾಫಿ ಕುಡಿದ ಬಳಿಕ ನೀರು ಕುಡಿಯಿರಿ!

ಕಾಫಿ ಹೀರಿದ ಬಳಿಕ ಒಂದು ಗುಟುಕು ನೀರನ್ನಾದರೂ ಕುಡಿಯುವುದರಿಂದ ಹಲ್ಲುಗಳು ಕಪ್ಪಗಾಗುವುದನ್ನು ತಡೆದಂತಾಗುತ್ತದೆ.

ಸಲಹೆ 5: ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಸ್ನಾನಗೃಹದಲ್ಲಿ ಹಾಡಿ

ಸ್ನಾನಗೃಹದಲ್ಲಿ ಗಟ್ಟಿಯಾಗಿ ಹಾಡುವವರ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚುವುದೆಂದು ಸಾಬೀತಾಗಿದೆ. ಹಾಡುವ ಮೂಲಕ ಹೆಚ್ಚುವ ರಕ್ತದೊತ್ತಡ ಮನಸ್ಸಿನ ದುಗುಡಗಳನ್ನು ಕಡಿಮೆಮಾಡುತ್ತದೆ ಎಂದು ಸಂಶೋಧನೆಗಳು ತಿಳಿಸಿವೆ.

ಸಲಹೆ 6: ಬೆಳಗ್ಗಿನ ಉಪಾಹಾರದೊಂದಿಗೆ ಬಾಳೆಹಣ್ಣು ತಿನ್ನಿ

ಇಡಿಯ ದಿನ ಉಲ್ಲಾಸದಿಂದಿರಲು ಬೆಳಗ್ಗಿನ ಉಪಾಹಾರದೊಂದಿಗೆ ಒಂದು ಬಾಳೆಹಣ್ಣನ್ನೂ ಸೇವಿಸಿ.

ಸಲಹೆ 7: ಬಿಸಿಲಿಗೆ ಹೋಗುವ ಮೊದಲು ಟೊಮೇಟೊ ತಿನ್ನಿ

ಬಿಸಿಲಿನಲ್ಲಿ ಹೊರಹೋಗಬೇಕೇ? ಒಂದು ಟೊಮೇಟೊ ಹಣ್ಣನ್ನು ತಿಂದು ಹೊರಡಿ. ಇದರಿಂದ ಬಿಸಿಲಿನ ಝಳವನ್ನು ತಡೆದುಕೊಳ್ಳಲು ಸಾಧ್ಯವಾಗುತ್ತದೆ.

ಸಲಹೆ 8:ಸುಮ್ಮನೇ ನಿಂತರೂ ಗಂಟೆಗೆ ನೂರಿಪ್ಪತ್ತು ಕ್ಯಾಲೋರಿ ಖರ್ಚಾಗುತ್ತದೆ!

ಎಲ್ಲೆಲ್ಲಿ ನಿಂತಿರುತ್ತೀರೋ, ಆಗಲೂ ದೇಹದಿಂದ ಕೊಂಚ ಕ್ಯಾಲೋರಿಗಳು ಖರ್ಚಾಗುತ್ತಲೇ ಇರುತ್ತವೆ. ಎಷ್ಟು ಎಂದರೆ ಒಂದು ಗಂಟೆಗೆ ನೂರಿಪ್ಪತ್ತು ಕ್ಯಾಲೋರಿ. ಆದ್ದರಿಂದ ನಿಂತಿದ್ದರೆ ಒಳ್ಳೆಯದೇ ಎಂದು ಸಮಾಧಾನಪಟ್ಟುಕೊಳ್ಳಿ.

ಸಲಹೆ 9 ಒತ್ತಡವಿದ್ದರೆ ನಯವಾದ ಮಸಾಜ್ ಪಡೆದುಕೊಳ್ಳಿ

ನಿಮ್ಮ ಮನಸ್ಸಿನ ಒತ್ತಡ ಕಡಿಮೆಗೊಳಿಸಲು ನಿಮ್ಮ ಹಿತೈಷಿಗಳ ಹಿತಸ್ಪರ್ಷ ಉತ್ತಮ ಪರಿಹಾರ ನೀಡುತ್ತದೆ. ಅದರಲ್ಲೂ ನಿಮ್ಮ ಜೀವನಸಂಗಾತಿ ನಯವಾಗಿ ಮಸಾಜ್ ಮಾಡಿದರೆ ಎಂತಹ ಒತ್ತಡವಾದರೂ ದೂರವಾಗುತ್ತದೆ.

ಸಲಹೆ 10: ನಿಮ್ಮ ಕೈಯಲ್ಲಿಲ್ಲದ ಪರಿಸ್ಥಿತಿಗೆ ಉದ್ವೇಗಗೊಳ್ಳಬೇಡಿ

ಹಿಂದೆಂದೋ ಆಗಿದ್ದ ಅಥವಾ ಮುಂದೆ ನಿಮ್ಮ ಕೈಯಲ್ಲಿ ಇಲ್ಲದೇ ಇರುವ ಪರಿಸ್ಥಿತಿಗಳು ನಿಮ್ಮ ಎಣಿಕೆಗೆ ವಿರುದ್ಧವಾಗಿದ್ದರೆ ಉದ್ವೇಗಕ್ಕೆ ಒಳಗಾಗಬೇಡಿ. ಏಕೆಂದರೆ ನಿಮ್ಮ ಕೈಯಲ್ಲಿಲ್ಲದ ಪರಿಸ್ಥಿತಿಯನ್ನು ನೀವು ನಿಯಂತ್ರಿಸಲಾರಿರಿ.