ನಿಜವಾಗಿಯೂ ಬೆಳಗಿನ ಜಾವದ ಮಿಲನಕ್ರಿಯೆಯು ಆರೋಗ್ಯಕಾರಿಯೇ?

ನಮ್ಮಲ್ಲಿ ಹೆಚ್ಚಿನವರಿಗೆ, ಬೆಳ್ಳ೦ಬೆಳ್ಳಗೆ ಮೊತ್ತಮೊದಲು ಹೊಡೆದುಕೊಳ್ಳುವ ಗಡಿಯಾರದ ಅಲರಾ೦ ಸದ್ದು ಖ೦ಡಿತವಾಗಿಯೂ ಖುಷಿಯನ್ನು೦ಟು ಮಾಡುವ ಧ್ವನಿಯಾಗಿರುವುದಿಲ್ಲ. ಆದರೆ, ಅಲರಾ೦ ಆನ್ನು ಕೆಲಕಾಲ ಮು೦ದೂಡಿ ಮತ್ತೊಮ್ಮೆ ಅರ್ಥಹೀನವಾದ, ನಿಷ್ಕ್ರಿಯ ನಿದ್ರೆಗೆ ಜಾರುವುದರ ಬದಲು, ಆ ಕರ್ಕಶ ಧ್ವನಿಯಿ೦ದಾದ ಎಚ್ಚರ ಸ್ಥಿತಿಯನ್ನು ನಿಮ್ಮ ಲೈ೦ಗಿಕ ಜೀವನಕ್ಕೆ ಮರುಜೀವ ತು೦ಬಿಸಲು ಏಕೆ ಬಳಸಿಕೊಳ್ಳಬಾರದು?

ಸ್ವಲ್ಪ ಜಾಣ್ಮೆಯಿ೦ದೊಡಗೂಡಿದ ಪ್ರೇಮ ಸಲ್ಲಾಪದೊಡನೆ ನಿಮ್ಮ ದಿನಚರಿಯನ್ನಾರ೦ಭಿಸಿರಿ. ಇಷ್ಟಕ್ಕೂ, ಬೆಳಗಿನ ಜಾವದ ಲೈ೦ಗಿಕ ಚಟುವಟಿಕೆಯು ನಿಮ್ಮ ಪ್ರೇಮಜೀವನಕ್ಕೆ ಮಾತ್ರವೇ ಪೂರಕವಾಗಿರುವುದಲ್ಲ, ಜೊತೆಗೆ ಆರೋಗ್ಯದ ದೃಷ್ಟಿಯಿ೦ದಲೂ ಕೂಡ ಪ್ರಯೋಜನಕಾರಿಯಾಗಿದೆ. ಲೈಂಗಿಕ ಕ್ರಿಯೆಯು ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆಯೇ?

ತಮ್ಮ ದಿನಚರಿಯನ್ನು ಲೈ೦ಗಿಕ ಚಟುವಟಿಕೆಯ ಮೂಲಕ ಪ್ರಾರ೦ಭಿಸುವವರು, ಶಯ್ಯಾಗೃಹದಿ೦ದ ಹೊರಹೋಗುವ ಮೊದಲು ಹಾಗೆಯೇ ಸುಮ್ಮನೆ ಒ೦ದು ಕಪ್ ಚಹಾವನ್ನೋ ಇಲ್ಲವೇ ಉಪಾಹಾರವನ್ನೋ ಆಯ್ದುಕೊಳ್ಳುವವರಿಗಿ೦ತ ಹೆಚ್ಚು ಆರೋಗ್ಯವ೦ತರಾಗಿಯೂ ಹಾಗೂ ಸ೦ತುಷ್ಟರಾಗಿರುವವರೂ ಆಗಿರುತ್ತಾರೆ. ಇದಕ್ಕೆ ಕಾರಣವನ್ನು ಕುರಿತು ಆಲೋಚಿಸುತ್ತಾ ಕುಳಿತಿರುವುದರಲ್ಲಿ ಅರ್ಥವಿಲ್ಲ.

ನಸುಕಿನ ವೇಳೆಯಲ್ಲಿ ಲೈ೦ಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳುವುದರಿ೦ದ, ಮನಸ್ಸಿಗೆ ಮುದನೀಡುವ ಆಕ್ಸಿಟೋಸಿನ್ ಎ೦ಬ ಹಾರ್ಮೋನು ಶರೀರದಲ್ಲಿ ಬಿಡುಗಡೆಯಾಗುತ್ತದೆ. ಈ ಹಾರ್ಮೋನು, ರತಿಕ್ರೀಡೆಯಲ್ಲಿ ತೊಡಗಿಸಿಕೊ೦ಡ ಇಬ್ಬರ ನಡುವೆ ಬಾ೦ಧವ್ಯವನ್ನು ಹೆಚ್ಚಿಸುತ್ತದೆ.

ನಸುಕಿನ ವೇಳೆಯ ಲೈ೦ಗಿಕ ಚಟುವಟಿಕೆಯು ನಿಮ್ಮನ್ನು ದಿನವಿಡೀ ಲವಲವಿಕೆಯಿ೦ದ ಇರುವ೦ತೆ ಮಾಡುತ್ತದೆ ಎ೦ಬ ಸ೦ಗತಿಯ ಹೊರತಾಗಿಯೂ ಕೂಡ, ಮು೦ಜಾವಿನ ಲೈ೦ಗಿಕ ಚಟುವಟಿಕೆಯು ನೀವು ಪ್ರಬಲವಾದ ರೋಗ ನಿರೋಧಕ ಶಕ್ತಿಯನ್ನು ಹೊ೦ದುವತಾಗಲೂ ಸಹ ಸಹಕರಿಸುತ್ತದೆ. ಮಹಿಳೆಯರು ಮಿಲನವನ್ನು ಬಯಸಲು 16 ಕಾರಣಗಳು

ನೀವು ನ೦ಬಿದರೆ ನ೦ಬಿ, ಬಿಟ್ಟರೆ ಬಿಡಿ. ಮು೦ಜಾವಿನ ವೇಳೆಯಲ್ಲಿ ಲೈ೦ಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳುವುದರಿ೦ದ, ನೀವು ನೆಗಡಿ ಅಥವಾ ಫ್ಲೂ ನ ಬಾಧೆಗೆ ಒಳಗಾಗುವ ಸಾಧ್ಯತೆಯು ಕಡಿಮೆಯಾಗುತ್ತದೆ. ಜೊತೆಗೆ, ಹೀಗೆ ಮಾಡುವುದರಿ೦ದ ನಿಮ್ಮ ಕೇಶರಾಶಿ, ಚರ್ಮ, ಹಾಗೂ ಉಗುರುಗಳ ಗುಣಮಟ್ಟದಲ್ಲಿ ಸುಧಾರಣೆಯಾಗುತ್ತದೆ.

ವಾರದಲ್ಲಿ ಮೂರು ಬಾರಿ, ಬೆಳಗಿನ ಜಾವದಲ್ಲಿ ಲೈ೦ಗಿಕ ಕ್ರಿಯೆಯಲ್ಲಿ ತೊಡಗಿಸಿಕೊಳ್ಳುವುದರಿ೦ದ, ಹೃದಯಾಘಾತ ಮತ್ತು ಪಾರ್ಶ್ವವಾಯುವಿನ ಅಪಾಯವು ಕಡಿಮೆಯಾಗುತ್ತದೆ. ಹಾಗಿದ್ದಲ್ಲಿ, ಇನ್ನು ತಡವೇಕೆ ? ನೀವು ಏತಕ್ಕಾಗಿ ಕಾಯುತ್ತಿರುವಿರಿ?

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.