ಸೋನಾಕ್ಷಿ ಸಿನ್ಹಾರ ತೂಕ ಇಳಿಸುವ ರಹಸ್ಯಗಳನ್ನು ನೀವೂ ತಿಳಿಯಿರಿ!

ವರ್ಕ್‌ಔಟ್:

ಬಾಲಿವುಡ್‌ನ ಪ್ರತಿಯೊಬ್ಬ ಪ್ರತಿಭಾವಂತ ನಟಿಯ ರಹಸ್ಯ ಮುಂಜಾನೆದ್ದು ಮಾಡುವ ವರ್ಕ್‌ಔಟ್ ಆಗಿದೆ. ವಾರದಲ್ಲಿ 4-5 ದಿನಗಳ ಕಾಲ ಸೋನಾಕ್ಷಿ ವರ್ಕ್‌ಔಟ್ ಮತ್ತು ತೂಕ ಇಳಿಸುವ ತರಬೇತಿಯನ್ನು ಪಡೆಯುತ್ತಿದ್ದಾರೆ.

ಡಯೆಟ್ - ಬ್ರೇಕ್‌ಫಾಸ್ಟ್:

ಸಿರೆಲ್ ಮತ್ತು ಹಾಲು ಅಥವಾ ಪೂರ್ಣ ಗೋಧಿ ಟೋಸ್ಟ್ ಅನ್ನು ಸೇವಿಸುತ್ತಾರೆ. ಕೆಲವೊಮ್ಮೆ ಕೋರ್ನ್ ಅನ್ನು ಸೇವಿಸುವ ಸೋನಾಕ್ಷಿ ಪ್ರೋಟೀನ್ ಹಾಗೂ ಕಾರ್ಬೋಹೈಡ್ರೇಟ್ ಇರುವ ಆಹಾರವನ್ನು ತೆಗೆದುಕೊಳ್ಳುತ್ತಾರೆ.

ಮಿಡ್ - ಮಾರ್ನಿಂಗ್:

ಸ್ವಲ್ಪ ಡ್ರೈ ಫ್ರುಟ್ಸ್ ಮತ್ತು ಒಂದು ಕಪ್‌ನಷ್ಟು ಗ್ರೀನ್ ಟೀಯನ್ನು ಸೋನಾಕ್ಷಿ ಸೇವಿಸುತ್ತಾರೆ. ಗ್ರೀನ್ ಟೀ ತೂಕ ಇಳಿಸುವುದಕ್ಕೆ ಸಹಾಯ ಮಾಡುವ ಪೇಯವಾಗಿದ್ದು ಆರೋಗ್ಯಕರ ಹಾಗೂ ಸೌಂದರ್ಯ

ಪ್ರಯೋಜನಗಳನ್ನು ಒದಗಿಸುತ್ತದೆ.

ಮಧ್ಯಾಹ್ನ

ಮನೆಯಲ್ಲೇ ತಯಾರಿಸಿದ ರೋಟಿ ಹಾಗೂ ಸಬ್ಜಿಯನ್ನು ಸೇವಿಸುವ ಸೋನಾಕ್ಷಿ ತಾಜಾ ಸಲಾಡ್ ಅನ್ನು ಮಧ್ಯಾಹ್ನದೂಟಕ್ಕೆ ಸೇವಿಸುತ್ತಾರೆ.

ಸಾಯಂಕಾಲ:

ಕಪ್‌ನಷ್ಟು ಹಣ್ಣುಗಳು ಮತ್ತು ಅಥವಾ ಗ್ರೀನ್ ಟೀ ಯನ್ನು ಮಾತ್ರ ಸೋನಾಕ್ಷಿ ಸಾಯಂಕಾಲಕ್ಕೆ ತೆಗೆದುಕೊಳ್ಳುತ್ತಾರೆ.

ರಾತ್ರಿಯೂಟ:

ಮಲಗುವುದಕ್ಕೆ ಮುಂಚೆ 3-4 ಗಂಟೆಗಿಂತ ಮೊದಲೇ ಸೋನಾಕ್ಷಿ ರಾತ್ರಿಯೂಟವನ್ನು ಸೇವಿಸುತ್ತಾರೆ. ಅನ್ನ, ದಾಲ್, ಪಲ್ಯ ಮತ್ತು ಸಲಾಡ್‌ಗಳನ್ನು ಸೋನಾಕ್ಷಿ ರಾತ್ರಿಗೆ ಸೇವಿಸುತ್ತಾರೆ.

ಹಾಟ್ ಯೋಗ:

ತೂಕವನ್ನು ಉಳಿಸಲು ಮತ್ತು ಆರೋಗ್ಯಕರವಾಗಿರಲು ಯೋಗ ಒಂದು ಉತ್ತಮ ವಿಧಾನವಾಗಿದೆ. ವಾರಕ್ಕೆ ಮೂರು ಬಾರಿ ಸೋನಾಕ್ಷಿ ಯೋಗವನ್ನು ಅಭ್ಯಾಸ ಮಾಡುತ್ತಾರೆ. ಇದರಿಂದ ಅವರಿಗೆ ದೇಹ ತೂಕವನ್ನು ನಿರ್ವಹಿಸಲು ಮತ್ತು ಸಪೂರ ಮೈ ಮಾಟವನ್ನು ಪಡೆಯಲು ಸಾಧ್ಯವಾಗಿದೆ.

ನೀರು:

ದಿನಪೂರ್ತಿ ದೇಹವನ್ನು ಹೈಡ್ರೇಟ್ ಆಗಿ ಇರಿಸಲು ನೀರನ್ನು ಕುಡಿಯುವುದು ಅತ್ಯವಶ್ಯಕ. ನೀರು ನಿಮ್ಮ ದೇಹದಲ್ಲಿ ರೋಗನಿರೋದಕ ಸಾಮರ್ಥ್ಯವನ್ನು ಹೆಚ್ಚಿಸಿ ನಿಮ್ಮನ್ನು ಚಟುವಟಿಕೆಯಿಂದ ಇರುವಂತೆ ಮಾಡುತ್ತದೆ.

ಗ್ರೀನ್ ಟೀ:

ಸೋನಾಕ್ಷಿ ಗ್ರೀನ್ ಟೀಯನ್ನು ಹೆಚ್ಚಾಗಿ ಸೇವಿಸುತ್ತಾರೆ. ಇದರಲ್ಲಿರುವ ಉತ್ಕರ್ಷಣ ನಿರೋಧಿ ಅಂಶಗಳಿದ್ದು ತೂಕ ಇಳಿಸಲು ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಹಾಗೂ ಹೊಳೆಯುವ ತ್ವಚೆಯನ್ನು ಪಡೆಯಲು ಸಹಕಾರಿಯಾಗಿದೆ.