ನಾವು ನಿರ್ಲಕ್ಷ್ಯ ಮಾಡುವ ಜಾಂಡೀಸ್ ನ ಲಕ್ಷಣಗಳಿವು!

ಹಳದಿ ಮೂತ್ರ

ಮೂತ್ರ ಹಳದಿ ಬಣ್ಣದಲ್ಲಿದ್ದರೆ ನಿರ್ಲಕ್ಷ್ಯ ಮಾಡುವುದು ಹೆಚ್ಚು. ಏಕೆಂದರೆ ದೇಹದಲ್ಲಿ ನೀರಿನಂಶ ಕಡಿಮೆಯಾದಾಗ ಮೂತ್ರ ಹಳದಿ ಬಣ್ಣದಲ್ಲಿರುತ್ತದೆ.

ನೀರಿನಂಶ ಕಡಿಮೆಯಾದ ಕಾರಣವಾಗಿರಬಹುದೆಂದು ಭಾವಿಸುತ್ತೇವೆ. ಹಳದಿ ಮೂತ್ರ ಕಂಡು ಬಂದರೆ ಸಾಕಷ್ಟು ನೀರು ಕುಡಿಯಿರಿ, ನಂತರ ಕೂಡ ಮೂತ್ರ ಹಳದಿ ಬಣ್ಣದಲ್ಲಿದ್ದರೆ ಅದು ಅರಿಶಿಣ ಕಾಮಲೆಯ ಲಕ್ಷಣವಾಗಿವೆ

ತ್ವಚೆ ಹಾಗೂ ಹಳದಿ ಕಣ್ಣುಗಳು

ತ್ವಚೆಯ ಸ್ವಲ್ಪ ಹಳದಿ ಬಣ್ಣಕ್ಕೆ ತಿರುಗುತ್ತದೆ, ಕಣ್ಣುಗಳಲ್ಲೂ ಹಳದಿ ಬಣ್ಣಕ್ಕೆ ತಿರುಗುತ್ತದೆ. ಈ ರೀತಿ ಉಂಟಾದರೆ ರಕ್ತಹೀನತೆಯಿಂದ ಉಂಟಾಗುತ್ತಿರಬಹುದು ಎಂದು ಭಾವಿಸುತ್ತೇವೆ. ಕಾರಣವನ್ನು ನೀವೇ ಊಹಿಸುವ ಬದಲು ವೈದ್ಯರನ್ನು ಕಂಡು ಏನು ಸಮಸ್ಯೆಯೆಂದು ಖಚಿತಪಡಿಸಿಕೊಳ್ಳಿ.

ಕೆಳ ಹೊಟ್ಟೆ ನೋವು

ಕೆಳ ಹೊಟ್ಟೆ ಬಲ ಭಾಗದಲ್ಲಿ ನೋವು ಕಂಡು ಬರುತ್ತದೆ. ಸೊಂಟ ನೋವು ಕೂಡ ಕಂಡು ಬರಬಹುದು. ಲಿವರ್ ಗೆ ಹಾನಿಯಾದರೆ ಈ ರೀತಿ ಉಂಟಾಗುವುದು.

ಸಂಧಿ ನೋವು

ಸಂಧಿ ನೋವು ಅನೇಕ ಕಾರಣಗಳಿಂದ ಉಂಟಾಗುತ್ತದೆ. ಆದ್ದರಿಂದ ಸಂಧಿ ನೋವು ಬಂದ ತಕ್ಷಣ ಜಾಂಡೀಸ್ ಎಂದು ಹೇಳಲು ಸಾಧ್ಯವಿಲ್ಲ. ಇತರ ಜಾಂಡೀಸ್ ಲಕ್ಷಣಗಳ ಜೊತೆ ಸಂಧಿ ನೋವು ಕಾಣಿಸಿದರೆ ತಕ್ಷಣ ವೈದ್ಯರನ್ನು ಕಾಣಿ.

ಜೀರ್ಣಕ್ರಿಯೆಯಲ್ಲಿ ತೊಂದರೆ

ಈ ಲಕ್ಷಣವನ್ನು ಅಷ್ಟೇ ನಿರ್ಲಕ್ಷ್ಯ ಮಾಡಿ ಬಿಡುತ್ತೇವೆ. ಜೀರ್ಣಕ್ರಿಯೆಯಲ್ಲಿ ತೊಂದರೆ ಆಗುವುದರಿಂದಲೇ ಹಳದಿ ಮೂತ್ರ, ವಾಂತಿ ಬರುವುದು ಈ ರೀತಿಯ ತೊಂದರೆ ಕಾಣಿಸಿಕೊಳ್ಳುವುದು.

ವಾಂತಿ

ಬಾಯಿಯಲ್ಲಿ ಕಹಿ ನೀರು ಬಂದು ವಾಂತಿ ಕಂಡು ಬರುವುದು. ಬಾಯಿ ತುಂಬಾ ಕಹಿಯಾಗಿರುತ್ತದೆ.

ತುರಿಕೆ

ಮೈಯೆಲ್ಲಾ ಉರಿಕೆ ಉಂಟಾಗುವುದು. ಅಲರ್ಜಿ ಉಂಟಾದಾಗ ಮಾತ್ರವಲ್ಲ, ಜಾಂಡೀಸ್ ಬಂದಾಗಲೂ ಈ ರೀತಿ ಉಂಟಾಗುತ್ತದೆ. ಆದ್ದರಿಂದ ತುರಿಕೆ ಕಾಣಿಸಿದರೆ ನಿರ್ಲಕ್ಷ್ಯ ಮಾಡಬೇಡಿ.

ದೇಹದ ಉಷ್ಣತೆ

ಜ್ವರ ಬಂದಾಗ ಮಶತ್ರವಲ್ಲ ಜಾಂಡೀಸ್ ಬಂದರೆ ಕೂಡ ದೇಹ ತುಂಬಾ ಬಿಸಿಯಾಗಿರುತ್ತದೆ.

ಸುಸ್ತು

ಸುಸ್ತು ಕಂಡು ಬರುವುದು. ನಿಮ್ಮ ಸುಸ್ತು 2 ವಾರಕ್ಕಿಂತ ಅಧಿಕ ಸಮಯದಿಂದ ಇದ್ದರೆ ಅದು ಜಾಂಡೀಸ್ ನ ಲಕ್ಷಣವಾಗಿರಬಹುದು.

ಮಣ್ಣಿನ ಬಣ್ಣದಲ್ಲಿ ಮಲ ವಿಸರ್ಜನೆಯಾಗುವುದು

ಮಲ ವಿಸರ್ಜನೆಗೆ ಹೋದಾಗ ಗಮನಿಸಿ, ಅದು ಮಣ್ಣಿನ ಬಣ್ಣದಲ್ಲಿದ್ದರೆ ಜಾಂಡೀಸ್ ಕಾಯಿಲೆಯ ಲಕ್ಷಣವಾಗಿದೆ.