ಭೂರಿ ಬೋಜನ ಮಾಡಿದರೆ ಈ ರೀತಿ ಮಾಡಿ

Wellness

oi-Reena

By Hema S

Published: Tuesday, May 22, 2012, 16:15 [IST]

ಮಿತಿಯಾದ ಆಹಾರ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು ಎಂದು ನಮಗೆ ತಿಳಿದಿರುವ ವಿಷಯ. ಆದರೆ ತುಂಬಾ ಇಷ್ಟದ ತಿಂಡಿ ಅಥವಾ ಸ್ಪೆಷಲ್ ಅಡುಗೆ ಇದ್ದರೆ ನಮಗೆ ಗೊತ್ತಿಲ್ಲದೆಯೆ ಭರ್ಜರಿ ಊಟ ಮಾಡಿರುತ್ತೇವೆ. ನಂತರ 'ಇಷ್ಟು ಹೊಟ್ಟೆ ತುಂಬಾ ತಿನ್ನಬಾರದಿತ್ತು ಸುಮ್ಮನೆ ನನ್ನ ಡಯಡ್ ಹಾಳಾಯಿತು' ಅಂತ ಯೋಚಿಸುತ್ತೇವೆ! ಅಪರೂಪಕ್ಕೆ ಅಧಿಕ ತಿಂದರೆ ಅದಕ್ಕಾಗಿ ಚಿಂತೆ ಮಾಡಬೇಕಾಗಿಲ್ಲ, ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಸಾಕು ಕೊಬ್ಬು ಮೈಯಲ್ಲಿ ಶೇಖರವಾಗುವುದಿಲ್ಲ.

1. ವಿಶ್ರಾಂತಿ: ಅಯ್ಯೋ! ಹೆಚ್ಚು ತಿಂದ ಬಿಟ್ಟೆ, ಕರಗಿಸಬೇಕು ಅಂತ ವ್ಯಾಯಾಮ ಅಥವಾ ಓಡಾಡಲು ಪ್ರಾರಂಭಿಸಬೇಡಿ, ಅದರ ಬದಲು ಸ್ವಲ್ಪ ಜಾಸ್ತಿನೇ ವಿಶ್ರಾಂತಿ ತೆಗೆದುಕೊಳ್ಳಿ! ಏಕೆಂದರೆ ಊಟವಾದ ನಂತರ ದೇಹದಲ್ಲಿ ಮೆದುಳು ಜೀರ್ಣಕ್ರಿಯೆಗೆ ಆದೇಶ ನೀಡುತ್ತದೆ, ಈ ಜೀರ್ಣಕ್ರಿಯೆಯಲ್ಲಿ ಆಹಾರದಲ್ಲಿರುವ ಪೋಷಕಾಂಶಗಳು ದೇಹವನ್ನು ಸೇರುತ್ತದೆ. ದೇಹದಲ್ಲಿ ಈ ಕ್ರಿಯೆ ನಡೆಯುತ್ತಿರುವಾಗ ನಮಗೆ ಸುಸ್ತಾದ ಅನುಭವ ಉಂಟಾಗುತ್ತದೆ. ಆದ್ದರಿಂದ 15-20 ವಿಶ್ರಾಂತಿ ತೆಗೆದುಕೊಳ್ಳಬೇಕು.

2. ನಡುಗೆ: ನಂತರ ಎದ್ದು ನಡೆದಾಡಿ. ಆದರೆ ತುಂಬಾ ತಿಂದು ಶ್ರಮದಾಯಕವಾದ ಕೆಲಸ ಮಾಡಲು ಹೋಗಬೇಡಿ. ಏಕೆಂದರೆ ಈ ಸಮಯದಲ್ಲಿ ದೇಹವು ಶಕ್ತಿಯನ್ನು ಜೀರ್ಣಕ್ರಿಯೆಗೆ ಬಳಸುತ್ತಿರುತ್ತದೆ. ಆದ್ದರಿಂದ ಮೆಲ್ಲನೆ ನಡೆದಾಡಿದರೆ ಜೀರ್ಣಕ್ರಿಯೆಗೆ ಮತ್ತಷ್ಟು ಸಹಕಾರಿಯಾಗುವುದು.

3. ಗ್ರೀನ್ ಟೀ: ಊಟ ಮಾಡಿ ಸ್ವಲ್ಪ ಹೊತ್ತಿನ ಬಳಿಕ ಗ್ರೀನ್ ಟೀ ಅಥವಾ ಶುಂಠಿ ಟೀ ಮಾಡಿ ಕುಡಿದರೆ ಹೊಟ್ಟೆ ಭಾರ ಅನಿಸುವುದಿಲ್ಲ. ಹರ್ಬಲ್ ಟೀ ಮಾಡಿ ಕುಡಿದರೆ ದೇಹದಲ್ಲಿರುವ ಕಶ್ಮಲಗಳನ್ನು ಹೋಗಲಾಡಿಸಬಹುದು.

4. ಬಿಸಿ ನೀರು ಕುಡಿಯಿರಿ: ಊಟದ ನಂತರ ಬಿಸಿ ನೀರು ಕುಡಿದರೆ ಒಳ್ಳೆಯದು. ಹಾಗಂತ ಊಟ ಮಾಡಿದ ತಕ್ಷಣ ಕುಡಿಯಬೇಡಿ, 20-25 ನಿಮಿಷ ಬಿಟ್ಟು ನಂತರ ಕುಡಿಯಿರಿ. ಅದಕ್ಕೆ ನಿಂಬೆ ರಸ ಹಾಕಿ ಕುಡಿದರೆ ಮತ್ತಷ್ಟು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.