ಪಾಸ್ತಾ ತಿನ್ನುವ ಮೊದಲು ಅದರ ಬಗ್ಗೆ ತಿಳಿದುಕೊಳ್ಳಿ!

Wellness

oi-Reena

By Hema S

Updated: Thursday, August 9, 2012, 17:17 [IST]

ಜೀವನ ಶೈಲಿ ಬದಲಾದಂತೆ ನಮ್ಮ ಆಹಾರಶೈಲಿ ಕೂಡ ಬದಲಾಗುತ್ತಿದೆ. ಅಕ್ಕಿ ರೊಟ್ಟಿ, ರಾಗಿ ರೊಟ್ಟಿ ಹೀಗೆ ನಮ್ಮ ಸಂಪ್ರದಾಯಕ ಆಹಾರಗಳ ಬದಲು ಪಿಜ್ಜಾ, ರೆಡಿ ಟು ಕುಕ್ ನೂಡಲ್ಸ್, ಪಾಸ್ತಾ ಆಹಾರದ ಕಡೆ ನಮ್ಮ ಒಲವು ಹೆಚ್ಚಾಗುತ್ತಿದೆ. ಪಾಸ್ತಾವನ್ನು ಒಂದು ಫ್ಯಾಷನೇಬಲ್ ಅಡುಗೆ ಅಂದರೆ ತಪ್ಪಾಗಲಾರದು. ಪಿಜ್ಜಾದಂತೆ ಪಾಸ್ತಾ ಕೂಡ ಜನಪ್ರಿಯತೆಯನ್ನು ಹೆಚ್ಚಿಸುತ್ತದೆ.

ಬೇರೆ-ಬೇರೆ ಶೇಪ್‌ನಲ್ಲಿ ಪಿಜ್ಜಾ ಮಾರ್ಕೆಟ್‌ನಲ್ಲಿ ಲಭ್ಯವಿದೆ. ಕೆಲ ಆರೋಗ್ಯ ಪರಿಣಿತರು ಇದರಲ್ಲಿ ಕ್ಯಾಲೋರಿ ಅಂಶ ಅಧಿಕವಿದ್ದು ದೇಹದ ತೂಕ ಹೆಚ್ಚಿಸುತ್ತದೆ ಎಂಬ ಅಭಿಪ್ರಾಯವನ್ನು ವ್ಯಕ್ತ ಪಡಿಸಿದ್ದಾರೆ. ಈಗ ನಿಮಗೆ ಈ ಪಾಸ್ತಾ ಆರೋಗ್ಯಕರವೇ? ಪಾಸ್ತಾ ತಿಂದರೆ ದೇಹದ ತೂಕ ಹೆಚ್ಚಾಗಬಹುದೇ? ಈ ರೀತಿಯ ಸಂಶಯ ನಿಮ್ಮಲ್ಲಿಯೂ ಇರಬಹುದಲ್ಲವೇ? ನಿಮ್ಮ ಈ ಸಂಶಯ ಎಷ್ಟರ ಮಟ್ಟಿಗೆ ಸರಿ ಎಂದು ತಿಳಿದುಕೊಳ್ಳೋಣ ಬನ್ನಿ.

ಮೊದಲಿನದಾಗಿ ಪಾಸ್ತಾ ಆರೋಗ್ಯಕರವೇ ಅಥವಾ ಅನಾರೋಗ್ಯಕರವೇ ಅನ್ನುವುದು ನಾವು ತಿನ್ನುವ ಆಹಾರದ ಮೇಲೆ ಅವಲಂಭಿತವಾಗಿರುತ್ತದೆ. ಒಂದು ವೇಳೆ ಮೈದಾದಿಂದ ತಯಾರಿಸಿದ ಪಾಸ್ತಾ ತಿಂದರೆ ದೇಹದ ತೂಕ ಹೆಚ್ಚಾಗುವುದು. ಏಕೆಂದರೆ ಈ ರೀತಿಯ ಪಾಸ್ತಾದಲ್ಲಿ ಕ್ಯಾಲೋರಿ ಅಂಶ ಅಧಿಕವಿರುತ್ತದೆ.

ಪಾಸ್ತಾವನ್ನು ಹಿತಮಿತವಾಗಿ ಸೇವಿಸಿದರೆ ಅದರಿಂದ ಯಾವುದೇ ತೊಂದರೆ ಉಂಟಾಗುವುದಿಲ್ಲ. ಪಾಸ್ತಾವನ್ನು ಟೊಮೆಟೊ ಸಾಸ್ ಅಥವಾ ತುಂಬಾ ಕೊಬ್ಬಿನಂಶವಿರುವ ಚೀಸ್ ಜೊತೆ ತಿನ್ನಬೇಡಿ. ಇದನ್ನು ಕಡಿಮೆ ಕೊಬ್ಬಿನಂಶವಿರುವ ಚೀಸ್ ಜೊತೆ ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು.

ಬಿಳಿ ಪಾಸ್ತಾ ಬಿಳಿ ಬ್ರೆಡ್ ರೀತಿಯ ಗುಣವನ್ನು ಹೊಂದಿದೆ. ಈ ರೀತಿಯ ಪಾಸ್ತಾದಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ (GI ) ಅಧಿಕವಿರುವುದರಿಂದ ದೇಹದಲ್ಲಿ ಸಕ್ಕರೆ ಪ್ರಮಾಣವನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ. ಆದ್ದರಿಂದ ಮಧುಮೇಹ ಇರುವವರು ಇದನ್ನು ತಿನ್ನದಿರುವುದು ಒಳ್ಳೆಯದು.

ಆದರೆ ದವಸ ಧ್ಯಾನ್ಯಗಳನ್ನು ಹಾಕಿ ತಯಾರಿಸಿದ ಪಾಸ್ತಾ ಮಧುಮೇಹ ಇರುವವರೆಗೆ ಮತ್ತು ಇಲ್ಲದವರಿಗೆ ಮತ್ತು ಗರ್ಭಿಣಿಯರಿಗೆ ತುಂಬಾ ಒಳ್ಳೆಯದು.

ಪಾಸ್ತಾ ಈ ಕೆಳಗಿನ ವಿಧಾನದಲ್ಲಿ ಸಿಗುತ್ತದೆ:

ಸೆಮೋಲಿನಾ ಪಾಸ್ತಾ (Semolina pasta): ಈ ಪಾಸ್ತಾ ಆರೋಗ್ಯಕ್ಕೆ ಒಳ್ಳೆಯದು. ಇದರಲ್ಲಿ antioxidants ಪ್ರಮಾಣ ಅಧಿಕವಿದೆ. ಇದು ದೇಹದಲ್ಲಿರುವ ಕಶ್ಮಲಗಳನ್ನು ಹೋಗಲಾಡಿಸುತ್ತದೆ, ಇದರಲ್ಲಿ ಪ್ರೊಟೀನ್ ಅಂಶ ಅಧಿಕವಿದ್ದು ರೋಗನಿರೋಧಕ ಶಕ್ತಿ ಮತ್ತು ಆರೋಗ್ಯವನ್ನು ಹೆಚ್ಚಿಸುತ್ತದೆ.

ವ್ಹೀಟ್ ಪಾಸ್ತಾ (Wheat pasta): ಇದನ್ನು ತಿಂದರೆ ಜೀರ್ಣಕ್ರಿಯೆ ಸುಲಭವಾಗಿ ಆಗುತ್ತದೆ. ಡಯಟ್ ನಲ್ಲಿರುವವರು ಈ ಪಾಸ್ತಾ ತಿನ್ನುವುದು ಒಳ್ಳೆಯದು.

ಕಾರ್ನ್, ರೈಸ್, ಹರ್ಬ್ಸ್ ಮತ್ತು ಸೋಯಾ ಪಾಸ್ತಾ: ಜೋಳ, ಅಕ್ಕಿ, ಸೋಯಾ , ಗಿಡಮೂಲಿಕೆಗಳನ್ನು ಬಳಸಿ ತಯಾರಿಸಿದ ಪಾಸ್ತಾ ಆರೋಗ್ಯಕ್ಕೆ ಒಳ್ಳೆಯದು.

ಈಗ ಪಾಸ್ತಾವನ್ನು ಹೇಗೆ ಬಳಸಿಕೊಳ್ಳಬೇಕು ಎಂದು ನೀವೇ ತೀರ್ಮಾನಿಸಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.