ಬೆನ್ನು ನೋವಿಗೆ ಕಾರಣ ಮತ್ತು ಪರಿಹಾರ

Wellness

oi-Reena

By Hema S

Published: Tuesday, February 21, 2012, 14:37 [IST]

ಸೊಂಟ ನೋವು ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಸಮಸ್ಯೆಯಾಗಿದೆ. ಕೆಲವರಿಗೆ ದಿನಾಪೂರ್ತಿ ಓಡಾಡಿ ಕೆಲಸ ಮಾಡಿದಾಗ ಬೆನ್ನುನೋವು ಕಾಣಿಸಿಕೊಂಡರೆ ಮತ್ತೆ ಕೆಲವರಿಗೆ ಕೂತಲ್ಲಿಯೆ ಕೂತು ಕೆಲಸ ಮಾಡಿದಾಗ ಬೆನ್ನು ನೋವು ಕಾಣಿಸಿಕೊಳ್ಳುತ್ತದೆ. ಅಧಿಕ ಭಾರವಾದ ವಸ್ತುಗಳನ್ನು ಎತ್ತಿದಾಗ ಬೆನ್ನುನೋವು ಕಾಣಿಸಿಕೊಳ್ಳುತ್ತದೆ. ಇನ್ನು ಕೆಲವರಿಗೆ ವಯಸ್ಸಾಗುತ್ತಾ ಬಂದ ಹಾಗೆ ಮೂಳೆ ಸವೆತದಿಂದ ಬೆನ್ನುನೋವು ಉಂಟಾಗುವುದು. ಇದು ಅಷ್ಟೇ ಅಲ್ಲ ಈ ಕೆಳಗಿನ ಕಾರಣಗಳಿಂದ ಕೂಡ ಬೆನ್ನು ನೋವು ಉಂಟಾಗುತ್ತದೆ.

ಬೆನ್ನುನೋವಿಗೆ ಕಾರಣಗಳು:

1. ಕೂತ ಭಂಗಿ ಸರಿಯಾಗಿ ಇಲ್ಲದಿದ್ದರೆ
2. ನಡೆಯುವ ರೀತಿ ಸರಿಯಾಗಿಲ್ಲದಿದ್ದರೆ
3. ಮಲಗುವ ಭಂಗಿ
4. ಕೆಲಸದ ವಾತಾವರಣ
5. ಶೂ
6. ಅಧಿಕ ಮಾನಸಿಕ ಒತ್ತಡ
7. ವಯಸ್ಸು ಹೆಚ್ಚಾದಾಗ

ಬೆನ್ನು ನೋವು ತಕ್ಷಣ ಪರಿಹಾರವಾಗಲು ಕೆಲ ಸಲಹೆ:

1. ನೀರು: ಬೆನ್ನು ನೋವು ಕಾಣಿಸಿಕೊಂಡ ತಕ್ಷಣ ದೊಡ್ಡ ಗ್ಲಾಸ್ ನಲ್ಲಿ 2 ಗ್ಲಾಸ್ ಶುದ್ಧವಾದ ನೀರು ಕುಡಿಯಬೇಕು.
ದಿನವೂ 8-10 ಗ್ಲಾಸ್ ನೀರು ಕುಡಿಯಬೇಕು.

2. ಕ್ಯಾಲ್ಸಿಯಂ: ಬೆನ್ನು ನೋವು ನಿವಾರಣೆಗೆ ಅಧಿಕ ಕ್ಯಾಲ್ಸಿಯಂ ಇರುವ ಆಹಾರ ಸೇವಿಸಬೇಕು. ವೈದ್ಯರ ಸಲಹೆ ಮೇರೆಗೆ ಕ್ಯಾಲ್ಸಿಯಂ ಇರುವ ಮಾತ್ರೆಗಳನ್ನು ಸೇವಿಸಬಹುದು. ಪ್ರತಿನಿತ್ಯ 1-2 ಲೋಟ ಹಾಲು ಕುಡಿಯಬೇಕು.

ಇತರ ಸಲಹೆ:

1. ತಕ್ಷಣ ಬಗ್ಗಿ ವಸ್ತುಗಳನ್ನು ತೆಗೆಯಬಾರದು, ಮೊದಲು ಮಂಡಿಯನ್ನು ಬಗ್ಗಿಸಿ ನಂತರ ಬಾಗಿ ವಸ್ತುಗಳನ್ನು ತೆಗೆದರೆ ಬೆನ್ನಿಗೆ ಹೆಚ್ಚಿನ ಒತ್ತಡ ಬೀಳುವುದಿಲ್ಲ.

2. ದೇಹದ ತೂಕವನ್ನು ಸಮಪ್ರಮಾದಲ್ಲಿಡಬೇಕು.

3. ಕೂರುವಾಗ ಪಾದ ನೆಲಕ್ಕೆ ಮುಟ್ಟುವ ಹಾಗೆ ಕೂರಬೇಕು.

4. ಮಾನಸಿಕ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಬೇಕು.

5. ಒಂದು ಕಡೆ ತಿರುಗಿ ಮಲಗಿ, ಮಗುಚಿ ಹೊಟ್ಟೆ ಕೆಳಭಾಗದಲ್ಲಿರುವಂತೆ ಒಳ್ಳೆಯದಲ್ಲ. ಸಪೋರ್ಟ್ ಗೆ ಬೇಕೆಂದರೆ ದಿಂಬನ್ನು ಕಾಲುಗಳ ನಡುವೆ ಇಡಿ.

6. ತಿಂಗಳಿಗೊಮ್ಮೆ ಉಪವಾಸ ಮಾಡುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.