ಒಸಡಿನಲ್ಲಿ ರಕ್ತಸ್ರಾವ: ಇಲ್ಲಿದೆ ಸುಲಭ ಮನೆಮದ್ದು

Published: Wednesday, May 18, 2011, 13:20 [IST]

ಒಸಡಿನ ರಕ್ತಸ್ರಾವ ಹೆಚ್ಚಿನವರಲ್ಲಿ ಕಂಡುಬರುವ ಸಾಮಾನ್ಯ ಸಮಸ್ಯೆ. ವಸಡಿನಲ್ಲಿರುವ ರೋಗಾಣುಗಳು ಕೀವು ಉಂಟುಮಾಡುತ್ತವೆ. ಹಲ್ಲಿನ ಸಂದಿಗಳಲ್ಲಿ, ವಸಡಿನಲ್ಲಿ ರಕ್ತಸ್ರಾವವಾಗುತ್ತದೆ. ಬಾಯಿಯ ಆರೋಗ್ಯದ ಕುರಿತು ನಿರ್ಲಕ್ಷ್ಯವಹಿಸುವುದೇ ಈ ತೊಂದರೆಗೆ ಪ್ರಮುಖ ಕಾರಣ. ಅಸಡ್ಡೆ ಮಾಡಿದರೆ ಬಾಯಿ ಬ್ಯಾಕ್ಟೀರಿಯಾ, ರೋಗಾಣುಗಳ ಆವಾಸ ಸ್ಥಾನವಾಗುತ್ತದೆ. ಒಸಡಿನ ರಕ್ತಸ್ರಾವಕ್ಕೆ ಪರಿಹಾರವಾಗಿ ಕೆಲವು ಸುಲಭ ಮನೆಮದ್ದುಗಳು ಇಲ್ಲಿವೆ.

* ಶ್ರೀಗಂಧವನ್ನು ತೇಯ್ದು ಅದನ್ನು ಬಾಯಿಯಲ್ಲಿ ಇಟ್ಟುಕೊಂಡರೆ ಹಲ್ಲಿನ ಒಸಡಿನಲ್ಲಿ ಬರುವ ಕೀವು ಹಾಗೂ ರಕ್ತ ನಿಲ್ಲುತ್ತದೆ.

* ಒಸಡಿನಲ್ಲಿ ರಕ್ತಸ್ರಾವವಿದ್ದರೆ ಜಾಜಿಮಲ್ಲಿಗೆಯ ಎಲೆಯನ್ನು ಪ್ರತಿದಿನ ತಿನ್ನಬೇಕು.

* ರಾತ್ರಿ ನಿದ್ದೆ ಮಾಡುವ ಮುನ್ನ ಲೋಳಿಸರ ರಸವನ್ನು ವಸಡಿಗೆ ಹಚ್ಚಿಕೊಳ್ಳಿ. ರಾತ್ರಿಪೂರ್ತಿ ಹಾಗೆಯೇ ಇರಲಿ. ಮರುದಿನ ವಸಡಿನ ರಕ್ತಸ್ರಾವ ಕಡಿಮೆಯಾಗುತ್ತದೆ.

* ಇನ್ನೊಂದು ಪ್ರಮುಖ ಮನೆಮದ್ದು ಶುಂಠಿ. ಇದಕ್ಕೆ ರೋಗ ನಿರೋಧಕ ಮತ್ತು ಬ್ಯಾಕ್ಟಿರಿಯ ನಿವಾರಕ ಗುಣವಿದೆ. ಶುಂಠಿಯನ್ನು ತೇಯ್ದು ಒಸಡಿಗೆ ಹಚ್ಚಿಕೊಳ್ಳಿ.

* ತುಲಸಿ ಸರ್ವರೋಗ ನಿವಾರಕ. ತುಲಸಿ ಎಲೆಯನ್ನು ತೇಯ್ದು ಒಸಡಿಗೆ ರಾತ್ರಿ ನಿದ್ದೆಗೆ ಮುನ್ನ ಹಚ್ಚಿಕೊಳ್ಳಿ.

* ಬಿಸಿನೀರಿಗೆ ಒಂದು ಚಮಚ ಲಿಂಬೆರಸ ಮತ್ತು ಸ್ವಲ್ಪ ಉಪ್ಪು ಹಾಕಿ ಬಾಯಲ್ಲಿ ಮುಕ್ಕಳಿಸುತ್ತಿರಿ.

ಒಸಡಿನಲ್ಲಿ ಗಾಯ, ಕೀವು, ರಕ್ತಸ್ರಾವ ಇತ್ಯಾದಿಗಳು ಮೇಲೆ ತಿಳಿಸಿದ ಸುಲಭ ಮನೆಮದ್ದಿನಿಂದ ಗುಣವಾಗಬಹುದು. ಅದಕ್ಕಿಂತ ಉತ್ತಮ ಪರಿಹಾರವೆಂದರೆ ಉತ್ತಮ ದರ್ಜೆಯ ಪೇಸ್ಟ್ ನಿಂದ ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು.

;

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.

Comments

English summary

Home Remedy For Gingivitis | Bleeding gum home remedies | ಒಸಡು ರಕ್ತಸ್ರಾವಕ್ಕೆ ಪರಿಹಾರ

Bleeding gums is a common problem and the reason needless to say is unhygenic oral health. One of the major cause of bleeding gums is gingivitis, which is an inflammation of the gums. Here are some bleeding gum home remedies.

Story first published: Wednesday, May 18, 2011, 13:18 [IST]

Other articles published on May 18, 2011