ಕುಡಿತದ ನಿಶೆ ಬೇಗ ಇಳಿಸಿಕೊಳ್ಳಬೇಕಾ?

Wellness

oi-Sumalatha

By Sumalatha

Published: Tuesday, December 20, 2011, 12:15 [IST]

ರಾತ್ರಿ ಕಂಠ ಪೂರ್ತಿ ಕುಡಿದು ತಡವಾಗಿ ನಿದ್ದೆಗೆ ಜಾರಿದ ಮೇಲೆ ಬೆಳಗ್ಗೆ ಎದ್ದರೆ ತಲೆ ಸುತ್ತು, ವಾಕರಿಕೆ. ಇನ್ನೂ ಕುಡಿತದ ಅಮಲು ತಲೆಯಿಂದ ಪೂರ್ಣ ಹೋಗಿರುವುದೇ ಇಲ್ಲ. ಕುಡಿತ ದೇಹಕ್ಕೆ ವಿಷಕಾರಿ. ಆದ್ರೆ ಏನು ಮಾಡೋದು ಫ್ರೆಂಡ್ಸ್ ಪಾರ್ಟಿ ಅಂದ ಮೇಲೆ ಅಲ್ಲಿ ಸ್ವಲ್ಪ ಕುಡಿತ ಇದ್ದೇ ಇರುತ್ತೆ ಅನ್ನೋದು ಹಲವರ ಸಮಜಾಯಿಷಿ.

ಆದ್ರೆ ಕುಡಿತದ ಮತ್ತನ್ನು ಬೇಗ ಇಳಿಸಿಕೊಳ್ಳಬೇಕೆಂದರೆ ಚೆನ್ನಾಗಿ ನೀರು ಕುಡಿಯಿರಿ, ಜೊತೆಗೆ ಬೇಗ ಮಲಗಿ ಬಿಡಿ ಎನ್ನುತ್ತಾರೆ ಸಂಶೋಧಕರು. ದೇಹಕ್ಕೆ ಆಲ್ಕೊಹಾಲ್ ವಿಷಕಾರಿ. ಇದು ಲಿವರ್ ನಲ್ಲಿ ಸೇರಿಕೊಂಡು ಇನ್ನೂ ಹೆಚ್ಚು ವಿಷಕಾರಿಯಾದ ಅಸೆಟಲ್ ಡಿಹೈಡ್ ಅಂಶವನ್ನು ಉಂಟುಮಾಡುತ್ತದೆ.

ಕುಡಿದ ಅಮಲನ್ನು ಹೋಗಿಸುವ ಅನೇಕ ಸಲಹೆಗಳು ಇದೆ. ಆದರೆ ಇವ್ಯಾವು ಪರಿಣಾಮಕಾರಿಯಾಗಿ ಕೆಲಸ ನಿರ್ವಹಿಸುವುದಿಲ್ಲ ಎಂದು ಕೊಲಂಬಿಯಾ ವಿಶ್ವವಿದ್ಯಾಲಯದ ಮೆಡಿಕಲ್ ಸೆಂಟರ್ ನ ಪೌಲ್ ಸೀಸರ್ ತಿಳಿಸಿದ್ದಾರೆ.

ನಿಮ್ಮ ಕುಡಿತದಿಂದ ಆಲ್ಕೊಹಾಲ್ ಕರಗಿಸುವ ದೇಹದ ಸಾಮರ್ಥ್ಯ ಕುಗ್ಗಿ ರಕ್ತದಲ್ಲಿ ಆಲ್ಕೊಹಾಲ್ ಅಂಶ ಸೇರಿಕೊಂಡು ಹಲವು ಅಡ್ಡಪರಿಣಾಮಗಳು ಉಂಟಾಗುತ್ತದೆ. ಕೊನೆಗೆ ಇದೇ ದೊಡ್ಡ ಸಮಸ್ಯೆಯಾಗಿ ಪರಿವರ್ತನೆಯಾಗುತ್ತದೆ.

ಆಲ್ಕೊಹಾಲ್ ಸೇವಿಸಿದ ಸಮಯದಲ್ಲಿ ಮೊದಲೇ ದೈಹಿಕ ಶಕ್ತಿ ಕುಗ್ಗುವುದರ ಜೊತೆ ನೀರೂ ಇಲ್ಲದಿದ್ದರೆ ಹೊಟ್ಟೆ ಇನ್ನಷ್ಟು ಕೆಟ್ಟು ತಲೆನೋವನ್ನೂ ತರುತ್ತದೆ. ಇದರಿಂದ ಮೆದುಳಿನ ಕಣಗಳು ಕುಗ್ಗಿ ದೇಹದ ಅಂಗಗಳೂ ನೀರಿನಂಶದ ಕೊರತೆಯಿಂದ ಸುಸ್ತಾಗುತ್ತದೆ. ಆದ್ದರಿಂದ ಈ ಸಮಯದಲ್ಲಿ ಹೆಚ್ಚು ನೀರು ಸೇವನೆ ಮಾಡಿದರೆ ಅಮಲನ್ನು ಬೇಗ ನೀಗಿಸಿಕೊಳ್ಳಬಹುದು ಎಂದಿದ್ದಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.