ಕತ್ತು ನೋವು-ಇದು ಮೊಬೈಲ್ ಉಡುಗೊರೆ

Wellness

oi-Reena

By Hema S

Published: Tuesday, December 6, 2011, 15:08 [IST]

ಮಿತಿ ಮೀರಿ ಮೊಬೈಲ್ ಬಳಕೆ ಮಾಡುವುದರಿಂದ ಅದು ಕಿವಿಗೆ ಮತ್ತು ಮೆದುಳಿಗೆ ಹಾನಿ ಉಂಟಾಗುವುದು ಎಂಬ ಎಚ್ಚರಿಕೆಯ ಕರೆಗಂಟೆಯನ್ನು ವೈದ್ಯಕೀಯ ಜಗತ್ತು ಈಗಾಗಲೆ ನೀಡಿದೆ. ಅಲ್ಲದೆ ಮೊಬೈಲ್ ನಿಂದ ಕುತ್ತಿಗೆ ನೋವಿನ ಸಮಸ್ಯೆ ಕೂಡ ಬರುತ್ತದೆ ಎಂದು ಇತ್ತೀಚಿನ ಸಂಶೋಧನೆಯಿಂದ ತಿಳಿದು ಬಂದಿದೆ.

ಅದರಲ್ಲೂ ಇಂತಹ ಸಮಸ್ಯೆ ಹೆಚ್ಚಾಗಿ ಯುವ ಜನತೆಗೆ ಬರುವ ಸಾಧ್ಯತೆ ಹೆಚ್ಚು ಏಕೆಂದರೆ ಇವರು ಹೆಚ್ಚಿನ ಸಮಯವನ್ನು ಮೆಸೇಜ್ ಮಾಡುವುದರಲ್ಲಿ ಕಳೆಯುವುದರಿಂದ ರಾತ್ರಿ ಮಲಗಿದರೂ ಕೂಡ ಮೊಬೈಲ್ ನಲ್ಲಿ ಆಡುತ್ತಾ ಇರುತ್ತಾರೆ.

ಇದರಿಂದಾಗಿ ಕ್ರಮೇಣ ಕುತ್ತಿಗೆಯಲ್ಲಿ ನೋವು ಕಾಣಿಸಲಾರಂಭಿಸುತ್ತದೆ. ಈ ಸಮಸ್ಯೆಯನ್ನು ಹಾಗೆ ಬಿಟ್ಟರೆ ಅದೇ ಮುಂದಕ್ಕೆ ದೊಡ್ಡ ಸಮಸ್ಯೆಯಾಗಿ ದೇಹದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತದೆ.

ಇದರಿಂದ ಕ್ರಮೇಣ ಕುತ್ತಿಗೆಯಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಈ ರೀತಿಯ ಕುತ್ತಿಗೆ ನೋವಿನ ಸಮಸ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಇದು ಮೊಬೈಲ್ ನಿಂದ ಸಿಕ್ಕಿದ ಕೊಡುಗೆಯಾಗಿದೆ ಎಂದು ವೈದ್ಯರು ಹೇಳುತ್ತಾರೆ.

ದೊಡ್ಡವರಿಗಿಂತ ಯುವ ಪೀಳಿಗೆಯವರು ಮಲಗಿ ಮೆಸೇಜ್ ಮಾಡುವುದರಿಂದ ಅವರ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ, ಆದ್ದರಿಂದ ಮೊಬೈಲ್ ಬಳಕೆಯನ್ನು ಮಿತಿಯಲ್ಲಿ ಮಾಡಬೇಕು. ಕೂರುವಾಗ ಮತ್ತು ಮಲಗುವಾಗ ಸರಿಯಾದ ಭಂಗಿಯಲ್ಲಿ ಮಲಗಬೇಕು.

ಅಲ್ಲದೆ ಮೊಬೈಲ್ ಸ್ಕ್ರೀನ್ ಮಾತ್ರ ನೋಡುತ್ತಾ ಕೂರುವ ಬದಲು ಕುತ್ತಿಗೆಯನ್ನು ತಿರುಗಿಸುವುದು, ಬೇರೆ ಕಡೆಗೆ ನೋಡುವುದು ಮತ್ತು ಪ್ರತಿನಿತ್ಯ ವ್ಯಾಯಾಮ ಮಾಡುವುದರಿಂದ ಇಂತಹ ಸಮಸ್ಯೆಯನ್ನು ತಡೆಗಟ್ಟಬಹುದು

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.