ರಾಸಾಯನಿಕ ಹಾಕಿದ ಮಾವಿನಹಣ್ಣು ಕಂಡು ಹಿಡಿಯುವುದು ಹೇಗೆ?

ಮಾವಿನ ಹಣ್ಣಿನಲ್ಲಿರುವ ರಾಸಾಯನಿಕಗಳಿಂದ ಆಗುವ ತೊಂದರೆಗಳು

ಮಾವುಗಳಿಗೆ ಕ್ಯಾಲ್ಸಿಯಂ ಕಾರ್ಬೈಡ್, ಪಾಸ್ಪರ್ಸ ಹೈಡ್ರೈಡ್ ಈ ರೀತಿಯ ರಾಸಾಯನಿಕ ಹಾಕಿ ಹಣ್ಣು ಮಾಡುತ್ತಾರೆ, ಇಂಥ ಹಣ್ಣುಗಳನ್ನು ತಿನ್ನುವುದರಿಂದ ದೇಹಕ್ಕೆ ಒಳಿತಾಗುವ ಬದಲು ಹಾನಿಯಾಗುವುದೇ ಹೆಚ್ಚು. ಇವುಗಳನ್ನು ತಿನ್ನುವುದರಿಂದ ತಲೆಸುತ್ತು, ಹೊಟ್ಟೆ ಹಾಳಾಗುವುದು, ಕ್ಯಾನ್ಸರ್‌ನಂಥ ಮಾರಕ ರೋಗಗಳೂ ಬರುತ್ತವೆ.

ನೀವು ತಂದ ಮಾವಿನ ಹಣ್ಣುಗಳಲ್ಲಿ ರಾಸಾಯನಿಕ ಸಿಂಪಡಿಸಿದೆಯೇ ಎಂದು ಪತ್ತೆ ಹಚ್ಚುವುದು ಹೇಗೆ? ಇದು ತುಂಬಾ ಸುಲಭ ಈ ವಿಧಾನಗಳನ್ನು ಅನುಸರಿಸಿ.

ಸರಳವಾದ ವಿಧಾನ:

ಒಂದು ಬಕೆಟ್‌ನಲ್ಲಿ ನೀರು ಹಾಕಿ ಅದರಲ್ಲಿ ಮಾವಿನಹಣ್ಣುಗಳನ್ನು ಹಾಕಿ, ಮಾವಿನಹಣ್ಣುಗಳು ತೇಲುತ್ತಿದ್ದರೆ ಅವುಗಳಿಗೆ ರಾಸಾಯನಿಕ ಸಿಂಪಡಿಸಿದ್ದಾರೆ ಎಂದು ಹೇಳಬಹುದು.

ಇನ್ನು ಈ ರೀತಿಯೂ ಪರೀಕ್ಷಿಸಿ...

ಬಣ್ಗ

ರಾಸಾಯನಿಕ ಹಾಕಿ ಹಣ್ಣು ಮಾಡಿದ್ದರೆ ಅವುಗಳ ತೊಟ್ಟು ನೋಡಿದರೆ ಗೊತ್ತಾಗುತ್ತದೆ, ತೊಟ್ಟಿನ ಭಾಗ ಹಸಿರು ಇರುತ್ತದೆ, ಉಳಿದ ಭಾಗ ತುಂಬಾ ಆಕರ್ಷಕ ಬಣ್ಣದಿಂದ ಕೂಡಿರುತ್ತದೆ. ಇನ್ನು ನಿಮ್ಮ ಮನೆಯಲ್ಲಿ ಮಾವಿನ ಗಿಡವಿದ್ದರೆ ಗಮನಿಸಿರಬಹುದು ಮಾರುಕಟ್ಟೆಯಲ್ಲಿ ದೊರೆಯುವಷ್ಟು ಆಕರ್ಷಕ ಬಣ್ಣ ತೋಟದ ಮಾವಿನ ಗಿಡದಲ್ಲಿಯೇ ಹಣ್ಣಾದ ಮಾವಿಗೆ ಇರಲ್ಲ.

ರುಚಿ

ಕೃತಕವಾಗಿ ಹಣ್ಣು ಮಾಡಿದ್ದರೆ ಆ ಹಣ್ಣುಗಳ ರುಚಿಯಲ್ಲಿ ವ್ಯತ್ಯಾಸವಿರುತ್ತದೆ. ನೈಸರ್ಗಿಕವಾಗಿ ಹಣ್ಣಾಗಿದ್ದರೆ ಹಣ್ಣಿನ ರುಚಿಯೇ ಬೇರೆ, ಕೃತಕವಾಗಿ ಹಣ್ಣಾಗಿದ್ದರೆ ಕತ್ತರಿಸಿ ತಿನ್ನುವಾಗ ಸ್ವಲ್ಪ ಹುಳಿ-ಹುಳಿ ಅಧಿಕವೇ ಇರುತ್ತದೆ. ಇನ್ನು ಕೆಲವೊಮ್ಮೆ ನಿಮಗೆ ಬಾಯಿ ಉರಿ ಕೂಡ ಉಂಟಾಗುವುದು.

ರಸ ಕಡಿಮೆ

ಕೃತಕವಾಗಿ ಹಣ್ಣು ಮಾಡಿದ್ದರೆ ಅವುಗಳಲ್ಲಿ ಅಧಿಕ ರಸ ಇರುವುದಿಲ್ಲ. ಇನ್ನು ಇಂಥ ಮಾವಿನಹಣ್ಣಿಗಳಿಂದ ಜ್ಯೂಸ್‌ ಮಾಡಿದರೂ ಅದು ರುಚಿಕರವಾಗಿರುವುದಿಲ್ಲ. ಬಣ್ಣ ಮಾತ್ರ ಆಕರ್ಷಕವಾಗಿರುತ್ತದೆ.

ಆದ್ದರಿಂದ ಮಾರುಕಟ್ಟೆಯಲ್ಲಿರುವ ಹಣ್ಣುಗಳನ್ನು ಕೊಳ್ಳುವಾಗ ಈ ಅಂಶಗಳನ್ನು ಗಮನಿಸಿ.