ಬೊಜ್ಜು ರಹಿತ ಹೊಟ್ಟೆ ಪಡೆಯುವುದು ಹೇಗೆ?

Diet Fitness

oi-Reena

By Hema S

Updated: Friday, August 3, 2012, 11:41 [IST]

ಅಧಿಕ ಕಾರ್ಬೋಹೈಡ್ರೇಟ್ ಮತ್ತು ಅಧಿಕ ಕ್ಯಾಲೋರಿಯ ಆಹಾರವನ್ನು ತಿಂದು, ಬೆಳಗಿನಿಂದ ಸಂಜೆವರೆಗೆ ಕಂಪ್ಯೂಟರ್ ಮುಂದೆ ಕೂತು ಕೆಲಸ ಮಾಡುವುದು ನಮ್ಮಲ್ಲಿ ಹೆಚ್ಚಿನವರ ಜೀವನಶೈಲಿಯಾಗಿದೆ. ಇದರಿಂದ ಬೇಡದ ಕೊಬ್ಬು ಹೊಟ್ಟೆಯಲ್ಲಿ ಮತ್ತು ಸೊಂಟದ ಸುತ್ತ ಸಂಗ್ರಹವಾಗುತ್ತಾ ಹೋಗಿ ಬೊಜ್ಜು ಹೊಟ್ಟೆ ಬರಲಾರಂಭಿಸುತ್ತದೆ.

ಕಂಪ್ಯೂಟರ್ ನಲ್ಲಿ ಅಥವಾ ಒಂದು ಕಡೆ ಕೂತು ಕೆಲಸ ಮಾಡುವವರು ಆದಷ್ಟು ಲಘು ಆಹಾರ ತೆಗೆದುಕೊಳ್ಳುವುದು ಒಳ್ಳೆಯದು. ದೈಹಿಕ ಶ್ರಮ ಪಡುವವರು (ಗಾರೆ ಕೆಲಸ ಮುಂತಾದ ಕೆಲಸ ಮಾಡುವವರು) ಘನ ಆಹಾರ ತಿಂದರೂ ಅವರು ದೈಹಿಕ ಶ್ರಮ ಹೆಚ್ಚು ಪಡುವುದರಿಂದ
ಅವರಲ್ಲಿ ಈ ರೀತಿಯ ಬೊಜ್ಜಿನ ಸಮಸ್ಯೆ ಕಂಡು ಬರುವುದಿಲ್ಲ.

ಬೊಜ್ಜು ರಹಿತ ಹೊಟ್ಟೆ ಬೇಕೆಂದು ಬಯಸುವುದಾದರೆ ಈ ಕೆಳಗಿನ ಆಹಾರಗಳನ್ನು ಆಹಾರಕ್ರಮದಲ್ಲಿ ಸೇರಿಸಿ, ಈ ಆಹಾರಗಳು ಹೊಟ್ಟೆಯಲ್ಲಿ ಬೊಜ್ಜು ಶೇಖರವಾಗುವುದನ್ನು ತಡೆಗಟ್ಟಿ, ಬೊಜ್ಜು ರಹಿತ ಮೈಕಟ್ಟು ಪಡೆಯುವಂತೆ ಮಾಡುತ್ತದೆ.

ಕೊಬ್ಬಿನಂಶವಿಲ್ಲದ ಮೊಸರು: ಮೊಸರು ಜೀರ್ಣಕ್ರಿಯೆ ಸರಿಯಾಗಿ ನಡೆಯಲು ಸಹಾಯ ಮಾಡುತ್ತದೆ. ಇದನ್ನು ಕುಡಿದರೆ ಗ್ಯಾಸ್ ಸಮಸ್ಯೆ, ಮಲಬದ್ಧತೆ ಸಮಸ್ಯೆಯನ್ನು ಹೋಗಲಾಡಿಸಿ ಹೊಟ್ಟೆ ದಪ್ಪ ಕಾಣದಂತೆ ಮಾಡುತ್ತದೆ.

ದವಸ ಧ್ಯಾನ್ಯಗಳು: ತುಂಬಾ ಪಾಲಿಷ್ ಮಾಡಿದ ಅಕ್ಕಿಯಿಂದ ತಯಾರಿಸಿದ ಆಹಾರಕ್ಕಿಂತ ಕೆಂಪಕ್ಕಿಯಿಂದ ತಯಾರಿಸಿದ ಆಹಾರಗಳನ್ನು ಸೇವಿಸಿ. ದವಸ ಧಾನ್ಯಗಳಿರುವ ಆಹಾರ ಹೆಚ್ಚಾಗಿ ಸೇವಿಸುವುದರಿಂದ ದೇಹದಲ್ಲಿ ಸಕ್ಕರೆ ಅಂಶವನ್ನು ನಿಯಂತ್ರಣದಲ್ಲಿಡಲು ಸಹಕಾರಿಯಾಗಿದೆ. ಈ ದವಸ ಧಾನ್ಯಗಳು ಹೊಟ್ಟೆಯಲ್ಲಿ ಬೊಜ್ಜು ಕರಗಿಸಲು ಅವಕಾಶ ಕೊಡುವುದಿಲ್ಲ.

ಹಸಿರು ಸೊಪ್ಪುಗಳು: ಬ್ರೊಕೋಲಿ, ಬೀನ್ಸ್ ಹೀಗೆ ವಿಟಮಿನ್ ಎ, ಸಿ, ಕೆ ಇರುವ ಆಹಾರಗಳನ್ನು ಹೆಚ್ಚಾಗಿ ತಿಂದರೆ ತಿನ್ನಿ. ಈ ಆಹಾರಗಳು ತಿಂದರೆ ಸುಲಭದಲ್ಲಿ ಜೀರ್ಣವಾಗುವುದರಿಂದ ಹೊಟ್ಟೆ ಬೊಜ್ಜು ಬರುವುದಿಲ್ಲ. ಆಲೀವ್ ಎಣ್ಣೆಯನ್ನು ಅಡುಗೆಗೆ ಬಳಸಿದರೆ ಹೊಟ್ಟೆಯ ಬೊಜ್ಜುನ ಕರಗಿಸಲು ಸಹಕಾರಿಯಾಗಿದೆ.

ವಿನಿಗರ್: ಒಂದು ಅಥವಾ 2 ಚಮಚ ಆಪಲ್ ಸೈಡರ್ ವಿನಿಗರ್ ಅನ್ನು 12-15 ದಿನಗವರೆಗೆ ಸೇವಿಸಿದರೆ ದೇಹದ ತೂಕ ಕಡಿಮೆಯಾಗುವುದು. ಇದರಲ್ಲಿ acetic ಆಸಿಡ್ ಇದ್ದು ದೇಹದಲ್ಲಿರುವ ಕೊಬ್ಬನ್ನು ಕರಗಿಸಿ ತೆಳ್ಳಗೆ ಮಾಡಲು ಸಹಕಾರಿಯಾಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.