ಡಯಟ್ ಹೆಸರಿನಲ್ಲಿ ಈ 7 ತಪ್ಪು ಮಾಡದಿರಿ

1. ಕ್ರಾಶ್ ಡಯಟ್:

ದೇಹದ ತೂಕ ಕಡಿಮೆಯಾಗಲು ಹೆಚ್ಚಿನವರು ಕಂಡುಕೊಂಡಿರುವ ದಾರಿಯೆಂದರೆ ಕ್ರಾಶ್ ಡಯಟ್. ಕ್ರಾಶ್ ಡಯಟ್ ಅಂದರೆ ಸ್ವಲ್ಪವೇ ಸ್ವಲ್ಪ ಆಹಾರವನ್ನು ತಿಂದು ಇರುವುದು. ಈ ರೀತಿಯ ಡಯಟ್ ಮಾಡುವವರು ಒಂದು ವಿಷಯ ನೆನೆಪಿಟ್ಟುಕೊಳ್ಳಬೇಕು. ದೇಹಕ್ಕೆ ಪ್ರತಿದಿನ ಇಂತಿಷ್ಟು ಪೋಷಕಾಂಶದ ಅವಶ್ಯಕತೆ ಇರುತ್ತದೆ.ಪೋಷಕಾಂಶಗಳು, ಪ್ರೊಟೀನ್ ಹಾಗೂ ವಿಟಮಿನ್ ಗಳ ಕೊರತೆಯಿಂದ ಕಾಯಿಲೆಗಳು ಉಂಟಾಗುವುದು.

2. ಊಟ ಬಿಡುವುದು:

ದಿನದಲ್ಲಿ ಒಂದು ಹೊತ್ತು ತಿನ್ನುವುದು ಅಥವಾ ಬೆಳಗಿನ ಊಟ ಬಿಡವುದು ಈ ರೀತಿಯ ಡಯಟ್ ಅನ್ನು ಹೆಚ್ಚಿನವರು ಪಾಲಿಸುತ್ತಾರೆ. ಈ ರೀತಿಯ ಡಯಟ್ ಪಾಲಿಸಿದರೆ ಯಾವುದೇ ಪ್ರಯೋಜನವಿಲ್ಲ. ಸಣ್ಣಗಾಗಬೇಕು, ಆರೋಗ್ಯಕರವಾಗಿರಬೇಕೆಂದು ಬಯಸುವುದಾದರೆ ದಿನನಕ್ಕೆ 6 ಬಾರಿ ತಿನ್ನಿ! 3 ಹೊತ್ತು ತಿನ್ನುವ ಊಟವನ್ನು 6 ಭಾಗಗಳಾಗಿ ವಿಂಗಡಿಸಿ 3 ಗಂಟೆಗೊಮ್ಮೆ ತಿನ್ನಿ. ಈ ರೀತಿಯ ಆಹಾರಕ್ರಮ ಪಾಲಿಸಿದರೆ ಖಂಡಿತ ಸಣ್ಣಗಾಗುವಿರಿ.

3. ಕಡಿಮೆ ಕ್ಯಾಲೋರಿಯ ಆಹಾರ:

ತೆಳ್ಳಗಿನ ಮೈಮಾಟಕ್ಕಾಗಿ ಕಡಿಮೆ ಕ್ಯಾಲೋರಿಯಾ ಆಹಾರ ತಿನ್ನಬೆಕು ನಿಜ. ಆದರೆ ಇದನ್ನೇ ಪ್ರತಿದಿನ ತಿಂದರೆ ಮಲಬದ್ಧತೆ ಸಮಸ್ಯೆ ಕಾಣಿಸಿಕೊಳ್ಳುವುದು. ಆದ್ದರಿಂದ ನಾರಿನಂಶ, ಪ್ರೊಟೀನ್ ನಂಶ ಹಾಗೂ ಸ್ವಲ್ಪ ಕಾರ್ಬೋಹೈಡ್ರೇಟ್ ಇರುವ ಆಹಾರವನ್ನು ಸೇವಿಸಬೇಕು.

4. ನೀರು:

ಡಯಟ್ ಮಾಡುವಾಗ ಕೆಲವರು ನೀರು ಕುಡಿಯುವ ಪ್ರಮಾಣವನ್ನು ಕೂಡ ಕಡಿಮೆ ಮಾಡುಕೊಳ್ಳುತ್ತಾರೆ. 8-10 ಲೋಟ ನೀರು ಕುಡಿಯಬೇಕು. ಇನ್ನೂ ಕೆವರು ಬರೀ ವಾಟರ್ ಡಯಟ್ ಮಾಡುತ್ತಾರೆ ಇದು ಕೂಡ ಅಪಾಯಕಾರಿಯಾದ ಡಯಟ್ ಕ್ರಮವಾಗಿದೆ.

5. ಹಾಲು ಹಾಗೂ ಹಾಲಿನ ಉತ್ಪನ್ನಗಳು:

ಹೆಚ್ಚಿನವರು ಡಯಟ್ ಮಾಡುವಾಗ ಹಾಲು ಹಾಗೂ ಹಾಲಿನ ಉತ್ಪನ್ನಗಳನ್ನು ಮುಟ್ಟುವುದೇ ಇಲ್ಲ. ಆದರೆ ಹಾಲು ದೇಹಕ್ಕೆ ಅವಶ್ಯಕ. ದಿನಕ್ಕೆ ಒಂದು ಲೋಟ ಹಾಲು ಹಾಗೂ ಸ್ವಲ್ಪ ಹಾಲಿನ ಉತ್ಪನ್ನಗಳನ್ನು ಆಹಾರಕ್ರಮದಲ್ಲಿ ಸೇರಿಸಿದರೆ ಕ್ಯಾಲ್ಸಿಯಂ ಕೊರತೆ ಉಂಟಾಗುವುದಿಲ್ಲ.

6. ಪಾನೀಯಾಗಳು:

ಡಯಟ್ ನಲ್ಲಿರುವವರು ಜ್ಯೂಸ್ ಕುಡಿಯುವಾಗ ಅಧಿಕ ಕ್ಯಾಲೋರಿ ಇರುವ ಜ್ಯೂಸ್ ಕುಡಿಯಬಾರದು. ಆದರೆ ಹೆಚ್ಚಿನವರು ಇದರ ಬಗ್ಗೆ ಗಮನವೇ ಕೊಡುವುದಿಲ್ಲ.

7. ತಿಂಡಿ:

ಕೆಲವರು ಡಯಟ್ ಮಾಡುತ್ತಾರೆ ಆದರೆ ಸ್ನಾಕ್ಸ್ ತಿನ್ನುವುದು ಕಡಿಮೆ ಮಾಡುವುದಿಲ್ಲ. ಸ್ನಾಕ್ಸ್ ನಲ್ಲಿ ಕರೆದ ಪದಾರ್ಥಗಳನ್ನು ತಿನ್ನುವ ಬದಲು ನಟ್ಸ್ ತಿಂದರೆ ಆರೋಗ್ಯಕ್ಕೂ ಒಳ್ಳೆಯದು, ದೇಹದ ತೂಕ ಹೆಚ್ಚಾಗುವುದಿಲ್ಲ.